Matthew 12:17 - Yak'usda Ooghuni

¹⁷ ꞋEt nus hooꞌen-un Isaiah, daja ni-un, ꞌoh te neꞌwhustꞌen. Khuni njan ndutni,

Matthew 12:17 Iomraidhean Croise

Matthew 12:16

ꞋEt bugha daniꞌ, “ꞋUyoonne sghun tꞌehonoozeh junih.”

Matthew 12:18

“Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 13:35

Nus hooꞌen-un daja daniꞌ la, lhaóodontneh ha ndutni: “Khuni be nawhutnuk-i be whutsꞌodulꞌeh-i, be bubulh yatisduk. Yun ꞌuyinla ꞌet whutsꞌun, buchꞌa yuntizꞌi-i, ghun budutásnelh.”

Matthew 21:4

ꞋEt whuz unꞌa ndi tsꞌiyawh ꞌoh tuneꞌ whustꞌen. ꞋI be nus honꞌen-un daja ni la, ꞌet ndulcho ꞌet ndúhooja ꞌet njan ndutni,

Matthew 8:17

ꞋEt whuz unꞌa Isaiah nus hoꞌen-un ndutni, Lhawhdotneh ha. ꞋEt huwa njan ndutni, “Ndai la tetsun neilhꞌi-i, ꞌi tsꞌiyawh neghu nayílhchoot. ꞋInkꞌez nedadaꞌ cha ꞌet tsꞌiyawh netsꞌu ha náhonla.”

Luke 21:22

ꞋAwet dzoh nutiszut-un whusahooltsꞌulh wheꞌ hoontꞌoh. ꞋEt huwun ꞌukꞌehooguz-un, tsꞌiyawh lhaóodutaneh.

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

John 10:35

Tꞌétsꞌonínzun ꞌaw Yakꞌusda dughuni kꞌuyoyis ꞌaítꞌoh, ꞌinkꞌez mbene la Yakꞌusda ooghuni ooghi díltsꞌutne, ꞌenne yakꞌusdane ubúlhni.

John 12:38

ꞋEt nus hóoꞌen-un Isaiah ꞌukꞌu néyuzguz-i, ꞌi gha whuz unꞌa ꞌoh te neꞌwhustꞌen. Njan ndutni whe ꞌukꞌuneꞌ ꞌúzguz, “Moodihti ndi khuni whutlꞌazdanꞌai-i mbe za ooba ꞌalhaꞌ yintꞌoh? NeMoodihti yé ulhtus-i mbe tsꞌun yunaꞌdunilhtan?”

John 19:28

Njan ꞌoh te neꞌwhustꞌen hukwꞌelhꞌaz Jesus tꞌéwhunínzun tsꞌiyantsuk lhaóoduja. ꞋEt didut ooghun Yakꞌusda ooghuni ꞌukꞌu nusgúz-i daja ni la, ꞌet ndúhoneh ꞌet huwa, “Taꞌóosda,” ni.

Acts 13:27

Jerusalem ꞌet whutꞌine ꞌinkꞌez bumoodih unline cha ꞌaw tꞌéhinúszun neulhyis-un ꞌúntꞌoh. Lizwif nahulyis-un dzin totsuk ndi Yakꞌusda be nus hooꞌenne ꞌukꞌu nuháyuzguz-i ookꞌu yaduk ꞌet hoontsꞌi ꞌaw bubeni tálhodulhtsꞌit. Jesus datítsah tsꞌe beꞌ hininya, ꞌet huwa Yakꞌusda be nus hooꞌenne bughuni ꞌalhaꞌ ꞌuntꞌoh huyulhtsi.