Matthew 12:46 - Yak'usda Ooghuni

⁴⁶ Jesus ꞌawhuz ꞌilhunaoosdilne bubulh yalhduk whe ooloo ꞌinkꞌez bulhutsinke te, ꞌaz nódilhya hiyulh yatilhduk hukwaꞌ huninzun.

Matthew 12:46 Iomraidhean Croise

Matthew 1:18

ꞋEt Jesus Christ whuzdli-un, ndiz unꞌa ꞌuhooja. Ooloo Mary ꞌen Joseph yughu tidalh ha lhahódinla, yughu tidalh whutso whe ꞌet nahoonꞌai ꞌudaꞌ tsꞌoodun ba ꞌuntꞌoh. Ndoni, be ꞌuja.

Matthew 12:47

ꞋEt ꞌilhoghun dune yulhni, “Nilhꞌen! Nloo ꞌinkꞌez nyulhutsinke ꞌaz nódilhya nyulh yahutilhduk hukwaꞌ huninzun!”

Matthew 13:55

ꞋAlhaꞌ iloh lakw yoh ꞌuwhulhꞌen-un, ooyeꞌ ꞌuntꞌoh? ꞋInkꞌez ooloo Mary? Bulhutsinke iloh lakw James, Joses, Simon, ꞌinkꞌez Judas?

Matthew 2:11

ꞋEt yoh dahunindil whe tsꞌoodun hitilhꞌen. Ooloo Mary ꞌen bulh. Hibut nachánilya ꞌinkꞌez hitsꞌun teniꞌ nalhdzun. Huye ꞌúzdla-i hidah lhchꞌaz hiyilhchoot hiyé ha háyanla-i ꞌinkꞌez hitsꞌu hítilhdil. Gold, yoo sooltsun-i frankencense huyulhni, ꞌinkꞌez yoo Myrrh huyulhni ꞌi cha, ꞌi hitsꞌu hítilhdil.

Matthew 2:20

ꞋEt ndúyulhni, “Dudinyaih! Tsꞌoodun duloo bulh nabilhchoot. Israel tsꞌe nahdulh, tsꞌoodun yukúniztaine hituzilhghelh ha, yahadla.”

Mark 2:21

“ꞋAw ꞌilhoghun naih ꞌandidi-i naih jut be naoolhkut ꞌaitꞌoh. ꞋEt ndúja de, naih ꞌandidi-i be nalhkut-i, naih jut nalhkut-i bulh ha naitichꞌulh ꞌinkꞌez ꞌon nus hoontsiꞌ tileh.

Mark 6:3

Yoh ꞌuwhulhꞌen-un, ꞌen iloh lakw ꞌuntꞌoh? Mary ooyeꞌ bulhutsinke James, Joses, Judas, Simon, ꞌinkꞌez bulhtuske cha iloh njan huwhutꞌi?” ꞋInkꞌez buba dzoh suliꞌ.

Luke 1:43

Di ha suba sgha whultsꞌut sMoodihti ooloo ꞌen sghu ninya?

Luke 2:33

ꞋInkꞌez yughu yatilhduk-un ꞌet huwa Joseph ꞌinkꞌez tsꞌoodun ooloo bulh buba hooncha.

Luke 2:34

ꞋEt Simeon Yakꞌusda tsꞌu hukwaꞌ daniꞌ butsꞌun óozooꞌ ha. ꞋInkꞌez ooloo Mary ꞌen njan ndi yulhni, “Ndet huba ndun tsꞌoodun Yakꞌusda ꞌen buba ꞌutahayálhti-un ꞌuntꞌoh, ꞌet nyudutasnelh. Israel ootsꞌu hainzutne, ꞌen gha lhane nahutikulh ꞌinkꞌez lhane dunahudutádulh. ꞋInkꞌez highu tꞌeooninzun ꞌet hoontsꞌi hichꞌaz yatilhduk.

Luke 2:48

Oodusneke ꞌutꞌen-un ꞌet usda whe hitilhꞌen whe buba hooncha. ꞋEt ooloo uyúlhni, “Neyeꞌ di ha whuz unꞌa nuneꞌilhꞌen? Mbá ꞌinkꞌez si tube nghu ni ídli whe nkúnita.”

Luke 2:51

ꞋInkꞌez bubulh whenátꞌaz. Nazareth tsꞌe whenáhidil ꞌinkꞌez butlꞌaꞌ dudilti. ꞋEt hoontsꞌi ooloo ndet ꞌuwhulhni-un, dudzi yo danla.

Luke 8:10

ꞋEt ubúlhni, “Ndi buba wheꞌ hoontꞌoh hooyoh-un Yakꞌusda lerwe unli-i, ꞌi ghun, tꞌeoonoohzeh ha ꞌudaꞌ nohtlꞌa hóoltsꞌut. ꞋEt hoontsꞌi ꞌonghohne be whutsꞌodulꞌeh-i whuz unꞌa za bubulh yasduk. Doo ka la, ‘Honalhꞌen ꞌet hoontsꞌi ꞌaw lhuhuhoos̱ꞌen. ꞋEt hoditsꞌo ꞌet hoontsꞌi ꞌaw tꞌehonuszun daja ni.’”

John 19:25

ꞋEt Jesus ootulalhgus soo be nghoh ꞌet ooloo usyin. Ooloo bulhtus cha, ꞌinkꞌez Mary Clopas ooꞌat cha, ꞌinkꞌez Mary Magdala whutꞌen cha.

John 2:1

ꞋEt whulh tat dzin whe Galilee yun kꞌut ꞌet ꞌilhoghun keyoh Cana huwhútni, ꞌet keyoh ꞌet la lhghuskene ba honílhni. ꞋEt Jesus ooloo ꞌen cha ꞌet usda.

John 2:12

Hukwꞌelhꞌaz Jesus keyoh Capernaum huwhutni tsꞌe whinya. Ooloo, bulhutsinke, ꞌinkꞌez yugha hodulꞌehne cha, ꞌaw saꞌ iloh ꞌet hudáltsꞌiꞌ.

John 2:5

ꞋEt ooloo ndunne ꞌustlénne ubúlhni, “Daja nohbulhni la ꞌoh te neꞌóohtꞌen.”

John 7:10

Bulhutsinke dzenis whuti tsꞌe whehandil hukwꞌelhꞌaz, Jesus didutchꞌoh cha whuꞌiz ꞌet whuz whinya, ꞌaw dunene bunalh iloh.

John 7:3

ꞋEt bulhutsinke khuni beꞌ huyulhni, “Njan huwinyalh ꞌinkꞌez Judea yun kꞌut tsꞌe inyalh, ꞌet de la ngha hodulꞌehne ndai ꞌutꞌen oogha ína-un honoolhꞌen.

John 7:5

Bulhutsinke ꞌenne hoontsꞌi ꞌaw ndun Christ ꞌen ꞌuntꞌoh ꞌaw buba ꞌalhaꞌ lheꞌhóotꞌoh, ꞌinka ꞌoh te néꞌhiduniꞌ.

Acts 1:14

ꞋAhoolhyiz ꞌilhuhodulh tenahudutidli hukwa. Tsꞌekoo bulh cha, Jesus bulhutsinke, ꞌinkꞌez Mary ooloo cha, tsꞌiyawh tenahududli.

1 Corinthians 9:5

ꞋInkꞌez wheni cha eh nebaꞌ hoonla whe neulhtuske butsꞌutni hukwaꞌ ꞌuzninzun de, ꞌenne hoontsꞌi bughu tsꞌoodaꞌ hubaꞌ hoontꞌoh? ꞋEt ꞌonghunne whelꞌaꞌne cha, neMoodihti bulhutsinke, ꞌinkꞌez Cephas cha, ꞌenne cha buꞌat hoonli. ꞋEt ꞌenne bukꞌunꞌa ꞌutsꞌootꞌeꞌ ha eh ꞌuneinla?

Galatians 1:19

ꞋEt ꞌonghohne whelꞌaꞌne, ꞌenne ꞌaw lhubusꞌel. NeMoodihti bulhutsin James, ꞌen za ꞌusꞌen.