Matthew 12:7 - Yak'usda Ooghuni

⁷ ꞋEt ꞌukꞌu whusguz ndutni, ‘ꞋUyoonne gha teꞌntihzilh nohtsꞌo hukwaꞌ nuszun. Ndai loodel kꞌut hidutalhkꞌun-i, ꞌi ooka lheꞌnuszun,’ ni. ꞋEt ndi njan ndutni-un, ꞌet tꞌeoonahzun de, ꞌet de mbe la ookwꞌelhúwhulhtsꞌitne, ꞌenne ꞌaw bukꞌehohꞌalh hukwa ꞌahtꞌen iloh!

Matthew 12:7 Iomraidhean Croise

Matthew 22:29

ꞋEt Jesus ndúbulhni, “Naꞌnihtꞌah! ꞋAw Yakꞌusda ooghuni tꞌenuzahzun. Ye ulhtus-i cha ꞌaw tꞌenuzahzun.

Matthew 9:13

ꞋEt hoontsꞌi ꞌahdulh ꞌinkꞌez hodulhꞌeh daja ni whe ꞌutni, ‘ꞋUyoonne gha teꞌntihzilh ꞌet nohtsꞌo hukwaꞌ nuszun. Loodel kꞌut hidutalhkꞌun-i, ꞌi ooka lheꞌnúszun.’ ꞋAw tsꞌihꞌun ꞌuntꞌohne, ꞌenne iloh bubeni naháhundunooleh huba whusásya. Lubeshi ꞌulhꞌenne, dulubeshi chꞌaz bubeni naháhundunooleh ubudutásnilh ha whusásya.”

Mark 12:33

ꞋInkꞌez dune dudzi ndulcho ꞌi be Yakꞌusda kꞌeoosiꞌ, dudeni tsꞌiyawh be cha, duzul be cha, oonutꞌi tsꞌiyawh whe cha ꞌinkꞌez dichꞌoh kꞌenatsiꞌ whuz unꞌa dulh dunene bukꞌeoosiꞌ. ꞋEt ꞌukꞌenus neba hooncha nanki khuni higha néꞌulhꞌa-i ookꞌúneꞌ tsꞌootꞌen. Khuna-i ꞌinkꞌez ꞌuyoo hoonliyaz loodel kꞌut Yakꞌusda gha dizkꞌun, ꞌi ba nus whudíztiꞌ.”

Acts 13:27

Jerusalem ꞌet whutꞌine ꞌinkꞌez bumoodih unline cha ꞌaw tꞌéhinúszun neulhyis-un ꞌúntꞌoh. Lizwif nahulyis-un dzin totsuk ndi Yakꞌusda be nus hooꞌenne ꞌukꞌu nuháyuzguz-i ookꞌu yaduk ꞌet hoontsꞌi ꞌaw bubeni tálhodulhtsꞌit. Jesus datítsah tsꞌe beꞌ hininya, ꞌet huwa Yakꞌusda be nus hooꞌenne bughuni ꞌalhaꞌ ꞌuntꞌoh huyulhtsi.

James 5:6

Mbene tsꞌihꞌun unꞌa ꞌutꞌenne, ꞌenne nohni bukꞌé whahꞌai, ꞌinkꞌez ꞌet whe ubahghan, ꞌet hoontsꞌi ꞌaw kꞌúlhonidzun, nohnichꞌoh hukwaꞌ nahzun huwa ꞌáhtꞌen.