Matthew 13:44 - Yak'usda Ooghuni

⁴⁴ “Doo cha za nohdusni, yakꞌuz kꞌúneꞌ whulꞌen-un, dáwhudiztiꞌ la ꞌet diz unꞌa njan dúhoontꞌoh. Ndun dune njan yun kꞌut hoonzoo-un, ꞌet ꞌoh ho nunúta whe hoonliyaz diztiꞌ-i, ꞌi la nayinꞌai. ꞋInkꞌez ꞌon yo nayuntilhꞌi. Hoontꞌiꞌ kꞌet hoonli yutꞌi-i ꞌi tsꞌiyawh ye ꞌónket ꞌinkꞌez yun ndulcho whe yonket.”

Matthew 13:44 Iomraidhean Croise

Matthew 13:24

ꞋUyoo khuni be nawhutnuk-i be whutsꞌodulꞌeh-i, be bubulh yalhduk ꞌet whe njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan dúhoontꞌoh: Dune duyun kꞌut ookwꞌut ꞌaꞌ nukat. ꞋUzooꞌ-i ꞌananla.

Matthew 13:46

ꞋEn ꞌilho pearl naininꞌai. Hoonli yutꞌi-i, ꞌi tsꞌiyawh ye ꞌónket ꞌinkꞌez kwꞌusul duniztiꞌ-i, yoonanket.”

Matthew 13:47

“Doo cha za, yakꞌuz kꞌúneꞌ whulꞌen-un, ꞌet ndiz unꞌa njan dúhoontꞌoh: Lhembilh tahúyalhdil ꞌinkꞌez toot huyigus lhawh didowh-i huzdlooh.

Matthew 19:21

Jesus ndúyulhni, “Lhadulya-un tanlelh hukwaꞌ ninzun de, ndai la ꞌintꞌi-i, ꞌi tsꞌiyawh beꞌ oonket, ꞌinkꞌez telꞌenne butainínle. ꞋEt de la ndo yakꞌuz ndai ꞌilhoozanla-i, ꞌet mba tilalh. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Matthew 19:27

ꞋEt Peter yatilhduk whe Jesus njan ndúyulhni, “Whunilhꞌen, ndai la tsꞌutꞌi-i, ꞌi tsꞌiyawh oolazditni, ꞌinkꞌez nye ꞌutꞌen kꞌoh tsꞌe tsꞌootꞌen ha nyutsꞌun tizdil. ꞋEt huwa di negha tíkulh?”

Matthew 19:29

ꞋInkꞌez mbe la si sooziꞌ gha duyoh huwu tizya de, kꞌus dulhutsinke te, kꞌus dulhtuske te, kꞌus dubá cha ꞌinkꞌez duloo cha te, kꞌus duꞌat te, kꞌus duzkehke te, kꞌus dukeyoh cha, si sooziꞌ gha huwu tizya de, ꞌen whunizyat whunizyai (100) ꞌet ꞌuwhultsuk-un ootlꞌa naóotikulh. ꞋInkꞌez ꞌilhiz whe tsꞌukhuna-un, ꞌet cha oogha óotaltsꞌulh.

Matthew 6:21

ꞋEt huwa ndet la uhtꞌiꞌ-i ꞌilhoozáhla, ndet ꞌusdla-un, nohdzi cha ꞌet dutáꞌalh.”

Luke 14:33

ꞋEt huwa nohni nohtoh ꞌilhone ꞌahli whe, tsꞌiyawh ahtꞌi-i, ꞌaw oolalhduzahni de, ꞌaw sgha hodilꞌeꞌne oohleꞌ ꞌaitꞌoh.

John 6:35

ꞋEt Jesus ubúlhni, “Si ꞌustꞌoh ndi lhes ndai la dune yugha khúna-i usdli. Mbe la sghu yaih-un, ꞌen ꞌaw ꞌilhiz wheni ooyeꞌóoltsꞌilh ꞌaítꞌoh, ꞌinkꞌez mbe la si ooba ꞌalhaꞌ ꞌustꞌoh-un, ꞌaw ꞌilhiz wheni taꞌódaꞌ ꞌaítꞌoh.

Romans 15:4

Ndet ꞌudaꞌ Yakꞌusda be ꞌudustlꞌus kꞌut ꞌukꞌehóoguz-un oogha whútsꞌo doolꞌeh ha ꞌukꞌéguz. ꞋEt whe ndet la Yakꞌusda netsꞌu hoozi-un ꞌi ooba tsꞌilhꞌi ꞌinkꞌez ooba tsꞌilhꞌi zaꞌ tsꞌintꞌoh.

Colossians 2:3

Dawhuldzooꞌ-i be tsꞌuwhunih-i ꞌinkꞌez daldzooꞌ-i be tꞌeoonúdzun-i cha, ꞌi tsꞌiyawh ꞌen ooyo tsꞌe neba whuntilhꞌi.

Colossians 3:16

Christ ooghuni be whutnih-i cha soo cho nohdzi yo hóleꞌ. Yakꞌusda ooghuni be ꞌahjun. Shun be teniꞌ uznilhdzun-i cha. ꞋEt Ndoni be ꞌahjun. Whulhodulhꞌeh ꞌinkꞌez lhgha dáhtni. Be hoonzoo-i, ꞌi be nohdzi yo hóleꞌ, ꞌinkꞌez neMoodihti tsꞌun ꞌahjun.

Hebrews 10:34

ꞋInkꞌez ꞌoh daꞌ ꞌasuhanꞌai whe sgha teꞌnahzun ꞌinkꞌez sla ꞌahtꞌen inleꞌ. ꞋEt ndai ahtꞌi-i, ꞌi ꞌantsꞌi nohghu ha yílhchoot ꞌet hoontsꞌi hoonáhtꞌiꞌ. Tꞌeoonáhzun nohnichꞌoh ꞌon nus hoonzun-un ꞌinkꞌez ꞌilhiz ꞌuhoontꞌoh, ꞌet yakꞌuz nohba whuzdla ꞌet huwa.

Revelation 3:18

Ndai gold kwun be ꞌon nus ꞌuldzooꞌ suliꞌ-i, ꞌi si stsꞌun óohket nohdusni. ꞋEt de la hoonzoo oohtꞌeꞌ. ꞋInkꞌez naih ꞌulhyul-i, ꞌi cha stsꞌun óohket. ꞋEt de la ꞌet dune oohleꞌ, ꞌinkꞌez nohye ꞌustꞌet ꞌahli-un cha la hukwa yálhuzoohleꞌ. Na yoo, ꞌi na kꞌet dúlhye, ꞌet de la soo hóohꞌen.