Biblia Todo Logo
Bìoball air-loidhne

- Sanasan -




Matthew 14:27 - Yak'usda Ooghuni

27 ꞋAho Jesus butsꞌu yatilhduk, “Nohdzi hóte! Si ꞌustꞌen! Whenulhjut íloh!”

Faic an caibideil Dèan lethbhreac




Matthew 14:27
21 Iomraidhean Croise  

Peter yoodulhkut, “SMoodihti ꞌalha nyun ꞌintꞌen de, too kꞌut ntsꞌu toosyaꞌ-un stlꞌa hóonꞌaih.”


Jesus bughu ninya ꞌinkꞌez butꞌaiznai ꞌinkꞌez ꞌubulhni, “Dunadahdilh, whénulhjut iloh!”


ꞋEt Jesus ndúbulhni, “ꞋAw whénulhjut iloh. Sulhutsinke butsꞌohꞌus ꞌinkꞌez budúhni, Galilee tsꞌu toohdilh. ꞋEt la soohꞌen.”


Lizas tsꞌekoo ubúlhni, “Nulhjut íloh. Tꞌeoonuszun Jesus tulalhgus kꞌut dazai-un, ꞌen ookwunáhta whé ꞌahtꞌen.


ꞋAho ꞌawet ndun delhdusni-un, lili be whusahúyankai. Jesus tꞌeooninzun buba ꞌalha ꞌuhoontꞌoh. ꞋEt délhdusni-un ꞌuyulhni, “Yeꞌ ndzi hoteꞌ, nlubeshi mba hooloh suliꞌ!”


ꞋEt Jesus ꞌahoh bubulh yátilhduk, “Nohdzi ulhtus úlhtsi! Si ꞌustꞌen. Whenulhjut íloh,” ubúlhni.


ꞋEt lizas ꞌuyulhni, “Zacharias wheniljut iloh. Yakꞌusda ntenadudli yudántsꞌo. Nꞌat Elizabeth ooyaz duneyaz tileh, ꞌinkꞌez booziꞌ John be ootanzilh.


ꞋInkꞌez lizas uyúlhni, “Mary niljut iloh! Yakꞌusda nyulh hoontꞌiꞌ.


Se ꞌusbai ꞌilhoh núlhꞌas-i, noolhjut junih! NohBá whe lerwe unli-un, hoontꞌiꞌ whe nohgha óotaꞌalh.


ꞋEt lizas ꞌubulhni, “Whenoolhjut iloh! Nulhꞌen khuni unzoo-i soo tsꞌiyanne dune ye hóotatꞌeꞌ-i, ꞌi nohtsꞌú tisꞌai.


ꞋEt James ꞌinkꞌez John Zebedee ooyeꞌke ꞌenne Simon tsꞌu ditnine whe húnilhjoot. ꞋEt Jesus yulhni, “Simon khun whenoljut junih. ꞋAndit whutsꞌun dune haꞌ tantꞌelh.”


ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”


ꞋEt, “Nulhjut íloh, si ꞌustꞌen!” ubúlhni.


ꞋEt ꞌulhdzis za neMoodihti Paul yuzih usyin ꞌinkꞌez uyúlhni, “Ndo ꞌuduniltꞌi. Njan Jerusalem ntsꞌenꞌa la si sghun tsꞌihꞌun ubudániꞌ ꞌet Rome cha whuz unꞌa za ꞌudutánelh.”


Lean sinn:

Sanasan


Sanasan