Matthew 13:39 - Yak'usda Ooghuni

³⁹ Yuchꞌaz ditni-un, ꞌutꞌantsiꞌ ꞌainanla-un, ꞌen netsudule. Haꞌ nukat-un ꞌandit whudizulh whula toh. Haꞌ úntilelhne, ꞌenne lizas ꞌuhutinela.

Matthew 13:39 Iomraidhean Croise

Matthew 12:32

Mbe la Yinka Dune Yeꞌ chꞌaz yalhdukne, soo buba ꞌun whutilhdulh. ꞋEt hoontsꞌi mbene la Ndoni chꞌaz yalhdukne, ꞌaw buba ꞌun whutoolhdilh ꞌaitꞌoh. ꞋAndit dzin kꞌus nus de hoontsꞌi.”

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 13:25

Huztez whe dune yuchꞌaz ditni-un whusainya. ꞋAinanla-i ꞌuzooꞌ-i toh, ꞌutꞌantsiꞌ tsꞌutni, ꞌi yutoh ꞌananla, ꞌinkꞌez whe naja.

Matthew 13:28

ꞋEt ꞌubulhni, ‘Schꞌaz ditni-un la ꞌuyínla.’ Be ꞌulhnane huyulhni, ‘ꞋUtꞌantsiꞌ, ꞌi ha tsꞌúntilelh hukwaꞌ ninzun eh?’

Matthew 13:40

ꞋEt huwa ꞌutꞌantsiꞌ nahidulhdzooh ꞌinkꞌez hidilhkꞌun, ꞌandit whudizulh-un whula toh de, ꞌet nduwhutanelh.

Matthew 13:49

ꞋEt ꞌawet ntsꞌoya hoozulh whe buba neóoninꞌai-un, ꞌet buba whusahóoltsꞌut de, ꞌet hukwꞌunꞌa za ꞌuwhutánelh. Lizas whusahutidulh, unzoone dune ꞌinkꞌez ntsiꞌne dune lhtahábotilelh.

Matthew 24:3

ꞋEt ha ooditꞌai-unyaz dzulh Olive huyulhni, ꞌet hukwꞌusda. Yugha hodulꞌehne tsꞌiyawh highu nindil, ꞌinkꞌez whuꞌizyaz huyoodulhkut, “Nkede ꞌuwhutánelh? Ntsꞌowhuya hoozulh whe whusanátandalh, ꞌinkꞌez ntsꞌowhuya whudizulh whe whula toh whutaleh? Ndet whe hóodutaltsilh-un, ꞌet huwa la tꞌetsꞌonoozeh? Nedíni!”

Matthew 25:31

“ꞋEt Yinka Dune Yeꞌ nkede ootsꞌu haꞌ ꞌánduz whe whusanátidalh, lizas lubeshi ooghu hoolohne, tsꞌiyawh huyulh whusanátidulh. ꞋOh de de, ookwꞌutsꞌuzda cho diztiꞌ-i, ꞌi kꞌut nanátlꞌa dutidalh.

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

1 Corinthians 10:11

ꞋEt ndi ꞌi tsꞌiyawh buba ꞌet ndúhooja ꞌi tsꞌiyawh ooghá tꞌetsꞌonozin ha ndóohooja, ꞌinkꞌez neba ꞌukꞌeyanguz whe wheni ꞌuneúlhni. Wheni ꞌutsꞌintꞌoh ndi yun kꞌut uzdilhtsꞌi-un hukwꞌunꞌa, wheni neba ꞌawet whula toh suliꞌ.

2 Corinthians 11:3

ꞋEt hoontsꞌi ꞌudaꞌ nyoo tlꞌughus ye ꞌutsꞌun ꞌuninzun-i, ꞌi be Eve yunanꞌa, ꞌet whenuzjut nohni cha ꞌet whuz unꞌa noheni nintaꞌitálhꞌelh. ꞋEt ndúhooja de, noheni Christ tsꞌun ꞌaw ꞌilho ooleꞌ ꞌaitꞌoh.

2 Corinthians 2:17

ꞋEt lhane Yakꞌusda ooghuni ꞌutsꞌun unꞌa náhuyulhꞌen. ꞋEt whe sooniya ꞌuhulhꞌen. ꞋEt wheni ꞌaw ndúlhtsꞌitꞌoh. ꞋEt tsꞌihꞌun unꞌa Yakꞌusda ba yatsꞌulhduk wheꞌ tsꞌutni, ꞌet whuz unꞌa oonalh whe Christ ꞌen be yatsꞌulhduk.

Ephesians 2:2

ꞋEt ꞌoh daꞌ ndi yun kꞌut whe ꞌutꞌen kꞌunꞌa yinka dúlhtsꞌi inleꞌ. Mbe tazai kꞌuz ye ulhtus-i whe moodih tileh-un, ꞌet yutlꞌa hónꞌai, ꞌen netsudule ꞌen kꞌuneꞌ nohulꞌen-un inleꞌ. Mbene ꞌawhuz Yakꞌusda yukꞌunulheꞌustꞌenne, ꞌenne buyudinda.

Hebrews 1:2

ꞋEt njan ꞌandit ꞌudekꞌez dzin whe Yakꞌusda duYeꞌ ꞌen be nebulh yaílhduk. ꞋEn ooBá yutꞌi-i, ꞌi tsꞌiyawh oochꞌeꞌ yutileh, ꞌet whuz unꞌa ooBá yutlꞌa hónꞌai. OoYeꞌ ꞌen be ꞌuja tsꞌiyaitsuk ꞌuhóonla.

Hebrews 9:26

ꞋEt ndúja de, ndi yun ꞌulya daꞌ whutsꞌun ꞌandit whutsꞌun, ꞌet de tube lhat daꞌ daootsah ooleꞌ. ꞋEt ꞌandit ꞌawet ndi yun ꞌetsul ꞌutinelh-un nilhdukw whuzdliꞌ, ꞌet ꞌilhoh za ndi yun kꞌut nuseya, ꞌinkꞌez neba huwaꞌ dudulti. Whuz unꞌa nelubeshi neba yunaoodilhnoh.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

Jude 1:14

ꞋEt Enoch ꞌen whulh lhtakꞌantꞌit Adam tsꞌu hainzut-un ꞌuntꞌoh, ꞌen ndunne dune, ꞌenne bughu nus hónꞌen whe ndutni, “Whunulhꞌen neMoodihti ꞌawet whusáinya! Ooduneꞌne, ꞌenne tsꞌiyawh oochꞌeꞌne, lhane kꞌet ꞌaw ꞌubutsꞌolhto ꞌaitꞌoh, ꞌenne bubulh whusatiyalh.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 13:14

Ndi bulh nanki khuna-iti ntsiꞌ-i, ꞌi ꞌudechoo-i khuna-iti ntsiꞌ-i nalh lhat te huwa ꞌitꞌen teneꞌ ꞌútꞌen ooghá whuntꞌai, ꞌet whe ndi yun kꞌut whutꞌenne nabunaꞌah. Nyoo khuna-iti ntsiꞌ-i saluzti be ka suliꞌ inleꞌ ꞌinkꞌez hanaꞌ ndi yun kꞌut whutꞌenne ꞌi ookꞌeyíltsi-i ꞌuhooleh ꞌubulhni.

Revelation 19:20

ꞋEt ndi khuna-iti ntsiꞌ-i huyílhchoot. ꞋInkꞌez whutsꞌit whe nus hooꞌen-un, ꞌen cha huyílhchoot. ꞋEn ꞌuntꞌoh khuna-iti ntsiꞌ-i nalh huwa ꞌítꞌen te neꞌústꞌen. ꞋI be mbene khuna-iti ntsiꞌ-i oonutsi be bube hóodatꞌenne ꞌinkꞌez mbene ookꞌeyíltsi tsꞌun teniꞌ nalhdzinne, ꞌenne tsꞌiyawh nabunanꞌa. ꞋEt ndunne nahúltꞌoh hukhuna whe kwun sulphur be dízkꞌun-i bunghun dúwhulcho-un, ꞌet tsúbodano.