Matthew 13:2 - Yak'usda Ooghuni

² Dune lhane higha oozdil ꞌinka tsꞌi beinya, ꞌinkꞌez tsꞌi bet natlꞌa didaꞌ. Tsꞌiyawh taba ꞌet nódilhya.

Matthew 13:2 Iomraidhean Croise

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 15:30

ꞋEt lhane dune, highu nindil. Mbene la nulhúsdilne, hoos̱ꞌenne, yalhulhdukne, ooyustꞌe bodinlane, ꞌuyoonne cha, tsꞌiyawh hitsꞌu botule. Hibut neboninla ꞌinkꞌez tsꞌiyawh soo náꞌbalhꞌen.

Matthew 4:25

ꞋInkꞌez Galilee whutꞌenne, Decapolis whutꞌenne, ꞌinkꞌez Jerusalem whutꞌenne, Judea yun kꞌut whutꞌenne cha, ꞌinkꞌez Jordan koh ꞌon yan whéya whutꞌenne cha, tsꞌiyawh ꞌet huldlai kꞌet ꞌaw ꞌuzdooniꞌ ꞌaitꞌoh. ꞋEt ꞌultsukne ꞌilhunaoosdil ꞌenne tsꞌiyawh hiyuntizdil.

Mark 4:1

Bunghun Galilee huwhútni-un, ꞌet doo cha za ꞌilhozdilne Jesus higha óozdil ꞌinkꞌez hubodulhꞌeh. ꞋIlhozdilne huldlai kꞌet tsꞌi bet tlꞌa didaꞌ. Nusle dodikelh whe ꞌet whutsꞌun ꞌilhozdilne taba nódilhyane hubodulhꞌeh.

Luke 5:3

ꞋInkꞌez ꞌilhoghi tsꞌi bénya. ꞋI Simon ootsꞌi ꞌuntꞌoh. ꞋInkꞌez ꞌuyulhni, “Nusyaz le ꞌinleh.” ꞋInkꞌez ꞌet tsꞌi bet natlꞌa didaꞌ ꞌinkꞌez dunene whubodulhꞌeh.