Matthew 11:3 - Yak'usda Ooghuni

³ Huyoodulhkut, “Nyun eh whusatíyalh-un inli, kꞌus ꞌuyoon tilah ha tsꞌitóꞌen?”

Matthew 11:3 Iomraidhean Croise

Genesis 12:3

Mbene la mba soo hoonzoo-un ngha hóotaltsꞌulh, ꞌenne cha soo hoonzoo-un bugha hóotaltsꞌulh, ꞌinkꞌez mbe la nkꞌehiyihne cha bukꞌehutisyih, ndi yun kꞌut dilhtsꞌine ꞌenne tsꞌiyawh nyun ngha soo hoonzoo-un bugha hóotaltsꞌulh.”

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 11:10

ꞋEn ghun ꞌukꞌu nusguz-i ꞌet ndutni, ‘Whunulhꞌen, khuni sba naꞌa-un, ꞌen ntso tisꞌalh. Ntsꞌoya la lhutányalh-un mba lhaoodutileh ha.’

Matthew 11:4

Jesus ndúbulhni, “John ooghu nanahtꞌaz de, hoohꞌen ꞌinkꞌez ndet whudáhtsꞌo-un dóhni.

Matthew 21:5

“Zion ookeyoh whuti whutꞌenne, whunulhꞌen! Nohlerwe teꞌdudilꞌen whe nohtsꞌu tiyalh. Donkey ooyaz, ꞌen yukꞌusda. ꞋEn be nohtsꞌu tiyalh.”

Matthew 21:9

ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Mark 11:9

Dune Jesus hitso ꞌudulhne ꞌinkꞌez hikꞌoh údulhne tsꞌiyawh húzulh whe ꞌuhutni, “Yakꞌusda ba whudólhtiꞌ! NeMoodihti booziꞌ gha whusaínya-un, ꞌukꞌenus hoonzoo-un ooghá whultsꞌut.

Luke 19:38

ꞋInkꞌez ꞌuhutni, “Lerwe ꞌen Moodihti booziꞌ be whusainya-un, ꞌukꞌenus hoonzoo-un oogha whultsꞌut! Ndo yakꞌuz whudutághel, ꞌinkꞌez ꞌudedo kꞌus whudutatiꞌ.”

John 11:27

ꞋEt Martha ꞌuyulhni, “A sMoodihti, sba ꞌalha ꞌuhoontꞌoh nyun Yakꞌusda ooYeꞌ, Christ, mbe la ndi yun kꞌeitayalh-un, ꞌen ꞌintꞌoh.”

John 12:13

ꞋUl hudílhchoot ꞌinkꞌez ꞌi hidilelh whe hidudizdil ꞌinkꞌez tube cho ꞌuhutni, “Yakꞌusda ooba whudúlhtiꞌ! Mbe la neMoodihti booziꞌ gha whusaínya-un, ꞌen ꞌukꞌenus hoonzoo-un oogha whultsꞌut! ꞋEn Israel ootsꞌu haindene bulerwe ꞌuntꞌoh!”

John 16:14

Seꞌ ꞌutꞌen kꞌoh tsꞌiyawh hootálhchulh ꞌinkꞌez whunóhuntilhtun, ꞌet whe la si sba whudólhtiꞌ.

John 4:21

ꞋEt Jesus uyúlhni, “Mba ꞌalhaꞌ ꞌudoosniꞌ, ꞌilhudzin diz hóoltsꞌulh whe ꞌuhoontꞌoh, ꞌaw ndi dzulh kꞌut kꞌus Jerusalem ꞌet za iloh Yakꞌusda ootsꞌu téni ꞌuntilhdzun whe ꞌuhoontꞌoh.

John 6:14

ꞋEt ndunne dune honalhꞌen whe Jesus dahoolcho-un la ꞌuja-un, “ꞋEt ꞌalha ꞌuhoontꞌoh whe ndun ꞌen nus hóoꞌen-un yun kꞌeítayalh-un, ꞌen ꞌuntꞌoh,” hutni.

John 7:31

ꞋEt ꞌilhozdílne butoh lhane ꞌen buba ꞌalhaꞌ yintꞌoh suliꞌ ꞌinkꞌez ꞌuhutni, “Ndun Christ whusaínya de, ndun yanus toleh huwa ꞌítꞌen te néꞌtitꞌen? ꞋAwundooh!” hutni. ꞋEt huwa ꞌen Christ ꞌuntꞌoh huninzun.

Hebrews 10:37

ꞋUdaꞌ khuni ꞌet njan ndutni, “Ndun whusatíyalh-un, ꞌaw saꞌ iloh whusatíyalh.