Matthew 13:15 - Yak'usda Ooghuni

¹⁵ Ndunne dune budzi bubaꞌ hoontꞌoh suliꞌne ꞌet huwa, ꞌinkꞌez ꞌaw hoonli hodótsꞌo-un hooloh, duna cha hinilhtsul, doo ka si hoohooꞌen ooleꞌ whuchꞌa. ꞋInkꞌez ooka si huwu dotsꞌo ꞌet whuchꞌa. Doo ka si dudzi be tꞌehonoozeh, ꞌinkꞌez nahundunoodulh. ꞋInkꞌez daꞌ Yakꞌusda uboolhyih,’ ni Isaiah.

Matthew 13:15 Iomraidhean Croise

Mark 4:12

ꞋEt whe la: ‘Hohonilhꞌen hoontsꞌi la ꞌaw lhuhuhoos̱ꞌen ooleꞌ. ꞋUhuditsꞌo ꞌet hoontsꞌi ꞌaw tꞌehahonoosze ꞌaitꞌoh. Bubeni taóodiltsꞌut ꞌinkꞌez Yakꞌusda tsꞌu náhulhꞌa de, bulubeshi buba ꞌún yutilhdulh.’”

Luke 19:42

ꞋInkꞌez ꞌet ndutni, “Nohni Jerusalem whutꞌenne, ꞌandit dzinuncha tꞌeoonahzun nohdzin ꞌuhoontꞌoh. ꞋEt huwa daꞌ tꞌeoonóhzin ntsꞌenꞌa whe nohba whudutághel-un. ꞋEt ꞌandit nohna chꞌa whuntistꞌi.

Acts 28:27

Ndunne dune budzi dútsꞌo, dudzeh cha whudáꞌhudinla, ꞌinkꞌez hunílhtsꞌul cha ꞌuhintꞌoh. ꞋEt njan ꞌaw ndulhúhitꞌoh de soo daꞌ huhooꞌen, ꞌinkꞌez ꞌuhudótsꞌo, ꞌinkꞌez bubeni cha daꞌ tꞌéoonoozeh óoleꞌ. ꞋEt de daꞌ stsꞌun náhalhya ꞌinkꞌez daꞌ soo náꞌboosdleh, ni Yakꞌusda.’”

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

Acts 7:57

ꞋEt soo ꞌuhultus whe ꞌuhúldzul ꞌinkꞌez dudzeh whuduhúdilni ꞌinkꞌez tsꞌiyawh ꞌalhgoh huyúlh tilhtsut

2 Timothy 4:4

ꞋInkꞌez khuni ꞌalhaꞌ ꞌuntꞌoh-i, ꞌi ꞌaw hidótsꞌo hukwa lheꞌhuntiszil. ꞋEt kꞌus khuni ꞌantsꞌi unli-i, ꞌohwhi za hika ꞌuntizilh.

Hebrews 5:11

ꞋEt lhat-un nohuzdutánelh ꞌet hoontsꞌi nedutáhtsꞌo nohba ꞌantsꞌi hoonli. ꞋEt huwa neba howa whúlnaꞌ whe ndi khuni tsꞌihꞌun unꞌa tꞌewhunoohzeh kꞌunꞌa nohtsꞌutni.

Revelation 22:2

Ti soo whuniz ꞌoh whúya lhusúli. ꞋUkoh lhchꞌaz tsꞌe taba ꞌet duchun oogha tsꞌukhuna-i nánudizꞌa. ꞋI whunizyai ꞌon ꞌat nanki oomaiꞌ yinli. ꞋIlho duchun ꞌi sanun totsuk oomaiꞌ whulhih. ꞋInkꞌez duchun ootꞌan ꞌi lhelhdun yun kꞌut whutꞌenne huye naóojeh ha ꞌuntꞌoh.