Matthew 11:6 - Yak'usda Ooghuni

⁶ ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 11:6 Iomraidhean Croise

Matthew 13:21

ꞋEt hoontsꞌi didutchꞌoh ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh ꞌinkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋAho whula hudutnih.

Matthew 18:7

Ndi yun kꞌut dilhtsꞌine, hukwaya hoonli tuneꞌ ꞌutꞌenne, ꞌ dawhultsiꞌ-un, butsꞌu hóoltsꞌulh wheꞌ hintꞌoh. Hukwaya hoonli tuneꞌ whutitꞌen wheꞌ hoontꞌoh. ꞋInkꞌez mbe la oogha ꞌet ndúhooja-un, dawhultsiꞌ-un, hotiꞌelh wheꞌ hoontꞌoh!

Matthew 24:10

ꞋInkꞌez ꞌet lhane buba dzoh tileh, ꞌinkꞌez nohnichꞌoh nohtoh lhgha ha whútilhyeh ꞌinkꞌez lhtsꞌu dutihtni.

Matthew 26:31

ꞋEt Jesus ndúbulhni, “ꞋAndit ꞌulhdzis nohni tsꞌiyawh ska yátihleh. Whuz unꞌa ꞌukꞌehooguz whe ndutni, ‘ꞋUsbai ghunli-un, tuzilghelh huba whutlꞌa tístelh. ꞋOh de ꞌusbai tsꞌiyawh yahitalhꞌus.’

Matthew 5:29

ꞋEt nailhni tsꞌe nyuna ꞌi be lubeshi ꞌinla de, ha nónꞌalh ꞌinkꞌez ꞌun ntolhꞌis. ꞋEt ꞌon nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.

Mark 6:3

Yoh ꞌuwhulhꞌen-un, ꞌen iloh lakw ꞌuntꞌoh? Mary ooyeꞌ bulhutsinke James, Joses, Judas, Simon, ꞌinkꞌez bulhtuske cha iloh njan huwhutꞌi?” ꞋInkꞌez buba dzoh suliꞌ.

Luke 2:34

ꞋEt Simeon Yakꞌusda tsꞌu hukwaꞌ daniꞌ butsꞌun óozooꞌ ha. ꞋInkꞌez ooloo Mary ꞌen njan ndi yulhni, “Ndet huba ndun tsꞌoodun Yakꞌusda ꞌen buba ꞌutahayálhti-un ꞌuntꞌoh, ꞌet nyudutasnelh. Israel ootsꞌu hainzutne, ꞌen gha lhane nahutikulh ꞌinkꞌez lhane dunahudutádulh. ꞋInkꞌez highu tꞌeooninzun ꞌet hoontsꞌi hichꞌaz yatilhduk.

Luke 7:23

ꞋInkꞌez si sgha ooba dzoh lhúhoolohne, ꞌenne ꞌukꞌenus hoonzoo-un bughá whutaltsꞌulh.”

John 16:1

Jesus ꞌet ꞌon ꞌun ꞌubulhni, “Nohba ꞌalha ꞌuhoontꞌoh-un doo ka si whula doohtnih, ꞌinka ꞌunohdúsni.

John 6:66

ꞋEt whutsꞌun lhane yugha hodulꞌehne hichꞌa nasdil ꞌinkꞌez ꞌaw ꞌon ꞌat huyulh núlhusdil.

1 Corinthians 2:14

ꞋEt hoontsꞌi mbe la Ndoni lhitꞌih-un, ndai la Yakꞌusda ooyughi ootsꞌu ha dultsꞌit-i, ꞌi ꞌaw lheyulhchoot, whusni be hoonli kꞌunꞌa oobaꞌ yintꞌoh ꞌet huwa. Soo Ndoni ꞌen gha za tꞌehontizeh, ꞌet huwa Ndoni daja ni ꞌaw tꞌeoonoozeh ꞌaitꞌoh.

Galatians 5:11

ꞋEt sulhutsinke ndi ooka dune ulhli-i ꞌawhuz hiyotꞌas dusni de, ꞌawhuz ꞌet za ndudúsni de, ꞌet di ha ꞌawhuz hukwa dzoh nusulhdzut? ꞋEt whuz unꞌa howu yasduk de, ꞌet Jesus Christ tulalhgus kꞌut dazsai-un howu yasduk de, ꞌaw daꞌ buba dzoh lheꞌduzoosnih ooleꞌ.

1 Peter 2:8

ꞋInkꞌez ooghuni ndutni, “Ndi tse ꞌi hitꞌaz nunughalh ꞌinkꞌez ꞌi be ꞌahoolhyiz buba dzoh lhih.” Yakꞌusda ooghuni hikꞌu nulheꞌustꞌen, ꞌi gha nónughalh. ꞋEt whuz unꞌa Yakꞌusda bubaꞌ hóonla.