Matthew 11:30 - Yak'usda Ooghuni

³⁰ Seꞌutꞌen, ꞌaw nohba oogha lhúhoolnaꞌ tileh, ꞌinkꞌez hoondza whe ꞌuntꞌoh.”

Matthew 11:30 Iomraidhean Croise

Matthew 12:1

ꞋOya whudizulh whe lizwifne buba nahulyis dzin huhoolhꞌi. Jesus tlꞌo mai ha nuyeh toh uyalh, ꞌinkꞌez yugha hodulꞌehne, cha huyulh udulh whe buye ꞌíltsꞌul. Tlꞌo maiꞌ huyoonuyin ꞌinkꞌez huyaꞌalh.

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 15:10

Ndi Moses ooghuni ꞌukꞌu nusguz-i wheni ꞌinkꞌez netsodaꞌne, ꞌenne hoontsꞌi ꞌaw tsꞌihꞌun unꞌa hukwꞌú nulheꞌhitꞌel inleꞌ. ꞋInkꞌez ꞌandit di ha Yakꞌusda ꞌen óolhdzih wheꞌ dahni? Ndunne yugha hodulꞌehne ꞌuhótꞌeꞌ ꞌaítꞌoh te buba néꞌdahni.

Acts 15:28

ꞋEt Ndoni ꞌen bulh lhgha ꞌúzdija ꞌaw ꞌon ꞌun cha howu whúlnaꞌ nohba tsꞌuhólhꞌeꞌ hukwa lheꞌuznízun. Ndet ꞌandit nohghá whuntꞌai whuz unꞌa za oohtꞌeꞌ hukwa ꞌuzninzun.

2 Corinthians 4:17

ꞋEt ndet la hóontsiꞌ-un neghá whunkat-un, ꞌet ꞌatsulyaz za neba ꞌuwhutꞌih ꞌet huwa. ꞋEt neba ꞌantsꞌi leꞌ ꞌuhoontꞌoh. ꞋEt kꞌus ndi be hóontsiꞌ-un neghá whunkat, ꞌet ꞌi be ꞌon nus neba be óodiztiꞌ-i neba yulhtsi. ꞋInkꞌez ndi be óodiztiꞌ-i, ꞌilhiz wheni ꞌuyínla.

Galatians 5:1

ꞋEt huwa ndi Christ ye nékꞌunꞌa ꞌanꞌoh-i, ꞌi be ꞌet whuz unꞌa nelanaditnih. ꞋEt soo cho whulh núdolhyaꞌ. ꞋAw ꞌon ꞌat ꞌulhnane kꞌunꞌa oolhghel junih.

Galatians 5:18

ꞋEt Ndoni ꞌen za ookꞌoh tuneꞌ ꞌahtꞌen de, ꞌet de Moses be ꞌudustlꞌus daja ni, ꞌaw ꞌon ꞌun kꞌúnunoh noojoot ꞌaitꞌoh.

Philippians 4:13

Christ ꞌen ꞌuja be stus-i sgha nínꞌai. ꞋEn be tsꞌiyantsuk ꞌuwhusꞌen.

1 John 5:3

Ooghuni tsꞌoontun de, ꞌet whuz unꞌa Yakꞌusda ookꞌetsꞌinsiꞌ. ꞋInkꞌez ndi ooghuni ꞌaw oogha lhúhoolnaꞌ whe ookꞌuneꞌ tsꞌootꞌen.