Matthew 11:29 - Yak'usda Ooghuni

²⁹ Seꞌ ꞌutꞌen-i, ꞌi ulhchoot ꞌinkꞌez nedúhtꞌaih leꞌ ꞌahleh sgha hodulhꞌeh. ꞋAw dune dachꞌe nulheꞌzustꞌen ꞌinkꞌez teꞌduduzꞌen ꞌet huwa. Nohzul nátilyis-un ooba nahóhꞌalh.

Matthew 11:29 Iomraidhean Croise

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 21:5

“Zion ookeyoh whuti whutꞌenne, whunulhꞌen! Nohlerwe teꞌdudilꞌen whe nohtsꞌu tiyalh. Donkey ooyaz, ꞌen yukꞌusda. ꞋEn be nohtsꞌu tiyalh.”

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

Matthew 7:24

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

Luke 8:35

ꞋEt dune hodántsꞌo whe whuz whe hándil ꞌinkꞌez honalhꞌen. Jesus highu nindil whe ndun dune ntsiꞌ-i nududeh-i ootsꞌu ha naídide-un, Jesus yukꞌetlꞌa usda whe hinalhꞌen. Naih be dune unli ꞌinkꞌez beni cha oogha nádiltsꞌut. Hinalhꞌen ꞌinkꞌez hunílhjoot.

John 13:15

ꞋAndit nohnalh danóhusdla la, whuz unꞌa nohni cha ꞌet ndulhóolhꞌen.

John 13:17

ꞋEt noheni be tꞌéwhunáhzun de daja nohdásniꞌ, ꞌinkꞌez danóhusdla la, ꞌet nohni cha whuz unꞌa ꞌahtꞌen de, ꞌet de tube hootáhtꞌeꞌ.

Acts 7:37

Moses ꞌen ꞌuntꞌoh Israel ootsꞌu hainzutne ubúlhni whe ndutni, ‘Yakꞌusda be nus hóoꞌen-un, sundultꞌoh-un, ꞌen Yakꞌusda nohtsꞌítilhꞌalh. Nohkeyoh ꞌilhoghun ꞌen ꞌutinelh. ꞋEn si oozólhtsꞌaiꞌ.’

1 Corinthians 9:21

ꞋEt mbene Moses be ꞌudustlꞌus yuyit ꞌuntꞌohne, ꞌenne bukꞌunꞌa ꞌustꞌoh naꞌduzuzsi. ꞋEt tilah mbene Moses be ꞌudustlꞌus yit ꞌuntꞌohne, ꞌenne cha uboosyih. ꞋEt hoontsꞌi ndet Yakꞌusda neba lhuhizyeꞌ ꞌet ꞌaw whuyit lheꞌduzusni, ꞋEt Christ ndet la neba ꞌutni-un hukwꞌunꞌa ꞌustꞌoh ꞌet huwa.

2 Corinthians 10:1

ꞋEt Si, Paul, nohghu tédusdli. Christ ye yo ꞌududaldzin-i, ꞌinkꞌez yé soo neꞌustꞌen-i, ꞌi beꞌ dusni. Dastꞌoh whe nohtoh susdaꞌ daꞌ, ꞌaw lhoojoh-un lhúsdloh. ꞋEt hoontsꞌi lheꞌhutni, nohchꞌoh ꞌustꞌoh te, ꞌet nohélhoosjoh.

2 Corinthians 10:5

Lhtoh ꞌalhgoh howa yahalhduk-un, ꞌi cha tsꞌiyawh hooloh whé nilhtsi. Yakꞌusda ye whunih-i, ꞌi cha huyando ootꞌeꞌ hukwaꞌ hutꞌen, ꞌi cha tsꞌiyawh hooloh yutilhtselh. ꞋInkꞌez daja huninzun-un, ꞌet cha nahuhootálhchulh, ꞌet whe la Christ hikꞌoh tsꞌe nuni hunoozut.

Philippians 2:5

ꞋEt ndet Christ Jesus ꞌen howu nuninuzut, nohni cha ꞌet za howu nuni noohdeh.

1 Thessalonians 4:2

Tꞌeoonuhzun neMoodihti Jesus khuni netlꞌaídanla, ꞌi tsꞌiyawh nohtsꞌudaniꞌ.

2 Thessalonians 1:8

ꞋEt ꞌoh de ndunne Yakꞌusda tꞌenuszunne ꞌinkꞌez neMoodihti Jesus Christ ooghuni unzoo-i kꞌúnulheꞌustꞌenne, ꞌenne kwun tluk be buba ꞌukꞌelha whutaleh. ꞋEt whuz unꞌa ꞌenne butsꞌun kꞌutitnelh.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

1 John 2:6

Mbe la ye yudínda-un ni de, ntsꞌenꞌa la nusuya-un, ꞌet whuz unꞌa za nóyaꞌ hubaꞌ hoontꞌoh.