Matthew 12:10 - Yak'usda Ooghuni

¹⁰ ꞋIlhoghun dune ꞌen ꞌet usda ꞌinkꞌez ꞌilho oola ye nulhéꞌustꞌen. Jesus huyoodulhkut, “Natsꞌulyis dzin dune soo naꞌuztitlelh hubaꞌ hoontꞌoh eh?” ꞋEt hoonli highu nahootáꞌalh hukwaꞌ hutꞌen.

Matthew 12:10 Iomraidhean Croise

Matthew 12:2

ꞋEt Phariseene bubotilhꞌeh Jesus huyoodulhkut, “Ngha hodulꞌehne dahútꞌen ꞌubunilhꞌen eh? ꞋAndit dzin natsꞌulyis dzin ꞌuhoontꞌoh. ꞋEt nduhóotꞌen huba lheꞌhootꞌoh!”

Matthew 19:3

ꞋEt Phariseene cha highu nindil hiyootálhdzih ha, ꞌinkꞌez huyoodulhkut, “ꞋEt ndet huwa neꞌatke ꞌantsꞌi ꞌoh huwun buchꞌa naztidalh, Moses khuni netlꞌa idanꞌai-i, ꞌi ookꞌunꞌa eh ꞌuhoontꞌoh?”

Mark 3:2

ꞋEt Phariseene tube Jesus highunli nahulyis dzin tilah nyoon dune ka únli-un nayoolhyih, hukwa hikꞌé hoꞌalh-un, ꞌet hukwa highunli.

Luke 11:54

ꞋAhoolhyiz hinilhꞌen ꞌonilha khun tilah tankꞌus ꞌúdooniꞌ. Hoonli ꞌudija de, ꞌet hikꞌehóotaꞌalh ꞌinka.

Luke 13:14

ꞋEt Lizwifne lugliz whumoodih hunílchꞌe. Natsꞌulyis dzin ꞌet Jesus ndun tsꞌeke soo naꞌyinla ꞌet hukwa hunílchꞌe. ꞋInkꞌez ꞌilhozdilne ꞌubulhni, “Lhkꞌu tat dzin ꞌet dune ꞌuhootꞌen hubaꞌ hoontꞌoh. ꞋEt huwa ꞌutsꞌutꞌen dzin ꞌet soo naꞌnohohooleh hubaꞌ hoontꞌoh. ꞋEt natsꞌulyiz dzin huba lheꞌhootꞌoh,” ꞌubulhni.

Luke 20:22

Nedini ndi yun hikꞌelha huyilhꞌi-i, tax huyúlhni-i, tsꞌihꞌun tilah ꞌuhoontꞌoh whe lerwe Caesar ꞌen ooba ꞌukꞌelha tsꞌuyoolhtselh, kꞌus ꞌawundooh tilah?”

Luke 23:14

ꞌinkꞌez ꞌubulhni, “Ndun dune tankꞌus ubunilhtꞌi-un kꞌunꞌa sghu nulhti. ꞋEn nohbut soo tsꞌihꞌun unꞌa ooghu núnistai. ꞋEt hoontsꞌi ndet ookꞌé whahꞌai-un ꞌaw hoonli ooghu nalhuwhusꞌal.

Luke 23:2

ꞋAwet hikꞌewhehoninꞌai ꞌinkꞌez ꞌuhutni, “Ndun dune lizwifne tankꞌus úbunilhtꞌi ꞌet bulh nátsꞌuhoonꞌai. ꞋInkꞌez lerwe Caesar tsꞌun ndi yun kꞌelha huyilhꞌi-i, ꞌi tax ꞌuyulhni, ꞌet cha whuchꞌa buníyoot. ꞋInkꞌez didut lerwe Christ tsꞌutni-un, ꞌen usdli naꞌdudútni.”

John 5:10

Ndun dune soo náꞌuja-un, ꞌen la Lizwifne ꞌuhuyúlhni, “ꞋAndit dzin nahulyís-un ꞌuhoontꞌoh. ꞋAw ookwꞌusintí-i nónꞌaꞌ huba lheꞌhóotꞌoh!”

John 5:3

Nyo bun tsilh tꞌah ꞌet tube lhane ndudane ꞌet husdla. Whulohne hoos̱ꞌenne, ꞌinkꞌez whulohne bodinꞌaíne, ꞌinkꞌez whulohne cha délhdusnine. ꞋEnne ndi too nótitnah-un, ꞌet huba hilhꞌih.

John 7:23

Moses be ꞌudustlꞌus kꞌut ootulhúhisdeꞌ-i kꞌohyis whuchꞌa, natsꞌulyís-un dzin ꞌet dzin hoontsꞌi chalhtsꞌul dune whulih te yuka dune unli huyoohtꞌas. ꞋInkꞌez di ha ꞌet si dune natsꞌulyis-un, ꞌet dzin dune soo náꞌusdla ꞌet hukwa sulh húnulhchꞌe?

John 8:6

ꞋEt ꞌonilha huyóolhzih hoonli hukwaꞌ hikꞌeóotaꞌalh ꞌinka ꞌuhutni, ꞋEt Jesus nyo duja ꞌinkꞌez dulasga be yun kꞌut ꞌukꞌeneꞌ ꞌúsguz, lhubudutso léꞌuntꞌoh.

John 9:16

ꞋEt ndunne Phariseene whulohne ꞌuhutni, “Ndun dune ooghu yailhdúk-un, ꞌen ꞌaw Yakꞌusda ootsꞌu haínya-un iloh ꞌuntꞌoh. ꞋAw natsꞌulyis dzin hukwꞌu nulheꞌustꞌen ꞌet huwa.” ꞋEt ꞌuyoonne cha ꞌuhutni, “Ntsꞌenꞌa ꞌuwhutátꞌelh, ꞌaw lubeshi ꞌulhꞌen-un, ꞌen huwa ꞌítꞌen túneꞌ óotꞌen ꞌaítꞌoh!” ꞋEt huwun lhchꞌa nehudindil.