Matthew 14:2 - Yak'usda Ooghuni

² ꞌinkꞌez Herod de ꞌustlenne ꞌubulhni, “Ndun ꞌen John dune too be ꞌulhꞌen-un, ꞌen ꞌuntꞌoh. Yaidlane toh nahítnaꞌ. ꞋEt huwa ꞌutꞌen hoolhtus teneꞌútꞌen.”

Matthew 14:2 Iomraidhean Croise

Matthew 11:11

Tsꞌihꞌun unꞌa ꞌunohdusni, whuzdline toh, ꞌaw John dune too be ꞌulhꞌen-un anus díztiꞌ-un hooloh. ꞋEt hoontsꞌi yakꞌuz kꞌúneꞌ whulꞌen-un, mbe la ꞌukꞌenus diztiꞌ lhiloh-un, ꞌen yanus uncha whe ꞌuntꞌoh.

Matthew 16:14

ꞋEt ꞌuhuyulhni, “Whulohne, nyun John dune too be ꞌulhꞌen-un ꞌintꞌoh hutni. Whulohne cha, Elijah ꞌintꞌoh hutni. ꞋOnghohne cha, Jeremiah ꞌintꞌoh hutni. ꞋInkꞌez whulohne nus hooꞌen-un ꞌilhoghun ꞌintꞌoh hutni.”

Matthew 3:1

ꞋOh whuya hoozulh whe John dune too be ꞌulhꞌen-un Judea yun kꞌut dune lhuhootꞌi tsꞌe, whuz whinya ꞌinkꞌez dune bulh yalhduk.

Mark 6:14

Bulerwe Herod huyúlhni-un yulh ꞌúdantsꞌo Jesus ndulcho whe búlh nukhuni uzut. ꞋInkꞌez ꞌutni, “John dune too be ꞌulhꞌen-un ꞌutꞌen. Dazsai inleꞌ ꞌinkꞌez nahítnaꞌ ꞌet huwa Yakꞌusda ye ulhtus-i ooghi dizꞌai whe ꞌútꞌen whunulꞌen teneꞌútꞌen.”

Mark 8:28

ꞋEt yugha hodulꞌehne huyúlhni, “Whulohne ꞌuhutni John dune too beꞌ ꞌulhꞌen-un ꞌintꞌoh. ꞋUyoonne ꞌuhutni Elijah ꞌen Yakꞌusda whusaítilhꞌalh-un ꞌintꞌoh. ꞋUyoonne cha Yakꞌusda be nus hóoꞌenne ꞌilhoghun ꞌintꞌoh hutni.”

Luke 9:7

ꞋEt ꞌawet lerwe Herod whulh ꞌudantsꞌo ntsꞌoh te Jesus neꞌutꞌen. Whulohne nduhutni, “John yaidlane butoh nahítnaꞌ, ꞌen ꞌuntꞌoh,” hutni. ꞋEt huwa ooba nawh ꞌuhooja.

John 10:41

Lhane dune highu nindil ꞌinkꞌez ꞌulhodútni, “John ꞌaw huwa ꞌítꞌen te nulhéꞌitꞌel, ꞌet hoontsꞌi ndun dune ꞌen ghun daja daniꞌ la, tsꞌihꞌun ꞌudaniꞌ.”