Matthew 12:45 - Yak'usda Ooghuni

⁴⁵ ꞋEt ꞌutsꞌun whedande ꞌinkꞌez lhtakꞌantꞌine ntsiꞌ-i nududeh-i, ꞌenne yanus ꞌultsiꞌne, dune hiyéndil ꞌinkꞌez ꞌet nehunina. ꞋEt ndun dune hiyudaltsꞌiꞌ-un, whutsodaꞌ whanus ꞌultsiꞌ suliꞌ. Nohni ꞌandit ndo whuya whudizulhne, tube untsiꞌne ꞌahtꞌoh. ꞋEt whuz unꞌa nohba ꞌuwhutánelh!”

Matthew 12:45 Iomraidhean Croise

Matthew 12:24

ꞋEt Phariseene whulh hudantsꞌo whe ꞌuhutni, “Ndun dune, ꞌen Beelzebul, ntsiꞌ-i nududehne bumoodih, ꞌen be ntsiꞌ-i nududeh-i dune tsꞌu ha nanuyukw,” hutni.

Matthew 12:44

ꞋInka dichꞌoh naꞌdudútni, ‘Mbe la ooyudísdaꞌ-un, ootsꞌun za nátoosjaꞌ,’ ni. ꞋEt whuz naoosja whe ꞌaw hoonli hooloh. ꞋEt tenawhultsus ꞌinkꞌez tsꞌihꞌun naꞌuja, ꞌet ꞌuwhulhni.

Matthew 17:21

ꞋEt hoontsꞌi ntsiꞌ-i nududeh-i, netenadudli-i, ꞌinkꞌez soo tsꞌúhoonih, ꞌi be za dune butsꞌu ha nátsꞌiyuntiyulh wheꞌ hoontꞌoh.”

Matthew 23:15

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Yun kꞌut ndulcho whe náhdilh ꞌinkꞌez too kꞌut ndulcho whe nahke, ꞌilhoghun tilah nohnichꞌoh nohkꞌunꞌa ꞌuntꞌoh oolhtselh. Whuchꞌa nulhde de, ndun nat ꞌuwhultsiꞌ whe nohanus kwuncho yo whuyeꞌ tileh.

Matthew 23:24

Whuzihꞌen ꞌet hoontsꞌi dune, ti whúbuntilhtun hukwa ꞌahtꞌen. Lheꞌahtꞌen, ndai ꞌahnai-i nizghes yé tatꞌo de, ꞌi ꞌukutilhtsus, ꞌet hoontsꞌi nohni khuna-i cho, camel huyulhni, ꞌantsꞌi leꞌ hoontꞌoh tilhnoh!

Mark 16:9

ꞋEt Jesus dunadija hukwꞌelhꞌaz, Lizwif nahulyis dzin ꞌom bun bundadaꞌ ꞌudaꞌ ꞌet Jesus Mary Magdalene, ꞌen cho yunalhtsꞌet hainya. ꞋEn la lhtakꞌántꞌi ntsiꞌ-i nudúdeh-i ye yáhanananyoot ínleꞌ.

Mark 5:9

ꞋEt Jesus yoodulhkut, “Ndai la nyooziꞌ?” yúlhni. ꞋEt ꞌutni, “Legion, ꞌi sooziꞌ ꞌuntꞌoh. ꞋI lhane lhuganne ꞌutsꞌintꞌoh ni whe ꞌutni.”

Luke 11:26

ꞋEt ꞌutsꞌun whe dudoh ꞌinkꞌez lhtakꞌantꞌine ntsiꞌ-i nududeh-i yanus ꞌultsiꞌne, dune hiye nádudoh ꞌinkꞌez ꞌet nehúnih. ꞋEt ndun dune hiyudúltsꞌi-un whutsodaꞌ whanus ꞌultsiꞌ ulhi.”

Ephesians 6:12

ꞋEt ndi yun kꞌut yinka duneꞌne iloh bubulh Lheꞌtsꞌúdulh. ꞋEt hoontsꞌi ntsiꞌ-i nududehne, ndus de haíndilne cha, ꞌinkꞌez ꞌudetso whudilhdzulhne cha, ntsiꞌne yat whumoodihne cha, ꞌinkꞌez ndi yun kꞌut tsálhgus yo whumoodihne, ꞌenne tsꞌiyawh ꞌet bubulh Lheꞌtsꞌúdulh wheꞌ tsꞌutꞌen.

Hebrews 10:39

Ndunne mbene la Yakꞌusda ooba ꞌalhaꞌ yintꞌohne ꞌinkꞌez kꞌoh naꞌhuja de, ꞌenne ndai la Yakꞌusda bugha whútaꞌalh-un, ꞌaw huyólhchoot ꞌaitꞌoh. Wheni ꞌaw ꞌenne bukꞌunꞌa lheꞌtsꞌítꞌoh. ꞋEt kꞌus wheni Yakꞌusda ooba ꞌalhaꞌ yintꞌohne tsinli, ꞌet whe dijizne ꞌutsꞌintꞌoh.