Matthew 13:11 - Yak'usda Ooghuni

¹¹ ꞋEt ndúbulhni, “Yakꞌuz be kꞌúneꞌ whulꞌen-un be whe hoontꞌoh hooyoh-i, daja ni-un, nohni nohghá whuntꞌai. ꞋOnghohne ꞌaw bugha lhúhooltsꞌulh.

Matthew 13:11 Iomraidhean Croise

Matthew 13:10

ꞋEt yugha hodulꞌehne highu nindil, ꞌinkꞌez ꞌuhuyúlhni, “Di ha ndi khuni be whutsꞌodulꞌeh-i be za bubulh yaílhduk?”

Matthew 16:17

Jesus ꞌuyulhni, “Simon Jonah ooyeꞌ, ꞌukꞌenus hoonzoo-un nghá whultsꞌut! ꞋAw ndi yun kꞌut dune iloh nyunalhtsꞌet ha húhonꞌai. ꞋUBá yakꞌuz usda-un, nyunalhtsꞌet ha honꞌai.

Matthew 19:11

ꞋEt ndúbulhni, “Ndi khuni, ꞌaw tsꞌiyanne yólhchoot ꞌaitꞌoh. Mbe la ooghá whuntꞌaine, ꞌaw ꞌenne za bubaꞌ hoontꞌoh.

Matthew 20:23

ꞋEt ndúbulhni, “ꞋAlhaꞌ slubot beꞌ tihtnelh, ꞌinkꞌez be too be úzya-i, ꞌi be too beꞌ tilhnelh. ꞋEt ꞌaw doosniꞌ ꞌaitꞌoh mbe nailhni tsꞌe stsꞌunkꞌus tidalh ꞌinkꞌez mbe ꞌintlꞌus tsꞌe stsꞌunkꞌus tidalh. ꞋUBá buba lhaóodinlane, ꞌaw ꞌenne za bubaꞌ hoontꞌoh.”

Mark 10:40

ꞋEt hoontsꞌi nailhni tsꞌe sghu tidalh, ꞌinkꞌez ꞌintlꞌus tsꞌe sghu tidalh, ꞌaw si huwá hosꞌalh ꞌaitꞌoh, buba lhawhúdulyane bubaꞌ hoontꞌoh.”

Mark 4:11

Jesus ndúbulhni, “Nohni Yakꞌusda ookeyoh huwu ni wheꞌ hootꞌoh hooyoh-un tꞌeoonohzin hubaꞌ hoontꞌoh. Mbene la yoo ꞌaz ꞌuntꞌohne khuni nawhutnuk-i gha hohodulꞌeh.

Luke 8:10

ꞋEt ubúlhni, “Ndi buba wheꞌ hoontꞌoh hooyoh-un Yakꞌusda lerwe unli-i, ꞌi ghun, tꞌeoonoohzeh ha ꞌudaꞌ nohtlꞌa hóoltsꞌut. ꞋEt hoontsꞌi ꞌonghohne be whutsꞌodulꞌeh-i whuz unꞌa za bubulh yasduk. Doo ka la, ‘Honalhꞌen ꞌet hoontsꞌi ꞌaw lhuhuhoos̱ꞌen. ꞋEt hoditsꞌo ꞌet hoontsꞌi ꞌaw tꞌehonuszun daja ni.’”

John 6:65

ꞋEt Jesus ꞌutni, “ꞋInka ꞌunohdúsni, mbene la sBá bugha óoninꞌaine, ꞌenne za stsꞌun hutídulh wheꞌ hintꞌoh,” ubúlhni.

John 7:17

Mbene la Yakꞌusda yukꞌúneꞌtitꞌen hukwaꞌ ninzunne, ꞌenne la tꞌehonózin, ndi khuni Yakꞌusda ootsꞌu ha idiltsꞌut-i ꞌuntꞌoh, kꞌus sichꞌoh sghuni be tilah yasduk, ꞌet la tꞌehonózin.

Acts 16:14

ꞋIlhoghun tsꞌeke, Thyatira whutꞌen-un Lydia huyúlhni, ꞌen cha nedántsꞌo. ꞋEn naih dulkꞌun diztiꞌ be ꞌóoket-un unli, ꞌinkꞌez ꞌahoolhyiz Yakꞌusda tsꞌun teniꞌ nilhdzun. ꞋEt huwa neMoodihti Paul Yakꞌusda ooghuni ye yálhduk-i soo cho yoozólhtsꞌai ꞌinkꞌez beni taóodoltsꞌit yulhtsi.

Romans 11:25

Sulhutsinke njan wheꞌ hoontꞌoh ooyoh-un, ꞌet tꞌewhuntihzeh nohba hukwaꞌ nuszun, doo ka la tsꞌiyantsuk tꞌetsꞌonínzun naꞌdudólhꞌeꞌ. Njan ꞌet dúhoontꞌoh, ꞌet whulohne Lizwifne budzi dutsꞌun hutileh, ndet la ꞌudun yun kꞌut whutꞌenne whudizulh-un, ꞌenne buba ꞌetsul ꞌuwhutánelh ꞌet whutsꞌun.

Romans 16:25

Yakꞌusda uzdólhtiꞌ. ꞋEn ꞌuntꞌoh ye ulhtus-i utꞌi Jesus Christ ooba ulhtusne nohoolhtselh ha. Ntsꞌenꞌa la nohdásniꞌ whuz unꞌa ꞌutihnelh, ndet la whunohdusꞌeh Jesus Christ ooghuni unzoo-i ghun. ꞋUdaꞌ ꞌaw dune ndi khuni unzoo-i highu tꞌehonúszun. ꞋOh daꞌ Yakꞌusda ndi yun kꞌut ꞌuyinla, ꞌet whutsꞌun njan wheꞌ hoontꞌoh hooyoh-un buchꞌa nónutꞌiꞌ inleꞌ.

1 Corinthians 13:2

ꞋEt dune ba nus hoosꞌen de, ꞌinkꞌez buba whéꞌ hoontꞌoh hooyoh-un tsꞌiyawh tꞌeóonúszun de, ꞌinkꞌez khuni be tꞌeóonudzun-i ꞌet cha tꞌeooniszin de, ꞌinkꞌez tsꞌiyawh be ꞌalha ꞌuhoontꞌoh-i ꞌustꞌi de whe dzulh hoontsꞌi ꞌudun netísꞌalh de, whuz unꞌa ꞌet hoontsꞌi be nékꞌetsꞌinsiꞌ-i lhústꞌih de, ꞌet de ꞌaw hoonli lhúsloh.

1 Corinthians 15:51

ꞋEt soo zúlhtsꞌai. Ba whéꞌ hoontꞌoh hooyoh-i, ꞌi ghun nohbulh yátisduk. Whulohne ꞌaw ꞌilhiz nalhtsꞌuntistus, ꞌet hoontsꞌi tsꞌiyawh lhelhtsꞌun unꞌa naꞌuztitnelh.

1 Corinthians 2:14

ꞋEt hoontsꞌi mbe la Ndoni lhitꞌih-un, ndai la Yakꞌusda ooyughi ootsꞌu ha dultsꞌit-i, ꞌi ꞌaw lheyulhchoot, whusni be hoonli kꞌunꞌa oobaꞌ yintꞌoh ꞌet huwa. Soo Ndoni ꞌen gha za tꞌehontizeh, ꞌet huwa Ndoni daja ni ꞌaw tꞌeoonoozeh ꞌaitꞌoh.

1 Corinthians 2:7

ꞋEt kꞌus Yakꞌusda ye whunih-i, ꞌi be yatsꞌulhduk. Ndi neghuni buba wheꞌ hoontꞌoh hooyoh-un ꞌinkꞌez nunutꞌiꞌ bulh ꞌuntꞌoh. Yakꞌusda ndi yun itilelh whutso ꞌet whuz unꞌa lhaoodinla. ꞋI neba diztiꞌ whe ꞌuntꞌoh.

1 Corinthians 4:1

ꞋAwet dune ꞌet ndiz unꞌa neghu nuni noozut, ꞌantsꞌi Christ laꞌ ꞌutꞌenne ꞌutsꞌintꞌoh, ꞌinkꞌez Yakꞌusda ghun buba wheꞌ hoontꞌoh hooyoh-un, ꞌet whunohtsꞌunoolhtun ha netlꞌa honꞌai.

1 Corinthians 4:7

Mbe ꞌunohinla ꞌuyoon dulhulhtꞌoh nohulhtsi? Gak! Di ꞌintꞌi ndai la nghá lhikulh-i? Gak! ꞋEt hoonli ngha ninkat de, ꞌet di ha howindloh whe ꞌaw hoonli sgha lhikulh dutanelh?

Ephesians 1:18

ꞋEt noheni be whunulꞌen kꞌunꞌa ꞌon nus hoohꞌen whe soo tsꞌihꞌun unꞌa lhat-un whuntilhꞌelh. ꞋEt whuz unꞌa njan uzdoojih ha nekaꞌ daniꞌ-un negha óoninꞌai, ꞌet hukwa itohꞌen, ꞌet tꞌewhuntihzeh. ꞋInkꞌez Yakꞌusda oochꞌeꞌne bulh ndi yutꞌi-i netsꞌú whutikulh-un tsꞌuwhutꞌi, dáwhuldzooꞌ wheꞌ hoontꞌoh, ꞌet tꞌewhuntihzeh.

Ephesians 1:9

Ndet la Yakꞌusda didutchꞌoh hukwaꞌ ninzun-i, neba wheꞌ hoontꞌoh hooyoh-un, ꞌet cha whunénilhtan. Dichꞌoh dudeni lhadínla, ꞌet whe hoontꞌiꞌ, ꞌet whuz unꞌa ꞌuhóoja.

Ephesians 5:32

Ndi buba wheꞌ hoontꞌoh hooyoh-un, ꞌet hooncha wheꞌ hoontꞌoh. ꞋEt daja dusni wheꞌ dusni, mbe la Christ tsꞌutni-un ꞌinkꞌez Yakꞌusda ba ꞌilhunaoodulhne, ꞌenne ꞌudúsni.

Ephesians 6:19

ꞋInkꞌez si cha sba tenadahdli. ꞋI be khuni unzoo-i sgha tíkulh ꞌinkꞌez ꞌaw whelhusaz whe yatisduk. ꞋEt whe la be wheꞌ hoontꞌoh hooyoh-i, ꞌi ghun ꞌonghohne daja ni-un, ꞌet tsꞌiyawh whubuntistun.

Colossians 2:2

ꞋEt budzi do naꞌootneh ꞌinkꞌez be lhkꞌetsꞌusiꞌ-i be ꞌilho nahoodleꞌ. ꞋEt whuz unꞌa ndi Yakꞌusda be wheꞌ hoontꞌoh hooyoh-un, daltsuk ꞌuzooꞌ-i, ꞌi beꞌ hoontꞌoh, ꞌi tsꞌiyawh soo tsꞌihꞌun unꞌa tꞌewhuntiszeh. NeBá ꞌinkꞌez Christ cha, ꞌenne bughun ꞌuhoontꞌoh.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

1 Timothy 3:9

ꞋEt wheꞌ hoontꞌoh hooyoh-un, be neba ꞌalhaꞌ whutatꞌelh ꞌi bulh, buyo tsꞌe oogha tꞌetsꞌoninzun-i, soo ootsun hooloh ꞌet ha hotun.

James 1:5

ꞋEt nohni whulohne Yakꞌusda be whútnih-i ꞌaw lhahtꞌih de, ꞌet de Yakꞌusda hika huyoodolhkut. ꞋEt de ye dánzoo whe bugha ítaꞌalh. ꞋInkꞌez ꞌaw yooya uboolhtselh ꞌaitꞌoh.

1 John 2:20

ꞋEt hoontsꞌi ndun Christ lubeshi ooghu hooloh-un, ꞌen Ndoni nohyídanꞌai ꞌinkꞌez tsꞌiyaintsuk tꞌeoonáhzun.

1 John 2:27

ꞋInkꞌez Ndoni neBá nohyeídanꞌai-i, ꞌilhiz nohbulh ꞌúntꞌoh, ꞌinkꞌez ꞌuyoonne dune ꞌaw ꞌon ꞌun whunohodoolhꞌeh huba lheꞌhóotꞌoh. ꞋEt kꞌus ndi nohyudíltsꞌut-i tsꞌiyantsuk whunohdulhꞌeh ꞌinkꞌez tsꞌihꞌun ꞌuntꞌoh, ꞌaw whutsꞌit-i iloh ꞌuntꞌoh. ꞋEt soo ntsꞌenꞌa la whunohdalhꞌeꞌ, whuz unꞌa za bulh óohtꞌeꞌ.