Matthew 15:3 - Yak'usda Ooghuni

³ ꞋEt ꞌúbulhni, “Di ha nohni nohkꞌoh tsꞌe huwa Yakꞌusda ooghuni ookꞌu nulheꞌzahtꞌen?

Matthew 15:3 Iomraidhean Croise

Matthew 15:2

“Di ha ngha hodulꞌehne, netsodaꞌne neꞌhustꞌen hukwꞌunꞌa hukwꞌu nulheꞌhustꞌen? Ngha hodulꞌehne, ꞌaw lanalheꞌhulhde ꞌuhutiꞌulh whutso!”

Matthew 15:4

Yakꞌusda dughuni nohtlꞌa idanꞌai whe njan ndutni, ‘Mbá ꞌinkꞌez nloo bulh hubudólhtiꞌ. Mbe la duloo ꞌinkꞌez dubá bulh dzoh tsꞌe bughu yatilhduk-un, daootsa huba ꞌuntꞌoh.’

Mark 7:13

ꞋEt huwa Yakꞌusda ooghuni ꞌaw lhoozúlhtsꞌai ꞌinkꞌez ookꞌú nulheꞌzahtꞌen. Whuz unꞌa dune whúbunulhtun lhat-un whe ꞌudun cha nohnichꞌoh nohkꞌunꞌa neꞌahtꞌen.”

Colossians 2:23

ꞋEt tsꞌiyawh be tsꞌuwhunih-i bulh ꞌuntꞌoh leꞌ ꞌuntꞌoh. ꞋEt whe dune dichꞌoh dukꞌunꞌa tenahududli huwhulhtsi. Teꞌhududilꞌen naꞌhududilꞌi. ꞋInkꞌez duyustꞌe dzoh nahuyulhdzut. ꞋEt hoontsꞌi ꞌohwhi ꞌaw hoonli lhuhooloh. ꞋEt ndúhoontꞌoh-un tsꞌiyawh ꞌaw neyustꞌe lubeshi whutsꞌu nintꞌi-un, ꞌaw ꞌet whuchꞌa nela ꞌewhudoneh ꞌaitꞌoh.

Colossians 2:8

Huwahli doo ka la ꞌuyoonne nanohonooꞌah bukꞌúneꞌ oohtꞌen ha. Dune dichꞌoh dukꞌunꞌa nuní hunuzut-un, kꞌus ꞌantsꞌi khuni be yáhalhduk-un, kꞌus dune didutchꞌoh dukꞌoh tsꞌe huhutni, kꞌus ndi yun kꞌut huwu ni hukwꞌunꞌa dune hohodulhꞌeꞌ. ꞋAw njan Christ ookꞌunꞌa iloh.

Titus 1:14

Lizwif be ꞌudadaꞌ ꞌaw buba ꞌalhaꞌ lheꞌyóosteꞌ. ꞋInkꞌez ndunne khuni ꞌalhaꞌ ꞌuntꞌoh-i chꞌaz nálhyane, ꞌenne bughuni uboozólhtsꞌaiꞌ junih.