Matthew 13:37 - Yak'usda Ooghuni

³⁷ ꞋEt dúbulhni, “Unzoo-i ha nányai oomaiꞌ ꞌi, ꞌainanla-un, ꞌen Yinka Dune Yeꞌ ꞌuntꞌoh.

Matthew 13:37 Iomraidhean Croise

Matthew 10:40

“Mbe la hoontꞌiꞌ whe danyunilhti-un, ꞌen si cha hoontꞌiꞌ whe dasúnilhti leꞌ hoontꞌoh. Mbe la whusalhꞌaꞌ-un cha hoontꞌiꞌ whe daínilhti wheꞌ hoontꞌoh.

Matthew 13:24

ꞋUyoo khuni be nawhutnuk-i be whutsꞌodulꞌeh-i, be bubulh yalhduk ꞌet whe njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan dúhoontꞌoh: Dune duyun kꞌut ookwꞌut ꞌaꞌ nukat. ꞋUzooꞌ-i ꞌananla.

Matthew 13:27

ꞋEt yoh whumoodih be ꞌulhnane highu nindil ꞌinkꞌez ꞌuhuyulhni, ‘Nemoodih unzoo-i ꞌi za ha lawk ꞌainanla? Dantꞌoh ꞌutꞌantsiꞌ ootoh ha nalhya?’

Matthew 13:4

ꞋInkꞌez ꞌaꞌ nule whe ooloh ti nanánkat. ꞋI dutꞌaiyaz whusahándil ꞌinkꞌez hinildil.

Matthew 13:41

Yinka Dune Yeꞌ, dulizas whuz de ꞌubutilhꞌalh whulerwe unli-un, mbene hukwaya hoonli tuneꞌ ꞌústꞌenne, ꞌinkꞌez yukꞌunulheꞌustꞌenne, tsꞌiyawh ꞌilhubohotálelh.

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Luke 10:16

Mbene la nohoozilhtsꞌaine, si soo hoozilhtsꞌai. Mbe la chꞌa nohnísjoot-un, si chꞌa sunísjoot wheꞌ ꞌuntꞌoh. ꞋInkꞌez mbe chꞌa sunísjoot-un, whuz de sútilhꞌaꞌ-un, ꞌen chꞌa inísjoot wheꞌ ꞌuntꞌoh.”

John 13:20

Soo tsꞌihꞌun nohdúsni mbe la whesꞌaꞌ-un, ꞌen dudzi yo whe huyílhchoot de, si cha suhílhchoot whe ꞌuhoontꞌoh. ꞋEt mbe la dudzi yo whe sílhchoot-un, ndun whuz de sútilhꞌaꞌ-un, ꞌen cha yílhchoot whe ꞌuhoontꞌoh.”

John 20:21

ꞋEt Jesus doo cha za ubúlhni, “Nohdzi doghel, ntsꞌenꞌa la sBá whuz de sútilhꞌaꞌ, ꞌet whuz unꞌa si cha nohtisꞌaꞌ.”

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Romans 15:18

ꞋInkꞌez ndet la Christ dája la si sgha ꞌudun yun kꞌut whutꞌenne hikꞌúneꞌ ootꞌen ha, ꞌi be za nohbulh yátisduk. Dája budásniꞌ la ꞌinkꞌez buba dástꞌen la, tsꞌiyawh si sgha Christ buba daja-un, ꞌet huwun ꞌaw lhnúzjut whe nohbulh yátisduk.

Hebrews 1:1

Lhat-un ꞌinkꞌez lhelhtsꞌun unꞌa, niz haóodanzut, Yakꞌusda be nus hooꞌenne, ꞌenne bube netsodaꞌne bubulh yaílhduk.

Hebrews 2:3

ꞋInkꞌez ndi whe uzdujis-un, ꞌet hooncha wheꞌ hoontꞌoh. ꞋEt tsꞌiyawh neba ꞌantsꞌi ꞌuhoontꞌoh de, ꞌet de ꞌenne bukꞌunꞌa neba kꞌelha whutaleh. Nemoodihti ndi yun kꞌut nuséya-un, ꞌet whutsꞌun ndi whézdujis-un howu yalhduk, ꞌinkꞌez ndunne mbene la whudántsꞌone, ꞌenne ndi khuni tsꞌiyawh whunehunilhtan ꞌet tsꞌihꞌun ꞌuhoontꞌoh.