Matthew 12:30 - Yak'usda Ooghuni

³⁰ Mbene sulh lheꞌitꞌohne, schꞌaz huditni wheꞌ hintꞌoh. ꞋInkꞌez mbene la ꞌaw dune sla ꞌilhulhósdlene, yahitákulh wheꞌ hintꞌoh.”

Matthew 12:30 Iomraidhean Croise

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 12:29

Ntsꞌenꞌa ꞌutinelh ꞌilhoghun dune ꞌuyoon dune ulhtus-un ooyoh daninya ꞌinkꞌez yuchꞌeꞌ duntitih? ꞋUdechoo yulhghel de za yugha haꞌ tilyelh.

Matthew 6:24

“ꞋAw ꞌilhoghun dune nane moodih ba ootꞌen ꞌaitꞌoh. ꞋIlhoghun ꞌen yutsꞌu dutitni ꞌinkꞌez ꞌilhoghun yukꞌetisiꞌ. Kꞌus ꞌilhoghun yukꞌúneꞌtitꞌen ꞌinkꞌez ꞌilhoghun yuchꞌaz dútatni. ꞋAw Yakꞌusda kꞌuneꞌ ꞌintꞌen ꞌinkꞌez sooniya cha kꞌuneꞌ ꞌontꞌen ꞌaitꞌoh.”

Mark 9:40

Mbe nechꞌaz úlhditnine, wheni netsꞌó ditni wheꞌ ꞌuntꞌoh.

Luke 11:23

Mbe sulh lheꞌitꞌoh-un schꞌaz ditni wheꞌ ꞌuntꞌoh. ꞋInkꞌez mbe dune sla ꞌilhulhósdlene tsꞌiyawh yahitákulh.”

Luke 9:50

ꞋEt hoontsꞌi Jesus ꞌuyulhni, “Whuchꞌa nahyoot iloh! Mbe la ꞌaw nechꞌaz úlhditni-un, netsꞌú ditni-un ꞌuntꞌoh.”

John 11:52

ꞋEt ꞌaw Lizwif didowhne, ꞌenne ba za iloh. Mbene la Yakꞌusda buzkeh unlíne, ntsꞌe la yahandil, ꞌoh whutꞌenne, ꞌenne buba cha. ꞋEt huwa la tsꞌiyawh ꞌilhunabootalelh ꞌinkꞌez ꞌilhoh whutꞌenne dune hutileh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.