Matthew 12:26 - Yak'usda Ooghuni

²⁶ Satan didutchꞌoh dune tsꞌu ha nainuyukw de, didutchꞌoh lhchꞌaz ditni whe ꞌuntꞌoh. Ntsꞌenꞌa suba whulerwe unli-un, ꞌilhiz ꞌuwhutatꞌelh?

Matthew 12:26 Iomraidhean Croise

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 4:10

ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

Matthew 9:34

ꞋEt Phariseene ꞌuhútni, “Ntsiꞌ-i nududeh-i bumoodih ye ulhtus-i be ntsiꞌ-i dunne tsꞌu ha hainuyukw!”

John 12:31

ꞋAndit ꞌawet yinka whuduneꞌne buba nahutideh ꞌinkꞌez whutsodaꞌ ndi yun kꞌut humoodih, ꞌen ꞌilhiz ꞌun hítinoh.

John 14:30

ꞋAw dzoh saꞌyaz ꞌon ꞌun nohbulh yaóosduk ꞌaítꞌoh. Ndi yun kꞌut humoodih ꞌaz de úyalh ꞌinkꞌez si sghun ꞌaw ntsool-iyaz ꞌi hoontsꞌi oochꞌeꞌ lhuyíloh ꞌet huwa.

John 16:11

ꞋInkꞌez ndi be náhudeh-i, ndi yun kꞌut humoodih-un ꞌudaꞌ ooba nahisda ꞌet huwa.

2 Corinthians 4:4

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

1 John 5:19

Wheni Yakꞌusda bulh ꞌútsꞌintꞌoh tꞌetsꞌoninzun. ꞋInkꞌez ndi yun kꞌut whutꞌenne, ntsiꞌ-un tsꞌiyawh kꞌúneꞌ bulꞌen.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 16:10

ꞋEt bulh kwulane lizas dude oosaꞌ khuna-iti ntsiꞌ-i ookwꞌutsꞌuzda cho diztiꞌ-i yukꞌusda-i kꞌut naidílhkat. ꞋInkꞌez ookeyoh lerwe unli-un ndulcho whe tsahólhgus whuzdliꞌ. ꞋI gha tube hukwꞌe húnduda kꞌet dutsoola hidunaꞌalh.

Revelation 9:11

ꞋInkꞌez tsa kꞌet whucho whutlꞌah hooloh-un whulizas ꞌen bulerwe unli. ꞋEn Hebrew bukꞌunꞌa Abaddon huyulhni, ꞌinkꞌez Greek bukꞌunꞌa Apollyon be húyoozi.