Matthew 13:12 - Yak'usda Ooghuni

¹² Mbe la eꞌutiꞌ-un, ꞌon nus lhat oogha whútiltsꞌulh. ꞋInkꞌez mbe hoonli lhitiꞌ-un, ꞌi hoontsꞌi bughu nayitálchulh.

Matthew 13:12 Iomraidhean Croise

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 25:29

ꞋEt mbe la yuloh za ꞌutꞌi-un, ꞌen ꞌon nus lhai oogha tíltsꞌulh ꞌinkꞌez ꞌonus lhai titꞌelh. ꞋEt hoontsꞌi mbe la ntsool-iyaz ꞌutꞌi-un, ꞌi hoontsꞌi ooghu nayitálchulh.

Mark 12:9

ꞋEt Jesus uboodulhkut, “Daóoneh suba mai kꞌet whulhꞌaí-un? Whusanája, ꞌinkꞌez la ndunne tsꞌiyawh hubooghan, ꞌinkꞌez mai kꞌet ꞌuyoonne ghu hólhꞌaꞌ.

Luke 10:42

ꞋEt hoontsꞌi ꞌaw ꞌilhoghun ndutsꞌooneh-un ꞌuhoontꞌoh. Mary ꞌukꞌenus hoonzoo-un ꞌutahahónꞌai whe ꞌuhoontꞌoh ꞌinkꞌez ꞌaw oola kꞌéha hooltsꞌit ꞌaitꞌoh.”

Luke 12:48

ꞋEt hoontsꞌi mbe tꞌeoonúszun dumoodih ndet la yutsꞌu hukwaꞌ ninzun-un, ꞌinkꞌez dude ꞌutꞌen kꞌoh huwa ootaltsus huba, dzoh tsulyaz za ootaltsus. ꞋEt mbe la dune lhai oogha ntꞌai-un, ꞌen lhat-un yutsꞌu hukwaꞌ ntizilh. ꞋInkꞌez mbe la lhat-un ootlꞌa hoolya, ꞌon nus lhat-un yutsꞌu hukwaꞌ untizilh.”

Luke 16:2

ꞋInka ꞌanih yudaniꞌ ꞌinkꞌez ꞌuyulhni, ‘Daja hutni wheꞌ hutni njan nyulh udustsꞌo? Ntsꞌenꞌa syoh whumoodih inli-un tsꞌiyawh sba ꞌukꞌehóonges. Syoh whumoodih inli-un ꞌetsul ꞌinja ꞌet huwa!’

Luke 16:25

ꞋEt hoontsꞌi Abraham ꞌuyulhni, ‘Syeꞌ yinka sinda daꞌ whunailnih eh? Tsꞌiyaitsuk unzoo-i nghánkat. ꞋEt hoontsꞌi Lazarus hoontsiꞌ-un za oogha whunkat. ꞋEt ꞌawet hoonzoo-un ooghá whultsꞌut, ꞌinkꞌez nyun ꞌandit dzoh ninzut.

Luke 8:18

ꞋInka howahli ntsꞌenꞌa la khuni dutáhtsꞌo. Hoontsool-unyaz tꞌehonínzunne, ꞌon nus lhat-un tꞌe honínzun-un, ꞌet bugha whútaltsꞌulh. ꞋInkꞌez mbene la hoonli tꞌewhunúszunne, hoontsool-unyaz hoditsꞌo, ndai la ꞌaw ꞌi huyutꞌi-i huninzun, ꞌi hoontsꞌi bughu nayitálchulh.”

Luke 9:26

ꞋEt mbene la dune si cha ꞌinkꞌez sghuni cha yukayá unli-un, ꞌet de Yinka Dune Yeꞌ, ntsꞌo de dichꞌoh ye diztiꞌ-i cha, ooBá ye diztiꞌ-i cha, ꞌinkꞌez Yakꞌusda oolizas hiye diztiꞌ-i cha, whuz unꞌa whusanaja de, ꞌoh de bukayátileh.

James 4:6

ꞋEt Yakꞌusda lhanꞌun ye unzoo-i negha íninꞌai, ꞌinka ooghuni njan ndutni, “Mbene la ꞌududíltiꞌne, ꞌenne Yakꞌusda budulhyoh ꞌuntꞌoh. ꞋEt hoontsꞌi yo údudildzunne, ꞌenne ye unzoo-i bugha yúꞌaih whe ꞌuntꞌoh.”

Revelation 2:5

ꞋEt whunaoolhnih ndet nálhtsꞌut-un. Lhtꞌananahdaih ꞌinkꞌez ꞌudechoo nohꞌeꞌ utꞌen-i nalhchoot. ꞋAw lhtꞌanalhníhdil de, khuntsul nohtsꞌun tísyalh ꞌinkꞌez nyoo nohbe hóotꞌen-i nohghu naitáschulh.