Matthew 12:32 - Yak'usda Ooghuni

³² Mbe la Yinka Dune Yeꞌ chꞌaz yalhdukne, soo buba ꞌun whutilhdulh. ꞋEt hoontsꞌi mbene la Ndoni chꞌaz yalhdukne, ꞌaw buba ꞌun whutoolhdilh ꞌaitꞌoh. ꞋAndit dzin kꞌus nus de hoontsꞌi.”

Matthew 12:32 Iomraidhean Croise

Matthew 11:19

ꞋEt Yinka Dune Yeꞌ, dune taninya ꞌaꞌalh ꞌinkꞌez tatnaiꞌ, ꞌinkꞌez ꞌuhutni, ‘Nyoon oocha hooncha ꞌinkꞌez tsꞌekoo tooꞌ ꞌutnai. Sooneya nalhdzoohne ꞌinkꞌez lubeshi ꞌulhꞌenne, bukꞌeke unli,’ dáhni. ꞋEt hoontsꞌi Yakꞌusda gha whunih suliꞌne, ꞌenne tsꞌiyawh hiye whunih-i, ꞌi be tsꞌihꞌun ꞌuhintꞌoh suliꞌ.”

Matthew 12:31

“ꞋEt huwa ꞌunohdusni, lubeshi tsꞌiyawh ꞌinkꞌez Yakꞌusda chꞌaz yalhdukne, tsꞌiyawh nohba whunaoowhudutilnoh. ꞋEt hoontsꞌi Ndoni chꞌaz ditni be yalhdukne, ꞌaw buba whunaoodootnoh ꞌaitꞌoh.

Matthew 12:8

Yinka Dune Yeꞌ natsꞌulyis dzin ꞌet hoontsꞌi whumoodihti unli whe ꞌuntꞌoh.”

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 13:39

Yuchꞌaz ditni-un, ꞌutꞌantsiꞌ ꞌainanla-un, ꞌen netsudule. Haꞌ nukat-un ꞌandit whudizulh whula toh. Haꞌ úntilelhne, ꞌenne lizas ꞌuhutinela.

Matthew 13:40

ꞋEt huwa ꞌutꞌantsiꞌ nahidulhdzooh ꞌinkꞌez hidilhkꞌun, ꞌandit whudizulh-un whula toh de, ꞌet nduwhutanelh.

Matthew 13:55

ꞋAlhaꞌ iloh lakw yoh ꞌuwhulhꞌen-un, ooyeꞌ ꞌuntꞌoh? ꞋInkꞌez ooloo Mary? Bulhutsinke iloh lakw James, Joses, Simon, ꞌinkꞌez Judas?

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Mark 10:30

lhai ootlꞌa naítikulh: yoh ꞌinkꞌez bulhutsinke, bulhtuske, ooloo, buzkehke, ꞌinkꞌez ooyun kꞌut cha ꞌinkꞌez dune huye túzilalh cha nus de ꞌilhiz hutinalh.

Mark 3:28

Soo tsꞌihꞌun nohdúsni, tsꞌiyanne dune bulubeshi cha ꞌinkꞌez Yakꞌusda chꞌaz yálhduk-un cha tsꞌiyawh buba nꞌún whutildulh.

Mark 3:29

ꞋEt hoontsꞌi mbe la Ndoni chꞌaz yálhduk-un, ꞌen ꞌaw oolubeshi buba nꞌun yutoolhdilh ꞌaitꞌoh, ꞌilhiz wheni ooba nahutideh.”

Luke 12:10

ꞋInkꞌez mbe la Yinka Dune Yeꞌ chꞌaz ditni be yalhdukne, buba ꞌun whutilhdulh. ꞋEt hoontsꞌi mbe la Ndoni chꞌaz ditni be yalhduk-un, ꞌaw ooba ꞌun whutookat ꞌaitꞌoh.

Luke 16:8

Ndun tsꞌihꞌun lheꞌitꞌoh-un yoh whumoodih, tube ꞌuyoo unli whe ꞌuja. ꞋInka ꞌuyulhni oomoodih, ‘ꞋUyoo inli whe ꞌinja!’” ꞋEt Jesus ꞌubulhni, “Ndiz unꞌa njan duhoontꞌoh, mbe la ooba ꞌalhaꞌ lheꞌhootꞌohne ꞌuyoo unline ꞌuntꞌoh ꞌinkꞌez mbene la Yakꞌusda ba be hootꞌen unline, ꞌenne buba nus ꞌuyoo hinli.

Luke 18:30

ꞌet ndúja-un, ꞌen ꞌon nus lhat-un ootlꞌa naóotikulh. Nus de whusahóoltsꞌut de, ꞌet ꞌandit ꞌilhiz hutinalh.”

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

Luke 7:34

ꞋEt Yinka Dune Yeꞌ whusainya, ꞌaꞌalh ꞌinkꞌez ꞌutnai. ꞋEt ꞌudáhni, ‘Ndun dune oocha hooncha ꞌinkꞌez tanutnai. Sooneya ꞌilhunaoosꞌaihne ꞌinkꞌez lubeshi ꞌulhꞌenne bukꞌeke,’ dáhni.

John 7:12

ꞋEt ꞌilhozdílne didutchꞌoh dutoh whuꞌízyaz whe highu yalhduk. Whulohne cha ꞌen unzoo hutni, ꞌinkꞌez whulohne cha ꞌawundooh dune nanaꞌah hutni.

John 7:39

ꞋEt Jesus ndutni whe Ndoni ghun bubulh yaílhduk. Mbene la didut buba ꞌalhaꞌ yintꞌohne, ꞌenne buyudútiltsꞌulh. ꞋAw ꞌaho iloh. Jesus ooba whudáltiꞌ hukwꞌelhꞌaz de, ꞌet de nduwhutanelh.

John 7:52

ꞋEt ꞌuhuyúlhni, “Nyun cha eh Galilee tsꞌe haínya-un inli? Yakꞌusda ooghuni ꞌukꞌu nusguz-i soo cho nilhꞌen, ꞌet de la nyeni be tꞌéoonónzin, ꞌaw ꞌilhoghun hoontsꞌi nus hóoꞌen-un, ꞌen Galilee yun kꞌut tsꞌe haínya-un hooloh!”

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

Ephesians 1:21

ꞋEt whutsꞌun Christ tsꞌiyawh buba ndo ꞌuntꞌoh. Mbene ꞌudetso whudilhdzulhne, butso whudilhdzulh. Mbene dune ando ꞌuntꞌohne, buba ndo ꞌuntꞌoh. Mbene la ulhtusne, ꞌenne cha kꞌuneꞌ bulꞌen. ꞋInkꞌez mbene la moodih unline, ꞌenne bumoodihti ꞌuntꞌoh. ꞋAndit ꞌaho ꞌinkꞌez whuz de whudizulh-un, ꞌet hoontsꞌi mbene la booziꞌ nchane, ꞌenne tsꞌiyawh Christ buba ndo ꞌuntꞌoh.

1 Timothy 1:13

Niz de ha oodanzut Yakꞌusda chꞌaz dasni ꞌinkꞌez ooba ꞌalha ꞌuhoontꞌohne, dzoh nubuzusde. Tsꞌiyanne ba dzoh ꞌudusni inleꞌ. ꞋEt hoontsꞌi ꞌaw tꞌeoonuzuszun-un, sba ꞌalhaꞌ lheꞌhootꞌoh ꞌet huwa ꞌistꞌen, ꞌet hoontsꞌi sgha teꞌduninzin.

1 Timothy 1:15

Ndi khuni be nyulh yasduk-i, ꞌi ꞌalhaꞌ ꞌuntꞌoh ꞌinkꞌez ꞌi soo tsꞌiyawh ootꞌa ninintan, ꞌet ndutni: Christ Jesus ꞌen ndi yun kꞌuz nusiya lubeshi ꞌulhꞌenne bubutilhyih wheni, ꞌinkꞌez si ꞌukꞌenus dune unsiꞌ-un usdli inleꞌ.

1 Timothy 4:8

ꞋEt neyustꞌe ba neꞌuzdunuldzeꞌ te, ꞌatsul za neba hootazooꞌ, ꞌet hoontsꞌi Yakꞌusda ba ndi yun kꞌut uzdoltsꞌiꞌ ha, ꞌet tsꞌiyantsuk whe whudíztiꞌ. ꞋI gha la ndi yun kꞌut uzdilhtsꞌi-un nelaꞌ ꞌewhudutitꞌelh ꞌinkꞌez yakꞌuz neztiyalh ꞌet cha nelaꞌ ꞌewhudutanelh.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

2 Timothy 4:10

Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya.

Titus 2:12

ꞋEt whuneoodulhꞌeh, ndet Yakꞌusda be ꞌutꞌen lhuhooloh-un, ꞌinkꞌez whenichꞌoh ndi yun kꞌut hukwaꞌ ꞌuzninzun-un, ꞌet tsꞌiyawh dah ꞌuzdooniꞌ. ꞋEt kꞌus tsꞌihꞌun ni uznizulh-un, tsꞌihꞌun dune tsinli-i, ꞌi cha, ꞌinkꞌez Yakꞌusda tsꞌun teniꞌ uznilhdzun kꞌoh tsꞌe za tsꞌootꞌeꞌ, ꞌandit whuz unꞌa za ꞌutsꞌootꞌeꞌ,

James 1:27

ꞋEt tsꞌihꞌun ꞌuhoontꞌoh, ꞌinkꞌez ꞌalha ꞌuhoontꞌoh whe Yakꞌusda neBá, ꞌen ba néꞌtsꞌutꞌen-un, ꞌet njan dúhoontꞌoh: tsꞌunohne ꞌinkꞌez tsandilhne, ꞌenne dzoh nahudeh huwa buzih nutsꞌoodilh hubaꞌ hoontꞌoh bula tsꞌootꞌen ha. ꞋInkꞌez cha ndi yun kꞌut dawhútꞌen lubeshi ꞌulꞌen, ꞌet whuchꞌa khutsꞌoodleꞌ.