Matthew 12:14 - Yak'usda Ooghuni

¹⁴ ꞋEt Phariseene ꞌaz whehandil ꞌinkꞌez huwu yahalhduk ntsꞌenꞌa hituzilhghelh hukwa.

Matthew 12:14 Iomraidhean Croise

Matthew 26:4

ꞋAlhgoh yahalhduk ꞌinkꞌez howhutsꞌit whe hoonli hiba ꞌuhoonla whe Jesus huyitálhchulh ꞌinkꞌez hituzilhghelh.

Matthew 27:1

ꞋOm bun bundadaꞌ lubret bumoodihne, tsꞌiyawh, dune tso whudilhdzulhne cha, Jesus hichꞌaz ditni whe howu yahalhduk hituzilhghelh hukwa.

Mark 14:1

Nat dzin whuzꞌai Lizwifne butus lhuseya-un whewhúnahulni ꞌinkꞌez lhes lhuntíldoh-i ꞌutꞌalh-un, whe whúnahulnih cha, ꞌet lubret moodihne ꞌinkꞌez Moses be ꞌudustlꞌus ꞌukꞌu nunáguzne, Jesus yoo yoh whútsul hikunúta hituzilhghelh ha.

Mark 3:6

ꞋEt ꞌahoh Phariseene lugliz tenáhundil ꞌinkꞌez Herod didowhne bulh highu yalhduk ntsꞌenꞌa Jesus hituzilhghelh ꞌet wheni lhahóduleh.

Luke 22:2

ꞋInkꞌez ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, Jesus whe hituzilhghelh-un, ꞌet hukwa hunuta. ꞋEt dunene bube hunuljut ꞌet huwa whunistꞌi be néꞌhutꞌen.

Luke 6:11

ꞋEt ꞌonghohne tube howunílchꞌe, ꞌinkꞌez howu yahalhduk Jesus dahítileh-un ꞌet huwun.

John 10:31

ꞋEt doo cha za Lizwifne tse hiye hituzilhghelh-i hidílhchoot.

John 10:39

ꞋEt doo cha za huyólhchoot hukwa ꞌuhuja whe Jesus butá ha nája ꞌinkꞌez buchꞌa níntaninya.

John 11:53

Soo ꞌet dzin whutsꞌun la lhahóduleh hituzilhghelh wheni.

John 11:57

ꞋEt lubret bumoodihne ꞌinkꞌez Phariseene te, ꞌudaꞌ dunene toh khuni butlꞌa ídanꞌai Jesus ntsꞌe ꞌutꞌen tꞌéhonínzun de, ꞌaho hudooniꞌ, ꞌet de ꞌawet huyitálhchulh.

John 5:18

ꞋEt hukwa Lizwifne ꞌon nus hituzilhghelh-un hukwa hunuta. ꞋAw nahulyis dzin kꞌonínyuz ꞌet huwa za iloh, ꞌinkꞌez cha Yakꞌusda ꞌen duBá yulhni. ꞋEt ndutni whula gha tsꞌe Yakꞌusda bulh húlhgha ꞌuntꞌoh ni, ꞌet huwa hituzilhghelh-un hukwaꞌ huninzun.

John 7:30

ꞋEt hukwaꞌ huyólhchoot hukwaꞌ hitꞌen ꞌet hoontsꞌi ootsꞌun whudiltsꞌulh-un ꞌawhuz whusalhúwhulhtsꞌit, ꞌet huwa ꞌaw dalhúhuyilel.

John 7:32

ꞋEt ndunne ꞌilhozdílne whuz unꞌa Jesus highu yalhduk whe Phariseene hubodántsꞌo, ꞌet Phariseene ꞌinkꞌez lubret moodihne, neilhchúkne whuz whehalhꞌaꞌ Jesus hiyólhchoot ha.

John 7:44

Whulohne, ꞌenne huyitálhchulh hukwaꞌ huninzun, ꞌet hoontsꞌi dalhúhuyilel.

John 8:59

ꞋEt ndúbulhni whe, tsꞌiyawh tse huyeni dízgooh, ꞌi be nahúyuntilhꞌuz ꞌinkꞌez hituzilhghelh ꞌinka. ꞋEt Jesus buchꞌa úntilhꞌi ꞌinkꞌez soo butoh ꞌet lhunásja whe lugliz whucho ꞌet tenánja.