Matthew 14:13 - Yak'usda Ooghuni

¹³ Jesus whulh ꞌudantsꞌo whe buchꞌa násja ꞌinkꞌez tsꞌi beinya ꞌinkꞌez disoh tsꞌe whinínki. ꞋEt hoontsꞌi lhane dune tꞌehonanzin ibulh ntsꞌe nehúninki tsꞌe, whuz lhelhdun keyoh whutꞌenne hiyuwhenándil.

Matthew 14:13 Iomraidhean Croise

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Matthew 12:15

Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 14:12

Yugha hodulꞌehne, ꞌenne whusahandil. Hizi huyilhchoot ꞌinkꞌez ꞌahúyalhti. ꞋEt hukwꞌelhꞌaz Jesus tsꞌu whehandil ꞌinkꞌez hidániꞌ.

Mark 1:35

ꞋOm bun bundada ꞌawhuz lhuyulhkoh daꞌ Jesus dudinya ꞌinkꞌez ꞌaz whenya. ꞋEt nyo keyoh whuchꞌa suya, disoh tsꞌe oozya. ꞋEt tenadudli.

Luke 4:42

ꞋEt ꞌom bun bundada sa há wheninꞌai whe ꞌet disoh tsꞌe whinya. Dune tsꞌiyawh hikunúta. ꞋEt usda-un highu nindil, bughu tooyaꞌ whuchꞌa néꞌhuyulhꞌen.