Matthew 15:27 - Yak'usda Ooghuni

²⁷ ꞋEt tsꞌeke ꞌuyulhni, “SMoodihti ꞌalha dini. ꞋEt hoontsꞌi moodihti ludab kꞌut tukat-i, ꞌi lhikeyaz huyuldil.”

Matthew 15:27 Iomraidhean Croise

Genesis 32:10

ꞋAw sgha teꞌninzun ꞌinkꞌez tsꞌihꞌun khuni be cha sulh yailduk, ꞌi ꞌaw soo ba lheꞌuzdzooꞌ whe ꞌustꞌoh. Mba ꞌutꞌen-un whunilhtan njan ꞌukoh Jordan yanusya ndai la stuz cha nustun ꞌinkꞌez nawh ꞌudulhne tsꞌuzdliꞌ.

Matthew 15:26

ꞋEt Jesus ꞌutni, “Tsꞌoodunne yuꞌalh-i lhikeyaz gha óohꞌalh junih.”

Matthew 15:28

ꞋEt Jesus ꞌuyulhni, “ꞋOoh tsꞌeke hooncha whe mba ꞌalha ꞌuhoontꞌoh-un, ꞌet hooncha wheꞌ hoontꞌoh. ꞋEt huwa hukwaꞌ ninzun kꞌunꞌa ꞌuhoneh.” ꞋOh whuya hoozulh-un, ooyatsꞌe soo naꞌuja.

Matthew 5:45

ꞋEt de la whunúlhtun nohBá yakꞌuz usda-un, buzkeh ꞌahli whe ꞌahtꞌoh. Yakꞌusda sa ntsiꞌne ꞌinkꞌez unzoone sa bukꞌidindi. Tsꞌihꞌun ꞌuntꞌohne ꞌinkꞌez tsꞌihꞌun lheꞌitꞌohne cha lhgha bukꞌut nawhúlhtih.

Matthew 8:8

ꞋEt saldanne bumoodih ꞌuyulhni, “SMoodihti syoh tsꞌe tanyalh huba soo lheꞌuzdzooꞌ. ꞋAntsꞌi nghuni be ꞌet ndúdinja de, ꞌet la seꞌustle-un soo naꞌootneh.

Mark 7:28

ꞋEt yúlhni, “Moodih, ꞌalhaꞌ dini, ꞌet hoontsꞌi whuloh te lhike hoontsꞌi ludab tꞌah yun nakat-i tsꞌoodunne yughá ooꞌulh-i huyaꞌalh.”

Luke 16:21

Hoonzooꞌ ꞌuntꞌoh-un oolutab kꞌut whenghukat-i, ꞌi uncha usꞌalh ninzun. Lhike highulgok ꞌinkꞌez hika kꞌet whúdlat.

Luke 18:13

ꞋEt ndun sooniya ꞌilhunaoosꞌaih-un, ꞌen cha ꞌudun usyin. ꞋAw ndo hoontsꞌi yutóꞌen ꞌaitꞌoh ꞌinkꞌez yo nilhꞌai. ꞋInkꞌez dudzi kꞌut hoolhchis, ‘Yakꞌusda sgha teꞌninzeh! Lubeshi ꞌulhꞌen-un ꞌustꞌoh,’ ni.”

Romans 10:12

Lizwifne ꞌinkꞌez ꞌudun yun kꞌut whutꞌenne ꞌaw lhelhtsꞌun unꞌa lheꞌhítꞌoh. Yakꞌusda tsꞌiyanne buMoodihti unli. ꞋEt huwa mbene la oolaꞌ whudóneh hitsꞌu húkwa ꞌutnine, ꞌenne butsꞌun tube teꞌninzun whe ꞌuntꞌoh.

Romans 3:19

ꞋAlhaꞌ tꞌetsꞌonínzun Moses be ꞌudustlꞌus hikꞌúneꞌ ꞌutꞌenne ꞌudustlꞌus daja ni la, tsꞌiyawh hikꞌúneꞌ ootꞌen hubaꞌ hoontꞌoh. ꞋEt whula gha tsꞌe tsꞌiyanne Yakꞌusda hibut neníndil de, lubeshi ꞌuhulhꞌen tꞌéhonínzun, ꞌet huwa ꞌaw hoonli ꞌuhudooniꞌ ꞌaítꞌoh.

Romans 3:29

Daja nuhzun? Yakꞌusda Lizwifne za buYakꞌusda unli, kꞌus ꞌudun yun kꞌut whutꞌenne, ꞌenne cha tilah buYakꞌusda unli nuhzun eh? ꞋAlhaꞌ ꞌudun yun kꞌut whutꞌenne, ꞌenne cha buYakꞌusda ꞌuntꞌoh.

Romans 3:4

Ntsꞌenꞌa? Gak wheꞌ hoontꞌoh! Dunene tsꞌiyawh whuhutsꞌit ꞌet hoontsꞌi Yakꞌusda ꞌaw lhuwhustsꞌit wheꞌ ꞌuntꞌoh. Lerwe David Yakꞌusda ghun ꞌukꞌu náwhuzguz ndutni, “Nghuni gha ꞌuyoonne dune ꞌalhaꞌ dini tꞌehontázin. ꞋUyoonne ndulhyoh ꞌuhutni de, buchꞌaꞌ talhdoh,” ni.

Ephesians 3:19

Christ ye nékꞌensiꞌ-i, hooncha kꞌet, ꞌaw tꞌetsꞌonózin ꞌaitꞌoh, ꞌi be la tꞌeoonoohzeh. ꞋInkꞌez ndai Yakꞌusda yé dizbun-i, ꞌi be la doohbun.

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.