Matthew 12:15 - Yak'usda Ooghuni

¹⁵ Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 12:15 Iomraidhean Croise

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Matthew 19:2

Lhane dune whuz huyoonizdil, ꞌinkꞌez soo naꞌbalhꞌen.

Mark 6:56

ꞋInkꞌez ntsꞌoh la Jesus nuya keyoh whuyaz kꞌus keyoh whuti kꞌus nꞌaho keyoh ꞌeꞌóoket-un whutoh dune ꞌilhodúlh-un whuz ndudáne nébuhunle ꞌinkꞌez Jesus híghu tédudlih, “Nyunaih ꞌantsꞌi ooban ꞌet ndudáne hitꞌa óonalh,” huyúlhni. ꞋEt mbene yutꞌaíznaine tsꞌiyawh soo náꞌhuja.

Luke 5:22

ꞋEt Jesus tꞌewhunínzun daja huninzun, ꞌinkꞌez ndúbulhni, “ꞋEt di ha nohdzi yo whe ꞌet ndunahzun?

Luke 6:12

ꞋOh daꞌ ꞌet dzin, Jesus shus kꞌut tenadutidli ha whuz whinya. ꞋUlhdzis nduwhulyiz Yakꞌusda tsꞌun tenadidli.

Luke 9:11

ꞋEt hoontsꞌi ꞌilhozdilne nahoohoonꞌai whe huyuntizdil. ꞋEt Jesus hoontꞌiꞌ whe highu nindil ꞌinkꞌez Yakꞌusda lerwe unli hukwꞌunꞌa huwun bubulh yalhduk. ꞋInkꞌez mbene la soo naꞌtitnelh hukwaꞌ ninzunne, ꞌenne cha tsꞌiyawh soo náꞌbalhꞌen.

John 11:54

ꞋEt whula gha tsꞌe Jesus ꞌaw tsꞌet Lizwifne butoh nulhúsyoh. Kꞌus yun kꞌut ꞌaw dune lhuhóotꞌih-un tsꞌe whuzih whuzꞌai, ꞌilhoghun keyoh Ephraim huwhútni, whuz whinya ꞌinkꞌez yugha hodulꞌehne tubulh ꞌet hudáltsꞌiꞌ.

John 7:1

Njan hukwꞌelhꞌaz Jesus Galilee yun kꞌut za nusúya. Lizwifne hituzilhghelh hukwaꞌ huninzun ꞌet whuchꞌa ꞌaw Judea yun kꞌut nóyaꞌ hukwa lheꞌnízun.

John 9:4

ꞋAwhuz dzenis hootꞌen whe, mbe la whuz de sútilhꞌaꞌ-un, ꞌen be ꞌutꞌen oosꞌen huba ꞌuhoontꞌoh. ꞋUlhdzis whusahóoltsꞌut ꞌinkꞌez tsalhgus yo suliꞌ de, ꞌaw dune ootꞌen ꞌaítꞌoh.

Galatians 6:9

ꞋEt hoonzoo-un ꞌutsꞌuwhulhꞌen ꞌet huwa néznotsilh junih. ꞋEt ꞌaw whula lhtsꞌudustni de, whusahóoltsꞌut de, ꞌet de ha ꞌúznoolelh.

1 Peter 2:21

Njan ꞌet wheni nohkaꞌ whudaniꞌ, Christ ꞌen cha neba dzoh nusúzut. ꞋEn ookꞌunꞌa buneꞌúznootꞌen ha whunénilhtan. ꞋEt huwa ꞌen za butsꞌun toodilh hubaꞌ hoontꞌoh.