Matthew 13:21 - Yak'usda Ooghuni

²¹ ꞋEt hoontsꞌi didutchꞌoh ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh ꞌinkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋAho whula hudutnih.

Matthew 13:21 Iomraidhean Croise

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 11:6

ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 13:20

Tse toh ꞌanilya-i, khuni hiditsꞌo te, ꞌinkꞌez ꞌaho huhóontꞌiꞌ whe huyilhchuk.

Matthew 13:57

ꞋInka tsꞌiyawh buba dzoh suliꞌ. ꞋEt Jesus ndúbulhni, “Nus hooꞌen unli-un, tsꞌiyanne yudilhtiꞌ. ꞋEt hoontsꞌi ookeyoh whutꞌenne ꞌinkꞌez dichꞌoh ooyoh, ꞌenne cha ꞌaw lhuhidílhtiꞌ.”

Matthew 13:6

Ooghih hooloh huwa ha sainꞌai whe tsꞌiyawh yanúdizgi.

Matthew 24:13

ꞋEt hoontsꞌi mbene la whula toh whutsꞌun whulh úsyinne, ꞌenne za hudutijih.

Matthew 26:31

ꞋEt Jesus ndúbulhni, “ꞋAndit ꞌulhdzis nohni tsꞌiyawh ska yátihleh. Whuz unꞌa ꞌukꞌehooguz whe ndutni, ‘ꞋUsbai ghunli-un, tuzilghelh huba whutlꞌa tístelh. ꞋOh de ꞌusbai tsꞌiyawh yahitalhꞌus.’

Matthew 26:33

ꞋEt Peter uyúlhni, “Tsꞌiyawh nyun nkayahutileh ꞌet hoontsꞌi si ꞌaw nkayálhtuzisdle.”

Mark 4:17

ꞋEt hoontsꞌi ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh. ꞋInkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋEt huwa ꞌaho ndi khuni hila dutnih.

Luke 8:13

Ndai la tse toh nanánkat-i leꞌ ꞌuntꞌohne hoditsꞌo ꞌinkꞌez huhóontꞌiꞌ whe khuni huyilhchuk. ꞋEt hoontsꞌi ꞌaw bughih hooloh. ꞋEt huwa ꞌatsulyaz buba ꞌalha ꞌuhoontꞌoh. ꞋEt ꞌaho bé tankꞌus uznintꞌi-i, ꞌi be tinchꞌu nahuskat, ꞌenne ꞌuhintꞌoh.

John 6:26

ꞋEt Jesus ubúlhni, “Soo tsꞌihꞌun unꞌa nohdúsni, ꞌaw njan nohnalh huwa ꞌítꞌen túneꞌ ꞌustꞌen-un, ꞌet huwa iloh skunáhta. Lhes nohgha núsꞌai, ꞌinkꞌez be soo ꞌuhja, ꞌi ha za ꞌahtꞌen skunúhta.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.

Galatians 6:12

ꞋEt mbene la ooyustꞌe ꞌet huba soo ꞌuldzooꞌne, ꞌenne ꞌet hukwaꞌ hutꞌen, ꞌenne ꞌuhintꞌoh, nohni ooka dune ꞌahli-i kꞌut nohotitꞌus whutsꞌu nohonilhtꞌi. ꞋEt njan huwa hutꞌen, Christ tulalhgus kꞌut neba dazsai-un huwa yatsꞌulhduk-un, ꞌet huwa dzoh nunéhulhdzut, ꞌet whuchꞌa neꞌhootꞌen-un hukwaꞌ hutꞌen.

Galatians 6:15

Wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut ꞌustꞌusne, kꞌus dune lhitꞌusne, ꞌet ꞌantsꞌi ꞌuhoontꞌoh ꞌet huwa. ꞋEt hoontsꞌi wheni mbene la Christ Jesus ꞌen bulh ꞌuntꞌohne, doo cha za tsꞌuwhuzdli wheꞌ tsꞌintꞌoh.

Ephesians 3:17

Be nebe ꞌalha ꞌuhoontꞌoh-i, ꞌi be Christ nohdzi yo whutitꞌelh. ꞋInkꞌez be nekꞌetsꞌinsiꞌ-i, ꞌi be yoh ookꞌu whuzꞌai-i, ooghih hoonli kꞌunꞌa dutsꞌo.

Philippians 1:6

Njan ꞌet sba nawh lheꞌhootꞌoh, nohni nohbulh ꞌutꞌen unzoo-i wheꞌ yudilhꞌen-un Jesus Christ oodzin de, ꞌet de lhaídutileh.

2 Timothy 1:15

Njan tꞌeooninzun tsꞌiyanne Asia whutꞌenne schꞌaz nahulhya. Phygellus ꞌinkꞌez Hermogenes cha.

2 Timothy 4:10

Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya.

James 3:2

Lhat-un whe lubeshi ꞌutsꞌulhꞌen ꞌet huwa. Dune dichꞌoh dughuni be ꞌaw lubeshi lhilhchulh de, ꞌen dune soo lhadúlya-un suliꞌ. Duyustꞌe dulcho whe tsꞌihꞌun unꞌa yughunli de.

1 Peter 1:5

Nohni nohba ꞌalha ꞌuhoontꞌoh-un be Yakꞌusda ye ulhtus-i búghudli whe whéhudutijih-un huhootálhchulh. ꞋEt ꞌudekꞌez dzin de, yakꞌuz tsꞌe ꞌet neba whuzdla-i, ꞌi tsꞌiyawh tsꞌet ha óotikulh ꞌet wheni lhaóodintꞌoh.

Revelation 2:13

Nohꞌeꞌutꞌen kꞌoh ꞌinkꞌez ntsꞌe whahtꞌi-un tꞌeoonuszun. Ndet Satan ookwꞌutsꞌuzda cho diztiꞌ-i ꞌusꞌai-un, ꞌet whahtꞌi. Sooziꞌ, ꞌi dutsoo cho oohtun. Ntsꞌe Satan whutꞌi-un ꞌinkꞌez ꞌoh daꞌ ndun Antipas huyúlhni-un, ꞌen sooziꞌ gha nohtoh hizilhghi. ꞋEt hoontsꞌi nohba ꞌalhaꞌ ꞌustꞌoh-un ꞌaw whutsꞌulhoodáhdlai.