Matthew 12:44 - Yak'usda Ooghuni

⁴⁴ ꞋInka dichꞌoh naꞌdudútni, ‘Mbe la ooyudísdaꞌ-un, ootsꞌun za nátoosjaꞌ,’ ni. ꞋEt whuz naoosja whe ꞌaw hoonli hooloh. ꞋEt tenawhultsus ꞌinkꞌez tsꞌihꞌun naꞌuja, ꞌet ꞌuwhulhni.

Matthew 12:44 Iomraidhean Croise

Matthew 12:29

Ntsꞌenꞌa ꞌutinelh ꞌilhoghun dune ꞌuyoon dune ulhtus-un ooyoh daninya ꞌinkꞌez yuchꞌeꞌ duntitih? ꞋUdechoo yulhghel de za yugha haꞌ tilyelh.

Matthew 12:43

“ꞋEt ntsiꞌ-i nududeh-un dune tsꞌu ha nádide whe yun whudizgih-un, ꞌet whuz nududeh natilyis hukwunúta. ꞋAw ndoohóontꞌoh-un nalhuwhusꞌai.

Matthew 12:45

ꞋEt ꞌutsꞌun whedande ꞌinkꞌez lhtakꞌantꞌine ntsiꞌ-i nududeh-i, ꞌenne yanus ꞌultsiꞌne, dune hiyéndil ꞌinkꞌez ꞌet nehunina. ꞋEt ndun dune hiyudaltsꞌiꞌ-un, whutsodaꞌ whanus ꞌultsiꞌ suliꞌ. Nohni ꞌandit ndo whuya whudizulhne, tube untsiꞌne ꞌahtꞌoh. ꞋEt whuz unꞌa nohba ꞌuwhutánelh!”

Luke 11:25

Whuz naoodaih te ꞌinkꞌez ꞌet nahooꞌaih dune dudzi yo lhodítsun nawhulhtsi ꞌinkꞌez soo nenaꞌninla.

John 12:6

ꞋEt ꞌaw telꞌenne buba dátni iloh huwa ꞌet ndutni, ꞌundunutꞌih-un unli ꞌinkꞌez sooniya zus ndai la be yúkat-i, didut buba nuyáꞌa, ꞌinkꞌez hukwaꞌ ninzun totsuk ndai la be yúkat-i ꞌantsꞌi yilhchuk, ꞌinka ꞌutni.

John 13:2

ꞋEt hulhgha naꞌhitꞌal hukwꞌelhꞌaz ꞌudaꞌ netsudule Judas Iscariot Simon ooyeꞌ Jesus yeꞌ óotakulh hukwaꞌ noozin-un, yudzi yo neoodinꞌai.

John 13:27

ꞋEt ndi lhesyaz yutlꞌa yánꞌai whe ꞌawet Satan ye yínya. ꞋEt Jesus uyúlhni, “Ndet daꞌ ꞌuwhutanlelh, ꞌa cho lhaóodinleh.”

1 Corinthians 11:19

ꞋEt nohtoh lhelhtsꞌun unꞌa didohne hinli ꞌet whuz unꞌa ꞌet dó tanelh. ꞋEt whe la mbene nohtoh Yakꞌusda ba unzoone, ꞌenne tsꞌiyanne tꞌebuntizeh wheꞌ hoontꞌoh.

Ephesians 2:2

ꞋEt ꞌoh daꞌ ndi yun kꞌut whe ꞌutꞌen kꞌunꞌa yinka dúlhtsꞌi inleꞌ. Mbe tazai kꞌuz ye ulhtus-i whe moodih tileh-un, ꞌet yutlꞌa hónꞌai, ꞌen netsudule ꞌen kꞌuneꞌ nohulꞌen-un inleꞌ. Mbene ꞌawhuz Yakꞌusda yukꞌunulheꞌustꞌenne, ꞌenne buyudinda.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.

1 John 4:4

Tsꞌoodunneyaz Yakꞌusda oochꞌeꞌ ꞌahli ꞌinkꞌez ndunne Christ chꞌaz ditnine ꞌudaꞌ buchꞌaꞌ nulhde. Nududeh-i nohyudinda-un, ꞌen ndi yun kꞌut ꞌuntꞌoh-un netsudule ꞌen ꞌuntꞌoh, yanus ꞌultus whe ꞌuntꞌoh ꞌet huwa.