Matthew 14:3 - Yak'usda Ooghuni

³ ꞋOh daꞌ Herod John huyílhchoot huyulhghel ꞌinkꞌez ꞌahúyanꞌai. Bulhutsin Philip ooꞌat Herodias huyulhni, ꞌen la toh tsꞌe ꞌuyinla.

Matthew 14:3 Iomraidhean Croise

Matthew 11:2

John ꞌadinꞌai whe ꞌet Christ be ꞌutꞌen kꞌoh whulh ꞌudantsꞌo. Nane yugha hodulꞌehne, ꞌenne John Jesus tsꞌu whébalhꞌaꞌ.

Matthew 14:6

ꞋEt ꞌilhoh dzin Herod whuzdli dzin ꞌuhoontꞌoh ꞋEt Herodia ootseꞌ ꞌen bubut nídai. Herod ooba hoonzoo.

Matthew 4:12

Jesus whulh ꞌúdantsꞌo John ꞌahuyanꞌai. Galilee yun kꞌut tsꞌu whinya.

Mark 6:14

Bulerwe Herod huyúlhni-un yulh ꞌúdantsꞌo Jesus ndulcho whe búlh nukhuni uzut. ꞋInkꞌez ꞌutni, “John dune too be ꞌulhꞌen-un ꞌutꞌen. Dazsai inleꞌ ꞌinkꞌez nahítnaꞌ ꞌet huwa Yakꞌusda ye ulhtus-i ooghi dizꞌai whe ꞌútꞌen whunulꞌen teneꞌútꞌen.”

Mark 6:17

Herod dichꞌoh John dune too be ꞌulhꞌen-un ꞌahuyooꞌalh huwá bulhꞌa ínleꞌ. Huyulhghel ꞌinkꞌez ꞌahuyánꞌai. Ndun tsꞌeke Herodias huyúlhni-un, ꞌen yughusda. ꞋEn ghaꞌ yinla ínleꞌ. Dulhutsin Phillip ooꞌat yuzih usda ꞌet huwa.

Mark 6:19

ꞋEt huwa ooꞌat Herodias John dune too be ꞌulhꞌen-un yutsꞌu dutni ꞌinkꞌez yuzoolhghelh hukwaꞌ ninzun. ꞋEt hoontsꞌi duki, Herod, ꞌen gha ꞌaw yuzoolhghelh ꞌaítꞌoh.

Mark 6:22

Herodias ootseꞌ danínya ꞌinkꞌez buba nidai. Herod ꞌinkꞌez ooghu nusjáne tubulh buba hoonzoo. ꞋEt Lerwe Herod tsꞌeke uyúlhni, “Ndai stsꞌo ookaꞌ dini, ꞌi ngha tísdlelh,” yúlhni.

Mark 8:15

ꞋEt Jesus bugha ꞌutni whe, “Huwohleꞌ, ꞌahoolhyiz khuhdli Phariseene ꞌinkꞌez Herod bules untuldoh-i chꞌa,” ubúlhni.

Luke 13:1

ꞋEt ꞌoh daꞌ whulohne dune, Jesus huyulhni ntsꞌenꞌa la Galilee whutꞌenne ubanghanne Galilee whutꞌenne Yakꞌusda ba ꞌuhudílhkꞌun whe Pilate ꞌubanghan ꞌinkꞌez bubuzkaiꞌ hidílhkꞌun-i ootayunjut.

Luke 13:31

ꞋEt dzin za whulohne Phariseene, Jesus highu nindil ꞌinkꞌez ꞌuhuyúlhni, “Tenanindaih ꞌinkꞌez njan whuchꞌa nasindaih. Herod nyutuzilhghelh hukwaꞌ ninzun!”

Luke 23:11

ꞋEt Herod ꞌinkꞌez yuba lhuganne, ꞌenne bubulh tsꞌiyawh hoonliyaz buba lhíloh hinínzun ꞌinkꞌez highudloh. Lerwe nayitsꞌuz-i be húyalhti ꞌinkꞌez Pilate tsꞌun whe náhuyalhꞌaꞌ.

Luke 23:7

ꞋEt Pilate Jesus lerwe Herod ookeyoh whuchꞌeꞌ unli tꞌeoonanzin, ꞌet ꞌaho yutsꞌu whe yálhꞌaꞌ. Ndun lerwe ꞌen cha ꞌoh daꞌ soo ꞌet Jerusalem ꞌutꞌen inleꞌ.

Luke 3:1

ꞋEt Caesar Tiberius, ꞌen yun kꞌut ndulcho whe lerwe inleꞌ. Whunizyat ꞌon ꞌat kwulat yus kꞌut (15) ꞌantꞌeꞌ. ꞋEt Pontius Pilate, Judea yun kꞌut whumoodih unli. Herod, Galilee yun kꞌut whumoodih unli. Bulhutsin Philip, ꞌen Iturea ꞌinkꞌez Trachonitis yun kꞌut whumoodih unli. ꞋInkꞌez Lysanius, Abilene yun kꞌut whumoodih unli.

Luke 8:3

ꞋInkꞌez Joanna, Chuza ooꞌat, ꞌet Chuza, ꞌen Herod yoh dilhtsꞌine bumoodih unli, ꞌinkꞌez Susanna cha ꞌinkꞌez ꞌuyoonne lhane cha huyutꞌi-i, ꞌi be hila ꞌutꞌen.

Acts 12:1

ꞋEt ꞌoh daꞌ atꞌen Lerwe Herod ooba ꞌalha ꞌuhoontꞌohne bube zúla suliꞌ.

Acts 4:27

ꞋEt ꞌon ꞌun tenahududli whe ꞌuhutni, “ꞋEt njan Jerusalem ꞌet Herod ꞌinkꞌez Pontius Pilate bulh ꞌudun yun kꞌut whutꞌenne cha ꞌet Israel ootsꞌu hainzutne cha tsꞌiyawh ꞌilhuhozdil whe ꞌalhaꞌ ꞌi be nYeꞌ Jesus lubeshi ooghu hooloh-un, ꞌen ooka tse hóodli neba yulhtsí-un, ꞌen hichꞌaz nedindil ꞌet wheni.