Matthew 13:24 - Yak'usda Ooghuni

²⁴ ꞋUyoo khuni be nawhutnuk-i be whutsꞌodulꞌeh-i, be bubulh yalhduk ꞌet whe njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan dúhoontꞌoh: Dune duyun kꞌut ookwꞌut ꞌaꞌ nukat. ꞋUzooꞌ-i ꞌananla.

Matthew 13:24 Iomraidhean Croise

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 13:25

Huztez whe dune yuchꞌaz ditni-un whusainya. ꞋAinanla-i ꞌuzooꞌ-i toh, ꞌutꞌantsiꞌ tsꞌutni, ꞌi yutoh ꞌananla, ꞌinkꞌez whe naja.

Matthew 13:31

Doo cha ꞌuyoo khuni be nawhutnuk-i be whutsꞌodulꞌeh-i be bubulh yalhduk. Njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan duhoontꞌoh. Mai, mustard huyulhni, kꞌunꞌa ꞌuntꞌoh. Dune yílhchoot ꞌinkꞌez duhanuyeh kꞌet ꞌainanꞌai.

Matthew 13:33

Doo cha ꞌuyoo khuni be nawhutnuk-i be whutsꞌodulꞌeh-i, ꞌi be bubulh yalhduk whe njan dúbulhni: “Yakꞌuz lerwe ꞌuhuhoolhdzun-un, lhes ntuldoh-i ndultꞌoh. Tsꞌeke yílhchoot ꞌinkꞌez lhes nudzaih-i, ta tsetsꞌai be úndeꞌooldzih-i dizbun. ꞋI ntuldoh-i bulh ꞌilho be yándzai, ꞌinkꞌez yunilhtlus. ꞋEt hukwꞌelhꞌaz ꞌudun neíninkai whe untílhdo.”

Matthew 13:37

ꞋEt dúbulhni, “Unzoo-i ha nányai oomaiꞌ ꞌi, ꞌainanla-un, ꞌen Yinka Dune Yeꞌ ꞌuntꞌoh.

Matthew 13:47

“Doo cha za, yakꞌuz kꞌúneꞌ whulꞌen-un, ꞌet ndiz unꞌa njan dúhoontꞌoh: Lhembilh tahúyalhdil ꞌinkꞌez toot huyigus lhawh didowh-i huzdlooh.

Matthew 18:23

ꞋEt yakꞌuz kꞌúneꞌ whulꞌen-un, ꞌet nduhoontꞌoh: ꞌilhoghun lerwe unli daꞌ, ꞌet be ꞌulhnane, ꞌenne daltsuk be butsꞌú whulhꞌai, ꞌi tsꞌiyawh ye bubúlh lhanaoodutile hukwaꞌ ninzun.

Matthew 20:1

“Ndiz unꞌa yakꞌuz whulerwe tsꞌiyawh kꞌuneꞌ whulꞌen: ꞋIlhoghun dune ꞌen yun kꞌut yun ꞌutꞌi-un. ꞋEt tsꞌekoo tooꞌ mai chun ha niyeh kꞌet, ꞌet huba ꞌutitꞌelhne haꞌ ninzun. Bundada ꞌudaꞌ ꞌet dune tilhꞌalh ha whuz whinya.

Matthew 21:33

“ꞋUyoo be nawhutnuk-i be nohdutásnelh. Soo zólhtsꞌaiꞌ! ꞋIlhoghun yun moodih, ha niyeh kꞌet ꞌuhoonla, ꞌinkꞌez mai tsꞌekoo tooꞌ chun ꞌananla. ꞋInkꞌez whunaꞌniztlꞌoo. ꞋEt tsa kꞌet ha hónkai mai tooꞌ ꞌutahahúlhtsus-un, ꞌet cha neóoninꞌai. ꞋInkꞌez ookꞌut yutistꞌen-i cha wheni ꞌuhinla. Ha niyeh kꞌet ꞌudunne haꞌ nulhyehne butlꞌa hónꞌai, ꞌinkꞌez nilhdzaꞌ keyoh tsꞌe whinya.

Matthew 22:2

“ꞋEt yakꞌuz kꞌúneꞌ whulꞌen-un, ndiz unꞌa njan dóohoontꞌoh, ꞌilhoghun lerwe ooyeꞌ ooꞌat whutaleh, ꞌet huba lhadútitneh.

Matthew 25:1

“Yakꞌuz ntsꞌe la lerwe usda-un ndi yun kꞌut whusahóoltsꞌut de, ꞌet whuz unꞌa ndó tanelh: whunizyane tꞌedukoo dune tꞌenuszunne, ndi kwun be hootꞌen-i huyilhchoot ꞌinkꞌez dune ꞌat titꞌelh-un ꞌaz hiba sulhꞌi.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Luke 13:18

ꞋEt Jesus ꞌubulhni, “Yakꞌusda whe lerwe unli-un, ꞌet ntsꞌenꞌa nohba dahoontꞌoh? ꞋInkꞌez di bulh lhundúwhultꞌoh doosniꞌ?

Luke 13:20

ꞋInkꞌez doo cha ꞌubulhni, “Ntsꞌenꞌa suba whunoh untistun Yakꞌusda whe lerwe unli-un?

Colossians 1:5

Ndai yakꞌuz tsꞌe nohba ꞌilhozkat-i, ꞌi ooka tse hóhleꞌ. ꞋEt huwa bukꞌeoohtsiꞌ, ꞌinkꞌez khuni unzoo-i whutsodaꞌ bulh ꞌúdahtsꞌo.

1 Peter 1:23

Yakꞌusda ooghuni ꞌi be doo cha za nawhuzáhdli. Nedusneke gha ꞌilhiz tsꞌukhoonaꞌ ꞌaitꞌoh. Yakꞌusda ooghuni ꞌi be za ꞌilhiz tsꞌuhutinalh wheꞌ hoontꞌoh.