Matthew 13:27 - Yak'usda Ooghuni

²⁷ ꞋEt yoh whumoodih be ꞌulhnane highu nindil ꞌinkꞌez ꞌuhuyulhni, ‘Nemoodih unzoo-i ꞌi za ha lawk ꞌainanla? Dantꞌoh ꞌutꞌantsiꞌ ootoh ha nalhya?’

Matthew 13:27 Iomraidhean Croise

Matthew 13:25

Huztez whe dune yuchꞌaz ditni-un whusainya. ꞋAinanla-i ꞌuzooꞌ-i toh, ꞌutꞌantsiꞌ tsꞌutni, ꞌi yutoh ꞌananla, ꞌinkꞌez whe naja.

Matthew 13:26

Tsꞌiyawh ha nányai whe ꞌutꞌantsiꞌ cha bulh ha inanyai.

Matthew 13:28

ꞋEt ꞌubulhni, ‘Schꞌaz ditni-un la ꞌuyínla.’ Be ꞌulhnane huyulhni, ‘ꞋUtꞌantsiꞌ, ꞌi ha tsꞌúntilelh hukwaꞌ ninzun eh?’

Matthew 20:1

“Ndiz unꞌa yakꞌuz whulerwe tsꞌiyawh kꞌuneꞌ whulꞌen: ꞋIlhoghun dune ꞌen yun kꞌut yun ꞌutꞌi-un. ꞋEt tsꞌekoo tooꞌ mai chun ha niyeh kꞌet, ꞌet huba ꞌutitꞌelhne haꞌ ninzun. Bundada ꞌudaꞌ ꞌet dune tilhꞌalh ha whuz whinya.

Romans 16:17

Sulhutsinke njan huwun nohgha dúsni, nohtoh mbene la whunohodalhꞌeꞌ whuchꞌaz yálhdukne, ꞌenne bugha lhchꞌaz nedutahdulh ꞌinkꞌez nohba hoontsiꞌ tileh. ꞋEt nduntꞌóhne buka huwolhleꞌ ꞌinkꞌez buchꞌaz naóolhꞌah.

1 Corinthians 16:10

ꞋEt Timothy nohghu ninya de, ꞌaw hoonli whe lhníljut whe nohzih oodaꞌ. ꞋEt tsꞌiyawh nohni nohba ꞌuhoontꞌoh. Si skꞌunꞌa neMoodihti be ꞌutꞌen kꞌoh neꞌutꞌen ꞌet huwa.

2 Corinthians 6:1

ꞋInkꞌez wheni Yakꞌusda bulh ꞌilhoh neꞌutꞌenne tsinliꞌ natsꞌutez dudlih, Yakꞌusda ye unzoo-i ꞌantsꞌi ꞌet ólhchoot junih.

2 Corinthians 6:4

ꞋEt hoontsꞌi ndúwhulcho whe tsꞌihꞌun unꞌa Yakꞌusda ba neꞌutꞌenne ꞌutsꞌintꞌoh. ꞋEt ꞌutsꞌootꞌeꞌ ꞌaitꞌoh ꞌet hoontsꞌi whulh tsꞌooyin. Nekꞌéhootꞌoh-un netsꞌu hóoltsꞌulh-un, hoonli haꞌ ezdunidzut, whulokhun neba howa whúlnaꞌ-un,

James 4:4

Nohni dune ꞌinkꞌez tsꞌekoo lhulh nintaꞌahtꞌihne léꞌahtꞌoh, soo zúlhtsꞌai, ndi yun kꞌut hoontsiꞌ túneꞌ ꞌahtꞌen-un, ꞌet hoonáhtꞌiꞌ de, ꞌet de Yakꞌusda chꞌaz ditnine ꞌahli. ꞋEt huwa mbene la ndi yun kꞌut hoontsiꞌ tuneꞌ titꞌen hukwaꞌ ninzunne, ꞌenne Yakꞌusda chꞌaz ditnine naꞌhududulhtsi.