Matthew 12:42 - Yak'usda Ooghuni

⁴² ꞋOh whuya hoozulh dzin dune ba nahutideh de, ꞌet whe nyaz de whulerwe tsꞌeke ꞌen nohtoh dudutáyalh ꞌinkꞌez nohkꞌehóotaltsꞌulh. Ndi yun kꞌut nilhdzaz de hainya Solomon ye whunih-i yudutátsꞌo ha ꞌet huwa. ꞋAlha ꞌilhoghun Solomon anus whunih-un ꞌandit nohtoh usyin.”

Matthew 12:42 Iomraidhean Croise

Matthew 12:41

ꞋInkꞌez ꞌoh whuya hoozulh-un dzin dune ba nahutideh de, Nineveh whutꞌenne ꞌenne dahutádulh ꞌinkꞌez ꞌanditne ꞌinkꞌez buba nahotiyeh. ꞋOh daꞌ Jonah bubulh yailhduk daꞌ, dudeni nahondunizdla. ꞋInkꞌez ꞌilhoghun Jonah anus diztiꞌ-un nohtoh usyin.

Matthew 12:6

ꞋEt hoontsꞌi nohdusni njan lugliz whucho ꞌet nohtoh ꞌilhoghun whanus diztiꞌ-un whe ꞌuntꞌoh.

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

John 1:18

ꞋAw Yakꞌusda yanꞌen-un hooloh ꞌet ꞌaw ꞌilhoghun ooYeꞌ, ooBá ꞌukꞌenus yukꞌentsiꞌ-un Yakꞌusda ghun ꞌet whunénulhtan.