Matthew 13:52 - Yak'usda Ooghuni

⁵² ꞋEt ꞌubulhni, “ꞋEt huwa Yakꞌusda ooghuni ꞌukꞌeguz-i ꞌinkꞌez yakꞌuz kꞌuneꞌ whulꞌen-un ꞌet huwun wheyodalhꞌeꞌ, dune yoh whumoodih-un ndultꞌoh. Yutꞌi-i toh tsꞌiyawh tsꞌet ha yúle, ꞌandidi-i ꞌinkꞌez ꞌujut-i cha. ꞋEt whuz unꞌa dune hodulhꞌeh.”

Matthew 13:52 Iomraidhean Croise

Matthew 12:35

Dune unzoo-un unzoo-i dudzi bez ꞌilhunayosdle-i, ꞌaw ꞌi za ootsꞌu ha naídukat. Dune unsiꞌ-un, ꞌen ndai untsiꞌ-i dudzi bez ꞌilhunayosdle de, yalhduk te, ꞌaw ꞌi za ootsꞌu ha naídukat.

Matthew 13:51

ꞋEt Jesus ubúlhni, “Njan ndunóhdusni-un, tsꞌiyawh eh tꞌeoonihzin?” ꞋEt ꞌuhuyulhni, “A, neMoodihti.”

Matthew 13:53

ꞋEt ndi khuni be nawhutnuk-i be whutsꞌodulꞌeh-i, Jesus tsꞌiyantsuk lhaoodinla whe nyo usda-un whuchꞌa nasja.

Matthew 23:34

ꞋEt hukwa soo cho soo zulhtsꞌai, nus hooꞌenne, dune whunihne cha, ꞌinkꞌez Yakꞌusda ooghuni hodulhꞌehne cha, tsꞌiyawh nohtsꞌú butisꞌalh. Whulohne butihghan. Tulalhgus ubunduntálhtꞌoh. Whulohne nohlugliz bez tsꞌe ꞌet ubootalhtsus. Lhelhdun keyoh nubuntihyulh ꞌinkꞌez dzoh nubutilhdzut.

Matthew 28:19

ꞋEt huwa lhelhtsꞌun keyoh whutꞌenne, tsꞌiyawh butsꞌóhdulh ꞌinkꞌez si sgha hodulꞌehne ubutilhꞌelh. ꞋUBá ꞌinkꞌez ꞌuYeꞌ ꞌinkꞌez Ndoni, booziꞌ be ꞌi be too beꞌ butilhꞌen.

Luke 11:49

ꞋEt huwa Yakꞌusda ye whunih-i, ꞌi be ꞌet ndutni, ‘Nus hooꞌenne ꞌinkꞌez whelꞌaꞌne, ꞌenne butsꞌu butisꞌalh. ꞋEnne whulohne dzoh nubotilhdzut ꞌinkꞌez ꞌonghohne cha hubotighan.’

John 13:34

ꞋIlho khuni ꞌandidi-i nohtlꞌa tísꞌalh ꞌinkꞌez ndi ꞌi ꞌuntꞌoh, tsꞌiyawh lhkꞌeoohsiꞌ. Ntsꞌenꞌa la si nohkꞌesiꞌ, ꞌet whuz unꞌa za nohni cha lhkꞌeoohsiꞌ.

2 Corinthians 6:10

Datsꞌíntꞌoh whula tsꞌodi tsinli ꞌet hoontsꞌi nedzi be tsꞌuhóontꞌiꞌ. Datsꞌíntꞌoh whula tetsꞌulꞌen ꞌet hoontsꞌi tsꞌihꞌun hiye hoonzoo ootꞌeꞌ-i, ꞌi lhane gha tsꞌúꞌaih. Hoonli be tétsꞌulꞌen ꞌinkꞌez lhtsꞌítꞌiꞌ ꞌet hoontsꞌi tsꞌiyaitsuk tsꞌutꞌi. ꞋEt hoontsꞌ tsꞌiyai ꞌi tsꞌutꞌi.

Ephesians 3:4

ꞋEt ookꞌu yalhduk de, Christ ꞌen gha buba wheꞌ ꞌuntꞌoh hooyoh-i tꞌeoonúszun, nohni cha whuz unꞌa tꞌewhuntihzeh.

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

Colossians 1:7

Epaphras ꞌen ꞌilhoghun be ꞌustle-un, ꞌen nebulh ꞌutꞌen-un ꞌuntꞌoh ꞌinkꞌez ookꞌetsꞌintsiꞌ. ꞋEn gha ye unzoo-i hodilhꞌeꞌ. ꞋEn nohni nohba Christ ꞌen yuba neꞌutꞌen-un unli ꞌuntꞌoh, ꞌinkꞌez ꞌaw nohla dootnih ꞌaitꞌoh.

Colossians 3:16

Christ ooghuni be whutnih-i cha soo cho nohdzi yo hóleꞌ. Yakꞌusda ooghuni be ꞌahjun. Shun be teniꞌ uznilhdzun-i cha. ꞋEt Ndoni be ꞌahjun. Whulhodulhꞌeh ꞌinkꞌez lhgha dáhtni. Be hoonzoo-i, ꞌi be nohdzi yo hóleꞌ, ꞌinkꞌez neMoodihti tsꞌun ꞌahjun.

1 Timothy 3:6

ꞋAw ꞌandit ooba ꞌalhaꞌ hooja-un iloh ootꞌeꞌ. Doo ka si utꞌudiltiꞌ-un ooleꞌ, ꞌinkꞌez netsudule be ooba nahisda-i, ꞌet doo ka la didut cha whuz unꞌa ooneh.

Titus 1:9

Ndi khuni ꞌi be Yakꞌusda neba ꞌalhaꞌ ꞌuntꞌoh-i, ntsꞌenꞌa huyodilꞌeꞌ, ꞌi tsꞌiyawh yotun. ꞋEt whe la ndi tsꞌihꞌun unꞌa be whutsꞌodulꞌeh-i, ꞌi be ꞌuyoonne ꞌon nus budzi ulhtus hitilhtselh. ꞋInkꞌez cha mbene la ndi be whutsꞌodulꞌeh-i, ꞌi yuchꞌaz yalhdukne, ꞌenne ndi khuni ꞌi be nintaꞌhutꞌih-un ꞌet whubuntilhtun.