Matthew 15:12 - Yak'usda Ooghuni

¹² ꞋEt yugha hodulꞌehne highu nindil whe ꞌuhuyulhni, “Tꞌeoonínzun eh Phariseene nyodantsꞌo whe buba dzoh ꞌúdinja?”

Matthew 15:12 Iomraidhean Croise

Matthew 11:6

ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 15:11

Dune buza yúkat-i, ꞌet whe íloh hintsiꞌ hulhih. Khuni ꞌaw lhizooꞌ-i ye yalhduk-i, ꞌi be dune hintsiꞌ lhih.”

Matthew 15:13

ꞋEt Jesus ꞌubulhni, “ꞋUBá yakꞌuz usda, ꞌaw ꞌalhinilel-i, ꞌi ooghih tubulh ha hitilhchꞌulh.

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

2 Corinthians 6:3

ꞋAw nohba dzoh-un nohghá tsꞌúhoꞌalh-un hukwa lheꞌuznízun. ꞋEt huwa Yakꞌusda ba neꞌutꞌenne tsinli, ꞌaw whe hukwꞌé holtsꞌit-un hooloh.

Galatians 2:5

ꞋEt hoontsꞌi nduntꞌohne ꞌaw ꞌilhoh sadzi ookꞌoh whuntátꞌoh ꞌet hoontsꞌi butlꞌa ꞌuzdudooyelh ꞌaitꞌoh. ꞋEt whe ndi khuni unzoo-i be ꞌalha ꞌuhoontꞌoh-i, ꞌi be whuz unꞌa za oohtꞌeꞌ.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.