Matthew 13:57 - Yak'usda Ooghuni

⁵⁷ ꞋInka tsꞌiyawh buba dzoh suliꞌ. ꞋEt Jesus ndúbulhni, “Nus hooꞌen unli-un, tsꞌiyanne yudilhtiꞌ. ꞋEt hoontsꞌi ookeyoh whutꞌenne ꞌinkꞌez dichꞌoh ooyoh, ꞌenne cha ꞌaw lhuhidílhtiꞌ.”

Matthew 13:57 Iomraidhean Croise

Matthew 11:6

ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 13:58

ꞋEt Jesus ꞌaw buba ꞌalha lheꞌyitꞌoh. ꞋEt huwa dukeyoh ꞌaw lhat-un hooncha tunulhéꞌitꞌel.

Mark 6:1

ꞋEt Jesus usda-un whuchꞌa nasja ꞌinkꞌez dukeyoh tsꞌe whenája. Yugha hodulꞌehne cha huyulh whenadil.

Mark 6:14

Bulerwe Herod huyúlhni-un yulh ꞌúdantsꞌo Jesus ndulcho whe búlh nukhuni uzut. ꞋInkꞌez ꞌutni, “John dune too be ꞌulhꞌen-un ꞌutꞌen. Dazsai inleꞌ ꞌinkꞌez nahítnaꞌ ꞌet huwa Yakꞌusda ye ulhtus-i ooghi dizꞌai whe ꞌútꞌen whunulꞌen teneꞌútꞌen.”

Mark 6:3

Yoh ꞌuwhulhꞌen-un, ꞌen iloh lakw ꞌuntꞌoh? Mary ooyeꞌ bulhutsinke James, Joses, Judas, Simon, ꞌinkꞌez bulhtuske cha iloh njan huwhutꞌi?” ꞋInkꞌez buba dzoh suliꞌ.

Mark 6:4

ꞋEt Jesus ubúlhni, “Yakꞌusda be nus hóoꞌen-un yalhduk te ndulcho whe hidílhtiꞌ, ꞌet hoontsꞌi ookeyoh whutꞌenne, oonadneke ꞌinkꞌez ooyoh whutꞌine cha, ꞌaw lhuhidílhtiꞌ.”

Luke 4:24

ꞋInkꞌez ꞌet ndutni, “ꞋAlhaꞌ tsꞌihꞌun nohdusni, nus hooꞌen-un dukeyoh ꞌaw ꞌilhoghun hoontsꞌi yukalheꞌnizun.

Luke 7:23

ꞋInkꞌez si sgha ooba dzoh lhúhoolohne, ꞌenne ꞌukꞌenus hoonzoo-un bughá whutaltsꞌulh.”

John 4:44

whe ndutni, “Mbe la Yakꞌusda be nus hóoꞌen-un ntsꞌoh tula ꞌindaꞌ-un, ꞌoh ho hoontsꞌi, ꞌaw lhuhidílhtiꞌ,” ni.

John 6:42

ꞋInkꞌez cha ꞌuhutni, “Ndun ꞌutní-un, ꞌen Joseph ooyeꞌ Jesus ꞌen ꞌuntꞌoh, ꞌinkꞌez oobá cha, ooloo cha, tꞌébuznínzun. Ntsꞌenꞌa ꞌutni ndus de yakꞌuz tsꞌe hásya ni?” hutni.

John 6:61

Jesus dichꞌoh tꞌéwhunínzun yugha hodulꞌehne daja ni la ꞌet huwun dudzi yo tsꞌe hichꞌaz yálhduk, ꞌinka uboodulhkut, “Nohba dzoh ꞌúdusni eh?