Matthew 13:23 - Yak'usda Ooghuni

²³ ꞋEt hoontsꞌi yun unzoo-i kꞌéninkat-i leꞌ ꞌuntꞌohne. Yakꞌusda ooghuni hiditsꞌo-i, tꞌehinuzih te daja ni whe ꞌutni. ꞋEt bumaiꞌ lhai lhih leꞌ hintꞌoh. Whulukhun whunizyat whunizyai (100) ꞌulhih. Whulukhun lhkꞌu tat whunizyai (60) ꞌulhih. Whulukhun tat whunizyai (30) ꞌulhih.”

Matthew 13:23 Iomraidhean Croise

Matthew 12:33

“Mai chun unzoo-i ha nálhyai de, oomaiꞌ unzoo tileh. ꞋEt mai chun ꞌutsiꞌ-i ha nálhyai de, oomaiꞌ ntsiꞌ tileh. Dantꞌoh-i duchun ꞌuntꞌoh, oomaiꞌ gha tꞌentidzeh.

Matthew 13:8

ꞋOnghoh-i yun unzoo-i kꞌut nanánkat whe soo ha nanyai. Oomaiꞌ whulokhi whunizyat whunizyai (100) oomaiꞌ suliꞌ, whulukhi lhkꞌu tat whunizyai (60) oomaiꞌ suliꞌ, whulokhi tat whunizyai (30) oomaiꞌ suliꞌ.

Matthew 3:10

Nohni duchun léꞌahtꞌoh. ꞋAwet tsetselh lhadíntꞌoh. Duchun oomaiꞌ hooloh-i, ooghih tubulh tsuhídantsel ꞌinkꞌez hidutálhkꞌun.

Matthew 3:8

Whute lubeshi chꞌa noheni nahandunoohleh de, ndahtꞌen-un tsꞌiyanne tꞌehonózin ndahtꞌoh la,

Mark 10:15

Soo tsꞌihꞌun ꞌalhaꞌ nohdúsni, Yakꞌusda whulerwe unli tsꞌe, Yakꞌusda bulerwe unli-un ꞌaw tsꞌoodunneyaz kꞌunꞌa lhuhuhóolhchulh de, ꞌaw whuz dahóoyaꞌ ꞌaitꞌoh.”

Mark 4:20

ꞋEt whulohne yun unzoo-i kꞌut nanánkat ꞌi unduhúltꞌoh Yakꞌusda ooghuni hiditsꞌo, huyílhchuk, ꞌinkꞌez dudzi yo nehídiꞌaih, ꞌet oomaiꞌ whulih. Whulohne tat whunizyai (30), whulohne lhkꞌu tat whunizyai (60), ꞌinkꞌez whulohne cha whunizyat whunizyai (100).”

Luke 13:9

ꞋEt oomaiꞌ whúzdliꞌ de, ꞌet sooꞌ hoontꞌoh. ꞋEt ndúlhinel de, ꞌet de la ntoontselh.’”

Luke 8:15

ꞋEt hoontsꞌi ndai la yun unzoo-i kꞌut nanánkat-i, ꞌenne huhóontꞌiꞌ whe khuni hidantsꞌo ꞌinkꞌez budzi unzoo whe huyoontun. Ntsꞌoh dahoontꞌoh hoontsꞌi ꞌilhiz huyilhchuk. ꞋEt whuz unꞌa bumaiꞌ whulaih.”

Luke 8:8

ꞋEt ꞌonghoh-i yun unzoo-i kꞌut nanánkat, ꞌinkꞌez há nuski. Oomaiꞌ ꞌi lhanꞌun te lhai suliꞌ whunizyat whunizyai ꞌet ꞌultsuk suliꞌ.” ꞋEt hukwꞌelhꞌaz ꞌet tube cho ꞌubulhni, “Mbe la oodzeh hoonline hidotso!”

John 15:16

ꞋAw nohni ꞌutahalhúsulhtel. Si ꞌutáhanóhisdla toohdilh ꞌinkꞌez mai ha nóolhyeh ꞌinkꞌez nohmaiꞌ ꞌilhiz wheni ootꞌeꞌ, ꞌet hukwa ꞌet nenóhnusdla. ꞋEt huwa la sBá ndai la si sooziꞌ gha ootsꞌo hukwa dahni-i, ꞌi la nohgha íyoꞌalh.

John 8:47

Mbene la Yakꞌusda oochꞌeꞌ unline, ꞌenne za Yakꞌusda ooghuni hiditsꞌo. Nohni ꞌaw Yakꞌusda oochꞌeꞌ lháhloh ꞌet huwa ooghuni ꞌaw dóhtsꞌo ꞌaitꞌoh,” ubúlhni.

Acts 16:14

ꞋIlhoghun tsꞌeke, Thyatira whutꞌen-un Lydia huyúlhni, ꞌen cha nedántsꞌo. ꞋEn naih dulkꞌun diztiꞌ be ꞌóoket-un unli, ꞌinkꞌez ꞌahoolhyiz Yakꞌusda tsꞌun teniꞌ nilhdzun. ꞋEt huwa neMoodihti Paul Yakꞌusda ooghuni ye yálhduk-i soo cho yoozólhtsꞌai ꞌinkꞌez beni taóodoltsꞌit yulhtsi.

Acts 17:11

Nyoonne ꞌet whutꞌenne, ꞌenne Thessalonica whutꞌenne buba nus hinzoo. Ndi khuni butsꞌo tlꞌa idiltsꞌut-i soo hikaꞌ ninzun whe Paul huyoozílhtsꞌai, ꞌinkꞌez dzin totsuk Yakꞌusda ooghuni ꞌukꞌu nusgúz-i hikꞌu yalhduk hiyodoolꞌeh ha, ndi khuni Paul ye yálhduk-i ꞌalhaꞌ tilah ꞌuntꞌoh tꞌehontizeh hukwaꞌ huninzun ꞌet huwa.

2 Corinthians 9:10

ꞋEt nohgha íyunle-un, ꞌen ꞌon nus lhai úncha nohghale. ꞋEt la nohꞌeꞌutꞌen tsꞌihꞌun unꞌa ꞌuntꞌoh-i, ꞌi ꞌon nus lhai tileh.

Philippians 1:11

ꞋInkꞌez Jesus Christ ꞌen gha ꞌutꞌen tsꞌihꞌun ꞌuntꞌoh-i, ꞌet ndutihtꞌelh. ꞋEt whuz unꞌa Yakꞌusda ba tsꞌodólhtiꞌ ꞌinkꞌez ꞌon nus uzdólhtiꞌ.

Philippians 4:17

ꞋAw hoonliyaz sghaꞌ tihꞌalh-un, ꞌet hukwꞌúlhnuzustꞌoh. Nus de nohba ꞌukꞌelha tileh-i, ꞌi za nohba ookaꞌ nuszun.

Colossians 1:10

ꞋEt neMoodihti ꞌen ba tsꞌihꞌun unꞌa ndi yun kꞌut dúlhtsꞌi. Ndai ꞌulhꞌen-i tsꞌiyawh yé hotꞌeꞌ. ꞋUtꞌen unzoo-i ꞌi ootsꞌu ha yóokat, ꞌinkꞌez Yakꞌusda ꞌon nus tꞌentihzeh.

Colossians 1:6

Ndi khuni unzoo-i ndi yun kꞌut ndulcho whe núdilhtsꞌut ꞌinkꞌez ꞌi be ꞌuniztꞌai leꞌ hintꞌoh. Nohni cha whuz unꞌa za nohghu diltsꞌut. Ndet dzin ꞌudechoo whudáhtsꞌo whe khuni ꞌalhaꞌ ꞌuntꞌoh-i, ꞌi gha Yakꞌusda ye unzoo-i tꞌewhunihzin, ꞌinkꞌez ꞌon nus soo náhyeh.

1 Thessalonians 4:1

ꞋEt huwa neulhutsinke, ndi ꞌudekꞌez khuni be nohbulh yátsꞌulhduk-i, neghuni úlhchoot whe Yakꞌusda hótꞌeꞌ ha tóohdilh nohtsꞌútni inleꞌ. ꞋEt doo cha za whuz unꞌa za Jesus neMoodihti, ꞌen be khuni ulhtus-i be nohtsꞌutni, tube cho lhanꞌun te oohzooꞌ, ꞌinkꞌez whuz unꞌa oohtꞌeꞌ.

2 Thessalonians 2:10

Ndunne kwuncho yo tsꞌu tudilhne, ꞌenne tsꞌiyawh tsꞌihꞌun unꞌa lheꞌhootꞌoh-i, ꞌi be nabunaꞌah. Khuni ꞌalhaꞌ ꞌuntꞌoh-i, ꞌi hikꞌelhísiꞌ, ꞌet huwa ꞌaw hudoojih ꞌaitꞌoh.

Hebrews 4:2

ꞋAlhaꞌ ꞌenne bukꞌunꞌa wheni cha ndi khuni unzoo-i be nebulh yaínduk. ꞋEt hoontsꞌi ndi khuni be bubulh yaínduk-i, ꞌaw lhuhiditsꞌil, ꞌaw buba ꞌalhaꞌ lheꞌhóonel ꞌet huwa. ꞋEt huwa ꞌaw bubeni tálheidikulh. ꞋEt huwa ꞌaw bula lhewhudínel.

Hebrews 6:7

Soo cho whunulhꞌen, ꞌet nawhúlhtih te ha níyeh ba hoonzoo. ꞋInkꞌez tsꞌiyaitsuk tꞌalh-i neba ha núlhyeh de, ꞌet de whuz unꞌa Yakꞌusda netsꞌun unzoo.

Hebrews 8:10

ꞋInkꞌez hukwꞌelhꞌaz Israel buzkehke ꞌandidi-i, ꞌi khuni buba lhaídutisdle. Nus de, ni neMoodihti, sghuni bubeni táwhudutasdlelh, ꞌinkꞌez budzi kꞌut cha ꞌukꞌehóotasgus. ꞋInkꞌez si buYakꞌusda tisdleh, ꞌinkꞌez ꞌenne sduneꞌne hutileh.

2 Peter 3:18

ꞋEt hoontsꞌi neMoodihti ꞌinkꞌez neulhyis-un Jesus Christ ye unzoo-i, ꞌinkꞌez tꞌeooninzun ꞌi be, ꞌon nus ooghun hodoolhꞌeh. ꞋEn tsꞌun ye diztiꞌ-i nawhultꞌoh ꞌandit ꞌinkꞌez ꞌilhiz wheni. ꞋEt ndo honeh.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.