Matthew 11:5 - Yak'usda Ooghuni

⁵ Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 11:5 Iomraidhean Croise

Matthew 10:8

Ndudáne soo naꞌboolhꞌen, ooka whulhjutne, leprosy huyúlhni, bubunaꞌoolhdeh. Yaidlane dunabudóhlelh. Ntsiꞌ-i nududeh-i, dune butsꞌa ha nábunuhyukw. ꞋAntsꞌi nohgha únkat, ꞌet huwa tsꞌiyawh ꞌantsꞌi huwa oohlelh.

Matthew 11:4

Jesus ndúbulhni, “John ooghu nanahtꞌaz de, hoohꞌen ꞌinkꞌez ndet whudáhtsꞌo-un dóhni.

Matthew 12:13

ꞋEt ndun dune ꞌúyulhni, “Nla lhtsꞌe díntsih!” ꞋEt ꞌawet lhtsꞌe naidizsi whe ookwꞌuz tsꞌe kꞌunꞌa sóo naꞌuja.

Matthew 21:14

Lugliz whucho ꞌet hoos̱ꞌenne ꞌinkꞌez ookechun ndudane, highu nindil, ꞌet soo naꞌbalhꞌen.

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Matthew 9:30

ꞋAho nahitátꞌen ꞌinkꞌez honilhꞌen. Jesus khuni ulhtus-i be ꞌúbulhni, “ꞋUyoonne dóhniꞌ junih!”

Mark 7:37

ꞋInkꞌez tsꞌiyawh tube cho buba hooncha, “Sóo ꞌusdla tsꞌiyantsuk néꞌwhulhꞌen, lheꞌdústsꞌone ꞌuhuditsꞌo ꞌinkꞌez yalhulhdúkne cha yahalhduk ꞌubulhtsi,” hutni.

Mark 9:25

ꞋEt Jesus whutilhꞌen ꞌilhozdílne bughá holhghaz whe ꞌahoh khuni ulhtus-i be ntsiꞌ-i nudúdeh-i hukwaꞌ yudániꞌ, “Ntsiꞌ-i nudúdeh-i lheꞌhudústsꞌo ꞌinkꞌez yalhuhulhduk ilhꞌí-un, tsꞌoodun ooyáhanaindaih nyudúsni, ꞌinkꞌez doo cha ꞌon ꞌat ooyunádondzit junih!” yúlhni.

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

John 10:25

ꞋEt Jesus ubúlhni, “ꞋUdaꞌ nohdásniꞌ ꞌet hoontsꞌi ꞌaw nohba ꞌalhaꞌ lheꞌduzusni. Ndi sBá booziꞌ gha ꞌutꞌen ꞌusꞌén-i, ꞌi gha si sghun cha tꞌéwhunóhzin huba ꞌuhoontꞌoh.

John 10:38

ꞋEt hoontsꞌi sBá be ꞌutꞌen ꞌusꞌen de, ꞌaw si nohba ꞌalhaꞌ lheꞌustꞌoh hoontsꞌi, ndi ꞌutꞌen ꞌusꞌen-i, ꞌi gha nohba ꞌalhaꞌ ꞌuhotꞌeꞌ. ꞋI gha la noheni be tꞌéwhunóhzin ꞌinkꞌez nohba ꞌalhaꞌ ꞌuhótꞌeꞌ sBá ꞌen syudínda ꞌinkꞌez si cha ooyudúsda,” ubúlhni.

John 2:23

ꞋAwhuz Jerusalem ꞌet ꞌutꞌen whe Butus Lhusuya-un, ꞌet whutoh neꞌwhutꞌen-un, whulohne mbene la Jesus yunilhꞌenne ntsꞌo tula neꞌútꞌen-un, ꞌet huwa kꞌus lhane booziꞌ buba ꞌalhaꞌ yintꞌoh suliꞌ.

John 3:2

ꞋEn ꞌulhdzis ꞌet Jesus ghu ninya ꞌinkꞌez uyúlhni, “Rabbi, Yakꞌusda yulh ꞌuntꞌoh-un dune, ꞌen za njan huwa ꞌítꞌen-un tuneꞌ ootꞌen huba ꞌuhoontꞌoh. ꞋEt huwa soo tꞌetsꞌonínzun dune hodulꞌeh-un Yakꞌusda tsꞌu haínya-un inli whe ꞌintꞌoh.”

John 5:36

ꞋEt hoontsꞌi John si sghun ꞌuyoonne whúbunilhtan-un, ꞌon nus ꞌuwhulchó-un, ꞌet whustꞌi. Ndi ꞌutꞌen ꞌi sBá stlꞌa yánꞌai lhadóosdleh wheni, ꞌi ꞌutꞌen ꞌaw ꞌi za ooghásna, ꞌi gha la ꞌuyoonne tꞌehonózin, sBá ꞌen whuz de sútilhꞌaꞌ.

John 9:7

ꞌinkꞌez ꞌuyulhni, “Nghuz too dizꞌai Siloam tsꞌe inyalh ꞌinkꞌez néꞌnildeh.” ꞋEt ndi khuni Siloam ni, ꞌet whélꞌaꞌ, ni whe ꞌutni. ꞋInka whuz whinya, neꞌnilde, ꞌinkꞌez hooꞌen whe whusanája.

Acts 2:22

Peter ꞌet cha ndutni, “Israel ootsꞌu hainzutne sghuni soo cho oozúlhtsꞌai, Jesus Nazareth whutꞌen-un, Yakꞌusda nohtsꞌítilhꞌaꞌ-un, ꞌen Yakꞌusda gha huwa ꞌítꞌen teneꞌútꞌen, ꞌet whe whunóhnilhtun njan nohtoh ꞌuhootꞌen ꞌet huwa tꞌewhunáhzun.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.