Matthew 13:25 - Yak'usda Ooghuni

²⁵ Huztez whe dune yuchꞌaz ditni-un whusainya. ꞋAinanla-i ꞌuzooꞌ-i toh, ꞌutꞌantsiꞌ tsꞌutni, ꞌi yutoh ꞌananla, ꞌinkꞌez whe naja.

Matthew 13:25 Iomraidhean Croise

Matthew 13:24

ꞋUyoo khuni be nawhutnuk-i be whutsꞌodulꞌeh-i, be bubulh yalhduk ꞌet whe njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan dúhoontꞌoh: Dune duyun kꞌut ookwꞌut ꞌaꞌ nukat. ꞋUzooꞌ-i ꞌananla.

Matthew 13:26

Tsꞌiyawh ha nányai whe ꞌutꞌantsiꞌ cha bulh ha inanyai.

Matthew 13:27

ꞋEt yoh whumoodih be ꞌulhnane highu nindil ꞌinkꞌez ꞌuhuyulhni, ‘Nemoodih unzoo-i ꞌi za ha lawk ꞌainanla? Dantꞌoh ꞌutꞌantsiꞌ ootoh ha nalhya?’

Matthew 13:29

ꞋEt ꞌubulhni, ‘ꞋAwúndooh! Whute ꞌuntꞌoh doo ka la unzoo-i cha bulh ꞌóohleh.

Matthew 13:30

Whute ꞌet ndulhdzun haꞌ úntikulh whutsꞌun. ꞋEt ꞌawet haꞌ nukat-un neooninzut de, haꞌ untilelhne, si budósniꞌ, ꞌudechoo ꞌutꞌantsiꞌ ha nálhle ꞌinkꞌez bulhghel dutákꞌun huba. Unzoo-i tsꞌiyawh ha náhle ꞌinkꞌez ha níyeh-i bayoh whuz daníhdzai.’”

Matthew 13:39

Yuchꞌaz ditni-un, ꞌutꞌantsiꞌ ꞌainanla-un, ꞌen netsudule. Haꞌ nukat-un ꞌandit whudizulh whula toh. Haꞌ úntilelhne, ꞌenne lizas ꞌuhutinela.

Matthew 25:5

ꞋEt ꞌat titꞌelh-un saꞌ whusalhusyaih, ꞌinkꞌez tsꞌiyawh bulh bukꞌé diltsꞌut, whe nahunistez.

Galatians 2:4

Whulohne neulhutsinke naꞌhududilꞌi. ꞋEnne bugha ꞌuhooja nunútꞌiꞌ be netabonínla. Neghu hooleꞌ ha datsꞌintꞌoh whe dune tsinli. Christ Jesus ꞌantsꞌi nekꞌunaꞌanꞌoh neꞌleꞌneyinla. Wheni doo cha Moses be ꞌudustlꞌus kꞌut ꞌi be ꞌulhnane nehoolhtselh hukwaꞌ hutꞌen.

Hebrews 12:15

Soo cho nohtoh nohnichꞌoh nohulhutsinke bughohleꞌ! Doo ka si Yakꞌusda ye unzoo-i hiye nghoyaꞌ. ꞋEt de la whulohne nohtoh nukꞌoz hudooleꞌ ꞌaitꞌoh. Ndihíntꞌoh de, ꞌet ꞌenne bugha lhane ꞌi be hintsiꞌ hulih wheꞌ hoontꞌoh.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

2 Peter 2:1

ꞋEt ꞌoh daꞌ ndunne whahutsꞌit whe nus hooꞌenne, ꞌenne cha dune toh hudilhtsꞌi inleꞌ. ꞋInkꞌez khuni whutsꞌit-i be whubodulhꞌehne, ꞌenne cha nohtoh hudutáltsꞌilh. Ndunne whuꞌiz whe khuni whutsꞌit-i, bé nohba ꞌalha ꞌuhoontꞌoh-i, ꞌi musai hitilhtselh hukwaꞌ hutitꞌelh, ꞌet whuz unꞌa whunohodutilhꞌeh. NeMoodihti, mbe la naboket-un, ꞌen hoontsꞌi hitsꞌoodutádlai. Ndunne whuz unꞌa dune hodulhꞌehne, ꞌenne ꞌilhudzin de Yakꞌusda ye huske-i, ꞌi khuntsul bugha ítaltsꞌulh.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 13:14

Ndi bulh nanki khuna-iti ntsiꞌ-i, ꞌi ꞌudechoo-i khuna-iti ntsiꞌ-i nalh lhat te huwa ꞌitꞌen teneꞌ ꞌútꞌen ooghá whuntꞌai, ꞌet whe ndi yun kꞌut whutꞌenne nabunaꞌah. Nyoo khuna-iti ntsiꞌ-i saluzti be ka suliꞌ inleꞌ ꞌinkꞌez hanaꞌ ndi yun kꞌut whutꞌenne ꞌi ookꞌeyíltsi-i ꞌuhooleh ꞌubulhni.

Revelation 2:20

ꞋEt hoontsꞌi hoontsool-unyaz whe sba ꞌutsꞌun unꞌa ꞌahtꞌoh. Nyoon tsꞌeke Jezebel nus hóoꞌen naꞌdudútni. Hubodulhꞌeh ꞌinkꞌez seꞌ ꞌulhnane tankꞌus úbunilhtꞌi. ꞋUyoonne dune ꞌinkꞌez ꞌuyoonne tsꞌekoo bulh nintaꞌhootꞌih. ꞋInkꞌez ꞌukꞌeltsi gha tꞌaih-i huyooꞌalh hukwaꞌ bulhꞌen. ꞋEn tsꞌeke ꞌaw whuchꞌa lhnuzáhyoot.