Matthew 11:27 - Yak'usda Ooghuni

²⁷ ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeininzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez mbe la ooYeꞌ ꞌonghohne tsꞌiyawh whubuntilhtun hukwaꞌ ninzunne, ꞌenne whubuntilhtun.

Matthew 11:27 Iomraidhean Croise

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Luke 10:22

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeooninzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez ooYeꞌ ꞌonghohne whubuntilhtun hukwaꞌ ninzun de, ꞌen za oobaꞌ hoontꞌoh.”

John 1:18

ꞋAw Yakꞌusda yanꞌen-un hooloh ꞌet ꞌaw ꞌilhoghun ooYeꞌ, ooBá ꞌukꞌenus yukꞌentsiꞌ-un Yakꞌusda ghun ꞌet whunénulhtan.

John 10:15

ꞋEt whuz unꞌa za sBá ꞌen tꞌésunínzun ꞌinkꞌez si cha tꞌenuszun. ꞋInkꞌez seꞌ ꞌusbaine be khúsna-i buba oola dutisnih.

John 13:3

ꞋEt Jesus tꞌéwhunínzun ooBá tsꞌiyaitsuk kꞌúneꞌ yoolꞌen-un, ꞌet yugha óoninꞌai. ꞋInkꞌez Yakꞌusda tsꞌun haínya ꞌinkꞌez Yakꞌusda tsꞌun nátidalh.

John 17:6

Mbene la ndi yun kꞌut whuduneꞌne butoh sghá buninlane, tsꞌiyawh nyun nghun whúbunistan. Nyun Nchꞌeꞌ hinli whe sghá buninla ꞌinkꞌez nghuni hikꞌúneꞌ ꞌustꞌen.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

John 6:46

ꞋAw sBá yanꞌenne hooloh ꞌet hoontsꞌi Yakꞌusda ootsꞌu haínya-un ꞌuntꞌoh, ꞌen za yanꞌen.

John 7:29

ꞋEt ꞌen ootsꞌu hásya ꞌet huwa tꞌenuszun ꞌinkꞌez ꞌen whuz de ha sálhꞌaꞌ!” ubúlhni.

1 Peter 3:22

Yakꞌuz whe naja ꞌinkꞌez ꞌandit Yakꞌusda yughu nailhni tsꞌe usda. ꞋInkꞌez ndunne lizasne, ꞌudedone, ꞌenne ꞌonghohne hiye óolhtus ha, ꞌenne cha, ꞌinkꞌez ndunne hiye ulhtus-i ꞌutꞌine, ꞌenne tsꞌiyawh Jesus Christ hikꞌuneꞌ ootꞌen hubaꞌ ꞌubínla.

1 John 2:23

Mbe la neBá ooYeꞌ tsꞌoodidlai-un, neBá cha lhiyítꞌih whe ꞌuntꞌoh. Mbe neBá ooYeꞌ ooba ꞌalhaꞌ yintꞌoh de, ooBá cha yutꞌi whe ꞌuntꞌoh.

2 John 1:9

Mbe nintaꞌutꞌih-un ꞌinkꞌez Christ khuni be ooghu yaduk-i, ꞌaw lhuyóotun de, ꞌaw Yakꞌusda cha lhítꞌih. Mbe la ndi Christ ooghu yaduk-i yoontun de, neBá duYeꞌ bulh nahúltꞌoh ubutꞌi whé ꞌuntꞌoh.