Matthew 15:17 - Yak'usda Ooghuni

¹⁷ ꞋAwhuz eh tsꞌihꞌun nelhózahꞌai? Dune ooza yúkat-i, oobut be yukat. ꞋInkꞌez ooyustꞌe tsꞌu ha náyukat.

Matthew 15:17 Iomraidhean Croise

Matthew 15:16

ꞋEt ꞌuyulhni, “ꞋAw eh noheni talhodulhtsꞌit whe eh dahni?

Matthew 15:18

ꞋEt dune khuni be yailhduk-i, budzi tsꞌu ha yúkat ꞌi ꞌuntꞌoh, ꞌinkꞌez ꞌi dune dilhtsꞌi.

Mark 7:19

ꞋAw oodzi be lhéyuskat oobut be yúkuk ꞌinkꞌez ooyustꞌe ootsꞌahaꞌ náyakat, whuz unꞌa ꞌutsiꞌ-i neyustꞌe táhanakat.”

Luke 6:45

Dune unzoo-un unzoo-i dudzi yo hoonli-i, ꞌi gha khuni unzoo-i be yalhduk. ꞋInkꞌez dune unsiꞌ-un untsiꞌ-i oodzi yo hoonli-i, ꞌi be khuni untsiꞌ-i be yalhduk. Dune di la oodzi yo be whudizbun, ꞌi be yaoolhduk.”

1 Corinthians 6:13

ꞋUtꞌalh-i nebut ba ꞌuntꞌoh ꞌinkꞌez nebut tꞌalh-i ba ꞌuntꞌoh, ꞌet hoontsꞌi ꞌet ndi nankultꞌoh ꞌi Yakꞌusda ꞌantsꞌi ꞌuntꞌoh yutilhtselh. ꞋEt whuz unꞌa nduhoontꞌoh, neyustꞌe ꞌaw dune kꞌus tsꞌeke bulh lubeshi ꞌuhulhꞌen hukwꞌunꞌa beꞌ tsꞌootꞌen huba lheꞌyilel. ꞋEt neyustꞌe neMoodihti ba ꞌulya ꞌinkꞌez neMoodihti neyustꞌe ba ꞌuntꞌoh.

James 3:6

Netsoola ꞌantsꞌi kwun leꞌ ꞌuntꞌoh. Ndai la khuni tsꞌihꞌun unꞌa lheꞌítꞌoh be yatsꞌulhduk-i, ꞌi be dubih. ꞋI be ndulcho neyustꞌe nintaꞌyulhꞌih. Ndi yun kꞌut neyustꞌe whutsꞌu nintꞌi-un, ꞌantsꞌi kwun kꞌunꞌa hoolhtus whulhtsih. ꞋInkꞌez netsoola ꞌi kwuncho yo whumoodih, ꞌen be dikꞌaih.