Matthew 13:19 - Yak'usda Ooghuni

¹⁹ Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 13:19 Iomraidhean Croise

Matthew 12:26

Satan didutchꞌoh dune tsꞌu ha nainuyukw de, didutchꞌoh lhchꞌaz ditni whe ꞌuntꞌoh. Ntsꞌenꞌa suba whulerwe unli-un, ꞌilhiz ꞌuwhutatꞌelh?

Matthew 13:20

Tse toh ꞌanilya-i, khuni hiditsꞌo te, ꞌinkꞌez ꞌaho huhóontꞌiꞌ whe huyilhchuk.

Matthew 13:38

Ha niyeh kꞌet, ꞌi yun kꞌut ꞌuhoontꞌoh. Mai unzoo-i, ꞌi yakꞌuz whulerwe buzkehne, nuhíntꞌoh. ꞋEt hoontsꞌi ꞌutꞌantsiꞌ, ꞌi ntsiꞌ-un buzkeh nuhíntꞌoh.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 5:37

ꞋEt kꞌus ndiz unꞌa njan dúdoohtni, ꞌet ꞌawet ‘A,’ dahni, ‘A,’ ꞌuntꞌoh. ꞋInkꞌez ‘ꞋAwúndooh,’ dahni de cha, ‘ꞋAwúndooh,’ ꞌuhoontꞌoh. ꞋEt ꞌutsꞌun unꞌa ꞌudahni de, ꞌet ntsiꞌ-un tsꞌu ha dutídoh whe ꞌuntꞌoh.”

Mark 4:15

Whuloh te Yakꞌusda ooghuni ti nanúkat, ꞌi hiditsꞌo te, ꞌet ꞌahoh Satan khuni budzi yonedinkai bughu yílhchuk.

Luke 10:9

ꞋEt mbe la ꞌet yoh ndudane cha soo naꞌboohle ꞌinkꞌez ꞌubudóhniꞌ, ‘Yakꞌusda lerwe unli-un, ꞌawet nohenghoh ꞌuhoontꞌoh.’

Luke 9:2

Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

John 18:38

ꞋEt Pilate uyúlhni, “Di la ꞌuntꞌoh khuni ꞌalhaꞌ ꞌuntꞌoh-i?” ꞋEt ndúdija hukwꞌelhꞌaz doo cha za Lizwifne ꞌaz butsꞌun tenanja ꞌinkꞌez ꞌubulhni, “ꞋAw whe nínta ꞌuntꞌen-un ooghu nahósꞌalh-un hooloh!

John 8:43

Di ha nohbulh yasduk-un, ꞌaw tꞌewhunuzáhzun. Daja nohdusni-un ꞌaw sudóhtsꞌo hukwa lheꞌnáhzun ꞌet huwa.

Acts 17:32

ꞋEt Paul hidántsꞌo ndun dune dunadija yughu yalhduk whe whulohne highudloh, ꞌinkꞌez whulohne ꞌuhutni, “Doo cha za njan huwun nebulh yaóolhduk hukwa ꞌuzninzun,” huyúlhni.

Acts 18:15

ꞋEt hoontsꞌi ndi ꞌi ooghu lhdulhyoh ꞌuzdooniꞌ-i unli khuni ꞌinkꞌez oozi cha ꞌinkꞌez be néba nahisda-i nohnichꞌoh lhanaóodahleh. ꞋAw si huwun nahátisyeh-un hukwa lheꞌnúszun.”

Acts 20:25

Soo tsꞌiyawh nohtoh nusúsya Yakꞌusda dune kꞌúneꞌ bulꞌen-un huwun nohbulh yásduk. ꞋEt ꞌawet tꞌéoonúszun ꞌaw doo cha za nasoohtꞌen ꞌaítꞌoh.

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Romans 1:28

ꞋInkꞌez ꞌaw Yakꞌusda ghun nuní hunoozut hukwa lheꞌhunízun. ꞋEt huwa Yakꞌusda bula ditni. Bubeni ntsiꞌ súliꞌ. Ntsꞌoh la néꞌhutꞌen-un, ꞌaw ꞌet ndoohóotꞌen huba lheꞌhítꞌoh.

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

Romans 2:8

ꞋEt hoontsꞌi mbene la dune kꞌúwhulhꞌaine didutchꞌoh za dukꞌoh tsꞌe neꞌhutitꞌen hukwaꞌ huninzun. ꞋInkꞌez khuni ꞌalhaꞌ ꞌuntꞌoh-i, ꞌi kꞌunulhéꞌhustꞌen, tankꞌus za ꞌuhitꞌelh. Ndunne Yakꞌusda tube huske whe buba nahutiyeh.

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

2 Thessalonians 2:12

ꞋEt ndunne khuni ꞌalhaꞌ ꞌuntꞌoh-i, ooba ꞌalhaꞌ lheꞌyitꞌohne, ꞌet nduntꞌohne, ꞌenne ndet tsꞌihꞌun lheꞌhóotꞌoh-un, ꞌoh ho za ꞌet huhoontꞌiꞌ whe ꞌoh te neꞌhutꞌen, ꞌenne tsꞌiyawh Yakꞌusda buba nahutiyeh.

Hebrews 2:1

ꞋEt huwa Yakꞌusda ooghuni ndet whulh ꞌúzdantsꞌo-un, ꞌet soo tsꞌihꞌun unꞌa tsꞌuhotun ꞌinkꞌez nedzi yo netsꞌú hoꞌalh doo ka la ookwꞌúneꞌ tsꞌutꞌen-un whulazdootni.

1 John 3:12

Ndun Cain ꞌen kꞌunꞌa iloh. ꞋEn ndun ntsiꞌ-un uniyalh-un inleꞌ ꞌinkꞌez dudulhutsin yuzilhghi. Ndet hukwa yinla yuzilhghi? Be ꞌutꞌen untsiꞌ ꞌinkꞌez bulhutsin ꞌen tsꞌihꞌun neꞌutꞌen, ꞌet hukwaꞌ yinla.

1 John 5:18

Mbe Yakꞌusda yé ulhtus-i gha whuzdli-un, ꞌaw lubeshi lheꞌulhꞌen, ꞌet tꞌetsꞌoninzun. ꞋEt hoontsꞌi mbe la Yakꞌusda yé ulhtus-i gha whuzdli-un didutchꞌoh khudli whe ꞌuntꞌoh, ꞌinkꞌez ntsiꞌ-un ꞌaw yutꞌaóonalh ꞌaitꞌoh.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.