Matthew 12:28 - Yak'usda Ooghuni

²⁸ ꞋEt hoontsꞌi Yakꞌusda ooyughi be ntsiꞌ-i nududeh-un dune tsꞌu ha nánusyukw de, ꞌalha ꞌuhoontꞌoh whe Yakꞌusda whe lerwe unli-un, ꞌawet nohgha whultsꞌut wheꞌ hoontꞌoh.

Matthew 12:28 Iomraidhean Croise

Matthew 12:18

“Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 12:29

Ntsꞌenꞌa ꞌutinelh ꞌilhoghun dune ꞌuyoon dune ulhtus-un ooyoh daninya ꞌinkꞌez yuchꞌeꞌ duntitih? ꞋUdechoo yulhghel de za yugha haꞌ tilyelh.

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Matthew 6:33

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

Mark 1:15

ꞋInkꞌez ꞌet ꞌutni, “ꞋAndit ꞌawet whusahónzut. ꞋAwet nilhdukw Yakꞌusda ookꞌúneꞌ whutitꞌen wheꞌ hoontꞌoh. Lubeshi ꞌulhꞌen-un noheni náhandunoohleh, ꞌinkꞌez khuni unzoo-i nohba ꞌalha ootꞌeꞌ ꞌinkꞌez ulhchoot!”

Mark 11:10

Netsodaꞌ David oolerwe keyoh ꞌet hoonzoo-un oogha holtsꞌit. NeMoodihti booziꞌ be whusawhútiltsꞌulh ꞌinka Yakꞌusda ba tsꞌodólhtiꞌ!”

Mark 16:17

Mbene la ooba ꞌalhaꞌ ꞌustꞌohne, ꞌenne la be úlhtus-un bugha óotasꞌalh. Si sooziꞌ gha ntsiꞌ-i nududeh-i dune tsꞌu ha náhuyuntiyulh. ꞋUyoo khuni be cha yahatilhduk.

Luke 10:11

‘Nohkeyoh whulez neke ghu hoonli-i, nohchꞌa búnaꞌtsꞌalhde. ꞋEt hoontsꞌi tꞌewhunóhzin Yakꞌusda whulerwe-un nohenghoh ꞌuhoontꞌoh,’ budóhniꞌ.

Luke 11:20

ꞋEt hoontsꞌi Yakꞌusda oolasga be ntsiꞌ-i nududeh-i dune tsꞌu ha nánusyukw de, ꞌet ꞌalha ꞌuhoontꞌoh Yakꞌusda whe lerwe unli-un, ꞌet nohgha whultsꞌut wheꞌ hoontꞌoh.

Luke 16:16

Moses be ꞌudustlꞌus cha ꞌinkꞌez nus hooꞌenne bubeꞌ ꞌudustlꞌus cha ndet whutsꞌun la John dune too be ꞌulhꞌen-un khuna daꞌ, ꞌet whutsꞌun dune hikꞌuneꞌ ootꞌen hubaꞌ hoontꞌoh. ꞋEt whutsꞌun whudutizut Yakꞌusda whe lerwe unli-un, ꞌet huwun khuni unzoo-i dune bulh yahulhduk. ꞋInkꞌez tsꞌiyanne whuz unꞌa húkwaꞌ hutꞌen.

Luke 9:2

Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

Hebrews 12:28

ꞋEt huwa ntsꞌe Yakꞌusda lerwe unli-un, ꞌet ꞌaw nohóohootnah ꞌaitꞌoh. ꞋEt netsꞌu whutikulh. ꞋInkꞌez ye unzoo-i, ꞌi be si Yakꞌusda, ꞌen neba díztiꞌ-un ꞌinkꞌez neba be óonujut-un, ꞌen ooba neꞌtsꞌootꞌen.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.