Matthew 14:19 - Yak'usda Ooghuni

¹⁹ ꞋIlhunaoosdilne, tlꞌoyaz kꞌut natlꞌa hudooltsꞌih ubúlhni. Kwulaiꞌ lhes ꞌinkꞌez nanki lho cha, ꞌi hitlꞌa húyanla whe ndo whúnalhꞌen, musi ni whe tenadidli. Lhes taidanyuz ꞌinkꞌez lho cha ꞌet ndiyinla ꞌinkꞌez yugha hodulꞌehne butlꞌa yánla, ꞌilhozdilne bugha húyoꞌalh ha.

Matthew 14:19 Iomraidhean Croise

Matthew 14:18

ꞋEt ꞌubulhni, “Diz stsꞌóhlelh!”

Mark 6:39

Jesus ꞌet yugha hodulꞌehne ubúlhni, “Tsꞌiyawh dune lhelhdun nébunulhle ꞌinkꞌez tlꞌoyaz kꞌut hudóltsꞌiꞌ.”

Mark 6:41

ꞋEt Jesus liba ꞌinkꞌez lho bulh yílhchoot ndo yakꞌuz tsꞌe yutánꞌen ꞌinkꞌez, “Musi,” ni whe tenadidli. Lhes taidanyuz ꞌinkꞌez yugha hodulꞌehne whutahayólelh ha butlꞌa yánla. Nanki lho cha ꞌet ndúyinla whe butainínla.

Mark 7:34

Jesus ndo yakꞌuz tsꞌe yutánꞌen, yughudzoh ꞌúja whe tenadudli ꞌinkꞌez dune yulhni, “Ephphatha!” ndi lizwif bughuni ꞌet “Mba dáhaꞌ dooltsꞌit” ni whe ꞌutni.

Luke 22:17

ꞋEt lubot yilhchoot ꞌinkꞌez duBá musi yulhni ꞌinkꞌez ꞌutni, “Ulhchoot ꞌinkꞌez tsꞌiyawh ꞌalhgoh ꞌahtnai.

Luke 22:19

ꞋInkꞌez lhes yilhchoot. ꞋInkꞌez duBá musi yulhni, taídanyuz ꞌinkꞌez butainínla, ꞌinkꞌez ꞌubulhni, “Ndi yustꞌe ꞌuntꞌoh. Nohba huwalti. Ndahtꞌen de, ꞌet whe snaoolhnih.”

Luke 24:30

ꞋEt natlꞌa hudiltsꞌiꞌ ꞌinkꞌez ꞌuhutiꞌulh. Jesus lhes yilhchoot ꞌinkꞌez Yakꞌusda musi yulhni. ꞋInkꞌez lhkídanyuz ꞌinkꞌez bugha íninꞌai.

Luke 9:14

ꞋEt ꞌilhozdilne ꞌankwꞌus 5,000ne dune hinli. ꞋEt Jesus yugha hodulꞌehne ꞌubulhni, “Kwulat whunizyane hinli whe lhelhdun natlꞌa hudooltsꞌilh budáhni.”

Luke 9:16

ꞋEt kwulaiꞌ lhes yilhchoot ꞌinkꞌez lho nanki cha ndo whunalhꞌen ꞌinkꞌez musi ni whe yuba tenadidli, taidanyuz ꞌinkꞌez yugha hodulꞌehne butlꞌa yánla, ꞌilhozdilne bugha húyoꞌalh ha.

John 11:41

ꞋEt nyo tsꞌun kꞌut dune ꞌadilhtí-un, tse ꞌudun hidutizꞌai. ꞋEt Jesus ndo yútanꞌen ꞌinkꞌez ꞌutni, “SBá sudántsꞌo ꞌinka musi nyudúsni.

John 6:23

ꞋEt hoontsꞌi nyo ndet daꞌ neMoodihti Yakꞌusda tsꞌun lhes ba tenadidli ꞌinkꞌez dune tainínla huyooꞌalh-un wheni, ꞌet whuzih, ꞌet hukwꞌelhꞌaz ꞌuyoo tsꞌi cha Tiberias whuz de hainkat.

Acts 27:35

ꞋEt ndudániꞌ hukwꞌelhꞌaz, Paul lhes yílhchoot tsꞌiyawh bubut Yakꞌusda tsꞌun, “Musi,” daniꞌ, taídanyuz ꞌinkꞌez whe ninꞌal.

Romans 14:6

Ndun dune whuloh dzin ꞌon nus whudíztiꞌ ninzún-un, ꞌen ꞌet dzin neMoodihti yudólhtiꞌ ha, ꞌudun neóoninꞌai huwa ꞌútni. Ndun dune dzin ꞌon nus lhodítiꞌ ninzun-un, whuz unꞌa la neMoodihti wheyúdilhtiꞌ. Ndun dune tsꞌiyaitsuk ꞌaꞌálh-un Yakꞌusda musi yúlhni ꞌinkꞌez yunalh ꞌet yuꞌalh. Mbe la ꞌutsung lhúsꞌal-un, ꞌen cha Yakꞌusda musi yudániꞌ.

1 Corinthians 10:16

ꞋEt ndi lubot ꞌi be musi tsꞌutni, ꞌet ꞌalhaꞌ Christ duzkaiꞌ bulh ꞌútsꞌintꞌoh nuhzún eh? A! ꞋInkꞌez ndi lhes lhtsꞌe uzdanyuz ꞌet ꞌalhaꞌ Christ ooyustꞌe bulh ꞌutsꞌintꞌoh nuhzun eh? A!

1 Corinthians 10:31

ꞋEt ꞌinka ndet la ꞌahꞌalh totsuk, ꞌinkꞌez ꞌahtnai de cha, kꞌus ntsꞌoh dahtꞌen ꞌi cha, ꞌet tsꞌiyawh ꞌi be ꞌet Yakꞌusda whé dulhtiꞌ-un hubaꞌ hoontꞌoh.

1 Corinthians 11:24

ꞋUdechoo musi ni ꞌinkꞌez lhtsꞌe danyuz. ꞋEt ndubulhni, “Ndi lhes ulhchoot ꞌinkꞌez ꞌahꞌalh. Ndi syustꞌe ꞌuntꞌoh. ꞋI nohni nohba lhtsꞌehidanyuz. ꞋEt ndulhꞌen whe snalhnih.”

Colossians 3:17

ꞋInkꞌez dahtꞌen nohghuni ꞌinkꞌez nohꞌeꞌutꞌen whe cha, Jesus neMoodihti booziꞌ, ꞌi be ndahtꞌen. ꞋInkꞌez ꞌen be Yakꞌusda neBá, ꞌen tsꞌun musi dahni.