Matthew 12:18 - Yak'usda Ooghuni

¹⁸ “Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 12:18 Iomraidhean Croise

Matthew 12:17

ꞋEt nus hooꞌen-un Isaiah, daja ni-un, ꞌoh te neꞌwhustꞌen. Khuni njan ndutni,

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Mark 1:11

ꞋEt ꞌuwhútni, “Nyun sYeꞌ inli. Tube nkꞌesiꞌ, ꞌinkꞌez tube nyulh hoonústꞌiꞌ.”

Mark 9:7

ꞋInkꞌez khuntsul kwꞌus bukꞌínde ꞌinkꞌez ndo kwꞌus toh tsꞌe yaztílhduk, “Ndun sichꞌoh sYeꞌ ꞌuntꞌoh, tube ookꞌesiꞌ, oozúlhtsꞌai,” whutni.

Luke 23:35

Dunene ꞌet nódilhya ꞌinkꞌez honilhꞌen. Bumoodihne cha buzih nodilhya ꞌinkꞌez highudloh whe nduhutni, “ꞋUyoonne, bulhyis inleꞌ. ꞋEt huwa ndun Christ, Yakꞌusda ꞌutahayálhti-un ꞌuntꞌoh de, dichꞌoh ꞌududoolyih da!”

Luke 3:22

ꞌinkꞌez Ndoni dutꞌai, dove huyulhni, ꞌi kꞌunꞌa ndus de hátꞌoh ꞌinkꞌez yukꞌítoh. ꞋEt yakꞌuz khuni huduztsꞌai, ꞌi njan ndutni, “Nyun sYeꞌ ookꞌesiꞌ-un ꞌintꞌoh. Tube nyulh hoonústꞌiꞌ.”

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

Luke 9:35

Kwꞌus toh tsꞌe khuni huduztsꞌai, “Ndun sYeꞌ ookwꞌesiꞌ-un ꞌuntꞌoh. ꞋEn oozóolhtsꞌai,” ni.

John 3:34

Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 11:18

ꞋEt Jerusalem ooba ꞌalha ꞌuhoontꞌohne hodántsꞌo whe Peter hichꞌaz yálhduk ꞌetsul ꞌuhudíja ꞌinkꞌez ꞌenne cha Yakꞌusda hudílhtiꞌ. ꞋInkꞌez njan duhútni, “ꞋUdun yun kꞌut whutꞌenne, ꞌenne cha lhtꞌanahunoodilh ꞌinkꞌez ꞌilhiz hukhoonaꞌ. ꞋEt whuz unꞌa Yakꞌusda bughá whuninꞌai,” hutni.

Acts 14:27

ꞋEt Antioch tsꞌe nahoostꞌaz whe Jesus Christ yugha hodulꞌehne, tsꞌiyawh ꞌilhubuhozdla ꞌinkꞌez ntsꞌoh te la Yakꞌusda gha néꞌhustꞌen-un ꞌinkꞌez ꞌudun yun kꞌut whutꞌenne cha be ꞌalha ꞌuhoontꞌoh-i hutꞌi suliꞌ hutni whe bubulh nahuwhulnuk.

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

Colossians 1:1

Si Paul Jesus Christ ꞌen be whelꞌaꞌ-un ꞌustꞌoh. Yakꞌusda whuz unꞌa sba hukwaꞌ ninzun. ꞋInkꞌez neulhutsin Timothy bulh.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

1 Peter 2:4

Jesus ꞌen tse khuna-i ndultꞌoh. Lizwifne, ꞌenne lhane ꞌun hitizno leꞌ huja. ꞋEt hoontsꞌi Yakꞌusda ꞌutahayálhti-un ꞌinkꞌez ꞌen tube diztiꞌ whe ꞌuntꞌoh. ꞋEn za ootsꞌu tóohdilh.

2 Peter 1:17

ꞋEt ꞌoh daꞌ ꞌuhooja-un, neBá Yakꞌusda duYeꞌ yudálhtiꞌ ꞌinkꞌez dádiztiꞌ whe ꞌuntꞌoh, ꞌet whunénilhtan. Kꞌus hooncha-un, ꞌen oochꞌeꞌ ꞌuhoontꞌoh, ꞌet dichꞌoh duYeꞌ yugha ooninꞌai. Yakꞌuz tsꞌe whe ꞌukꞌenus hooncha-un, ꞌet Yakꞌusda ooghuni ndus de ha díltsꞌut whe ndutni, “Ndun ꞌen sYeꞌ ookwꞌesiꞌ-un, ꞌen ꞌuntꞌoh. ꞋEn be tube hoonústꞌiꞌ.”