Matthew 11:28 - Yak'usda Ooghuni

²⁸ Nohni tsꞌiyawh mbe ꞌutꞌen ulhtus-i ꞌulhꞌenne ꞌinkꞌez mbe ndaz-i nulene leꞌ ꞌahtꞌoh, diz ꞌahdulh ꞌinkꞌez natilhyis-un nohgha óotasꞌalh.

Matthew 11:28 Iomraidhean Croise

Matthew 11:29

Seꞌ ꞌutꞌen-i, ꞌi ulhchoot ꞌinkꞌez nedúhtꞌaih leꞌ ꞌahleh sgha hodulhꞌeh. ꞋAw dune dachꞌe nulheꞌzustꞌen ꞌinkꞌez teꞌduduzꞌen ꞌet huwa. Nohzul nátilyis-un ooba nahóhꞌalh.

Matthew 23:4

ꞋEt diz unꞌa néꞌhutꞌen, lhai cho lhunuhúlhꞌoo tube howa whulnaꞌ dune neyúghe huba. Dune buwus kꞌehúyile. ꞋEt hoontsꞌi didut dulasga ꞌilho hoontsꞌi nahayoolhnaꞌ ꞌaitꞌoh.

John 6:37

Tsꞌiyanne sBá sgha bunínlane, ꞌenne la stsꞌun hútoodilh, ꞌinkꞌez mbe la sghu yaih-un, ꞌaw oochꞌaz naóozꞌah ꞌaítꞌoh.

John 7:37

ꞋEt ꞌawet nuhwhújeh-un cho whutoh, ꞌudekꞌez dzin-un, ꞌet dzin ꞌukꞌenus hooncha. ꞋEt dzin ꞌet Jesus butoh usyin ꞌinkꞌez soo khuniti be bubulh yálhduk, “Mbene la taꞌóosdane stsꞌun túhdilh ꞌinkꞌez uhtnai!

Acts 15:10

Ndi Moses ooghuni ꞌukꞌu nusguz-i wheni ꞌinkꞌez netsodaꞌne, ꞌenne hoontsꞌi ꞌaw tsꞌihꞌun unꞌa hukwꞌú nulheꞌhitꞌel inleꞌ. ꞋInkꞌez ꞌandit di ha Yakꞌusda ꞌen óolhdzih wheꞌ dahni? Ndunne yugha hodulꞌehne ꞌuhótꞌeꞌ ꞌaítꞌoh te buba néꞌdahni.

Acts 20:35

ꞋInkꞌez tsꞌiyantsuk whunóhnistan whe ndutsꞌútꞌen ꞌi be mbene la ꞌaw ootꞌen ꞌaitꞌohne, ꞌenne bulaꞌ tsꞌootꞌen. Jesus neMoodihti daja ni ꞌet whunatsꞌoolnih, ꞌet njan ndutni, ‘Huwaꞌ tsꞌaꞌaih te negha ꞌúltsuk-un whanus hoonzoo wheꞌ hoontꞌoh.’”

Galatians 5:1

ꞋEt huwa ndi Christ ye nékꞌunꞌa ꞌanꞌoh-i, ꞌi be ꞌet whuz unꞌa nelanaditnih. ꞋEt soo cho whulh núdolhyaꞌ. ꞋAw ꞌon ꞌat ꞌulhnane kꞌunꞌa oolhghel junih.

2 Thessalonians 1:7

ꞋInkꞌez nohni dzoh nudehne nebulh nátilhyis. Whuz unꞌa neba ꞌukꞌelha whutilhtselh. Ndet la neMoodihti Jesus Christ ꞌinkꞌez oolizas cho bulh, ꞌet yakꞌuz tsꞌe bube hóodutaltsilh.

Hebrews 4:1

Wheni Yakꞌusda nalyis-un netsꞌu hoozi-un, nohni nohtoh ꞌaw tilah lhuwhulhchulh. ꞋAw wheni tsꞌiyawh whéznooljut hubaꞌ hoontꞌoh.

Revelation 22:17

ꞋEt Ndoni ꞌinkꞌez Jesus ghu tidalh-un bulh, “ꞋAnih!” hutni. ꞋInkꞌez mbe whuditsꞌo-un, ꞌen cha, “ꞋAnih!” hudooniꞌ. Mbe la taꞌóosda-un cha diz tóoyaꞌ ꞌinkꞌez ndi be tsꞌúkhuna-i whutooꞌ, ndet hukwaꞌ ninzun totsuk, hiyootnaiꞌ.