Matthew 13:51 - Yak'usda Ooghuni

⁵¹ ꞋEt Jesus ubúlhni, “Njan ndunóhdusni-un, tsꞌiyawh eh tꞌeoonihzin?” ꞋEt ꞌuhuyulhni, “A, neMoodihti.”

Matthew 13:51 Iomraidhean Croise

Matthew 13:11

ꞋEt ndúbulhni, “Yakꞌuz be kꞌúneꞌ whulꞌen-un be whe hoontꞌoh hooyoh-i, daja ni-un, nohni nohghá whuntꞌai. ꞋOnghohne ꞌaw bugha lhúhooltsꞌulh.

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 13:50

Ntsiꞌne, kwun dizkꞌun tsꞌe tsꞌubotutilhlelh. Tso yahutilhduk ꞌinkꞌez dughoo lhuhidutikꞌus.”

Matthew 13:52

ꞋEt ꞌubulhni, “ꞋEt huwa Yakꞌusda ooghuni ꞌukꞌeguz-i ꞌinkꞌez yakꞌuz kꞌuneꞌ whulꞌen-un ꞌet huwun wheyodalhꞌeꞌ, dune yoh whumoodih-un ndultꞌoh. Yutꞌi-i toh tsꞌiyawh tsꞌet ha yúle, ꞌandidi-i ꞌinkꞌez ꞌujut-i cha. ꞋEt whuz unꞌa dune hodulhꞌeh.”

Matthew 15:17

ꞋAwhuz eh tsꞌihꞌun nelhózahꞌai? Dune ooza yúkat-i, oobut be yukat. ꞋInkꞌez ooyustꞌe tsꞌu ha náyukat.

Matthew 16:11

Ntsꞌenꞌa ꞌahtꞌoh tꞌeoonuzahzun, ꞌaw lhes ghun nohbulh yalhuzusduk? ꞋUdaꞌ nohdasniꞌ, Phariseene ꞌinkꞌez Sadduceene cha, bules untuldoh-i huwohleꞌ.”

Matthew 24:15

“ꞋEt huwa ꞌukꞌenus be whunujut-un, ꞌen musai yutilhtselh-un, ꞌi ꞌukꞌenus whudiztiꞌ tsꞌe usyin whe nulhꞌen de, Daniel nus hooꞌen-un ꞌoh daꞌ howu yalhduk inleꞌ. (Mbe la ꞌukꞌu yalhdukne, ꞌenne soo cho bubeni taóodoltsꞌit).

Mark 4:34

Higha hódoolꞌeh-i, ꞌi be bubulh yálhduk ꞌinkꞌez dichꞌoh ꞌúhintꞌoh te yugha hodulꞌehne, soo cho buba hukwꞌú nuhúlhyeꞌ.

Mark 7:18

ꞋEt ꞌubulhni, “Nohni cha eh ꞌuyoonne kꞌunꞌa, ꞌaw noheni taóodoltsꞌit ꞌaítꞌoh? Di la dune yuꞌalh-i, ꞌi gha lubeshi olhchoot ꞌaítꞌoh.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.