Matthew 13:22 - Yak'usda Ooghuni

²² Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 13:22 Iomraidhean Croise

Matthew 12:32

Mbe la Yinka Dune Yeꞌ chꞌaz yalhdukne, soo buba ꞌun whutilhdulh. ꞋEt hoontsꞌi mbene la Ndoni chꞌaz yalhdukne, ꞌaw buba ꞌun whutoolhdilh ꞌaitꞌoh. ꞋAndit dzin kꞌus nus de hoontsꞌi.”

Matthew 13:39

Yuchꞌaz ditni-un, ꞌutꞌantsiꞌ ꞌainanla-un, ꞌen netsudule. Haꞌ nukat-un ꞌandit whudizulh whula toh. Haꞌ úntilelhne, ꞌenne lizas ꞌuhutinela.

Matthew 13:40

ꞋEt huwa ꞌutꞌantsiꞌ nahidulhdzooh ꞌinkꞌez hidilhkꞌun, ꞌandit whudizulh-un whula toh de, ꞌet nduwhutanelh.

Matthew 13:7

Ooloh cha whus toh nanánkat. ꞋI cha whus cho whutoh bulh dúduninyai ꞌinkꞌez bulh lhéwhultloh.

Luke 12:15

ꞋInkꞌez Jesus ꞌubulhni, “Huwahli! ꞋUyoon dune chꞌeꞌ haꞌ noohzin junih! Dune daltsuk hoonli yutꞌi ndi yun kꞌut, ꞌohwhi ꞌantsꞌi ꞌúntꞌoh whe ꞌuntꞌoh.”

Luke 12:21

ꞋEt whuz unꞌa mbe lhai duba ꞌilhozdla-un ꞌinkꞌez Yakꞌusda ba hoonli lhitꞌiꞌ.”

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 8:14

Ndai la whus cho toh nanánkat-i, dune Yakꞌusda ooghuni hiditsꞌo ꞌet hoontsꞌi yun kꞌut huwu ni tsinli-un, ndi yun kꞌut hoonzooꞌ hoontꞌoh-un, ꞌinkꞌez ndi yun kꞌut huhoontꞌiꞌ tuneꞌ hutꞌen-un, ꞌi tsꞌiyawh whus cho ꞌi be bulh lhellhoh ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Acts 8:18

ꞋEt Simon ꞌubunilhꞌen whelꞌaꞌne dune bukꞌodílhni te Ndoni buyudúltsꞌuk. ꞋEt Peter John bulh sooniya bugha óoꞌalh hukwaꞌ bulhꞌen.

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

1 Corinthians 1:20

Ntsꞌe ꞌuhoontꞌoh whunihne hoonli? ꞋInkꞌez ntsꞌe ꞌuhoontꞌoh Moses be ꞌudustlꞌus ꞌukꞌu nunáguzne hoonih? ꞋInkꞌez ntsꞌe ꞌuhoontꞌoh ꞌukꞌenus whunih naꞌdunudzunne hoonli? ꞋEt ꞌalha ꞌuhoontꞌoh ndai la ndi yun kꞌut whutꞌenne ye whunih-i, ꞌi Yakꞌusda tsꞌiyawh be tsꞌuwhusnih yulhtsi? A, ꞌalha ꞌuhoontꞌoh.

1 Corinthians 2:6

ꞋEt hoontsꞌi mbene la dune suliꞌne, ꞌenne khuni whunih-i be bubulh yatsꞌulhduk. ꞋEt hoontsꞌi ndai la yun kꞌut be whutnih-i kꞌus ndi yun kꞌut whumoodihne, ꞌenne hiye whunih-i, ꞌaw ꞌi be iloh bubulh yatsꞌulhduk. Ndunne ꞌantsꞌi gaih gak hutileh.

1 Corinthians 2:8

Ndi khuni neba whe ꞌuntꞌoh hooyoh, ꞌi ndi yun whumoodihne ꞌaw ꞌilhoghun daja ni tꞌeininzunne hooloh. ꞋEt ndi khuni neba whe ꞌuntꞌoh hooyoh tꞌehininzun de, ꞌet de neMoodihti whudiztiꞌ-un, ꞌen ꞌaw daꞌ tulalhgus kꞌelhúhiyilhtel ooleꞌ.

1 Corinthians 3:18

Khun nyunchꞌoh naꞌdunontꞌah junih. ꞋEt nohtoh ꞌilhoghun ndi yun kꞌut ye whunih-i be dune whunih naꞌdunudzun de, ꞌet de dichꞌoh ndi yun kꞌut whusni hininzun-i, whuz unꞌa naꞌdudooltselh hubaꞌ hoontꞌoh. ꞋEt whe tsꞌihꞌun unꞌa whunih-un dune utileh.

2 Corinthians 4:4

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

Galatians 1:4

ꞋEn ꞌuja nelubeshi gha huwaꞌ dudulti. ꞋEt whe ndi yun kꞌut ntsiꞌ-i yuchꞌa naneoozdla. Yakꞌusda neBá, ꞌet whuz unꞌa hukwaꞌ ninzun.

Ephesians 2:2

ꞋEt ꞌoh daꞌ ndi yun kꞌut whe ꞌutꞌen kꞌunꞌa yinka dúlhtsꞌi inleꞌ. Mbe tazai kꞌuz ye ulhtus-i whe moodih tileh-un, ꞌet yutlꞌa hónꞌai, ꞌen netsudule ꞌen kꞌuneꞌ nohulꞌen-un inleꞌ. Mbene ꞌawhuz Yakꞌusda yukꞌunulheꞌustꞌenne, ꞌenne buyudinda.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

2 Timothy 4:10

Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya.