Matthew 11:26 - Yak'usda Ooghuni

²⁶ ꞋEt hoontsꞌi ꞌuBá ndet ꞌuhóonla-un mba hoonzoo leꞌ hoontꞌoh.

Matthew 11:26 Iomraidhean Croise

Luke 10:21

ꞋEt ꞌoh whuya ꞌuhunitꞌoh Jesus Ndoni be whunílhni whe njan ndutni, “ꞋUBá nyun nyudústiꞌ! Yakꞌuz ꞌinkꞌez yun kꞌut buMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌá whuntinꞌi. Tsꞌoodunneyaz leꞌ ꞌuntꞌohne, bunalhtsꞌet ha honꞌai. ꞋAlhaꞌ ꞌuBá dainja la hoonintꞌiꞌ.

Luke 22:42

ꞋEt ndutni, “ꞋUBá hukwaꞌ ninzun de, ndi be dzoh nutiszut-i sghu nahoolhchoot. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun kꞌunꞌa ꞌuhóneh!”

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

John 11:41

ꞋEt nyo tsꞌun kꞌut dune ꞌadilhtí-un, tse ꞌudun hidutizꞌai. ꞋEt Jesus ndo yútanꞌen ꞌinkꞌez ꞌutni, “SBá sudántsꞌo ꞌinka musi nyudúsni.

John 12:27

“ꞋAndit tube szul ba ndo haꞌ hootꞌen, ꞌinkꞌez daja doosniꞌ suba? SBá njan stsꞌun whudiltsꞌulh-un whuchꞌa sla ꞌineh doosniꞌ eh? ꞋAwundooh! Njan stsꞌun whudiltsꞌulh-un, ꞌet wheni whusásya.

John 12:28

‘SBá nyooziꞌ ꞌon nus diztiꞌ ílhtsi.’” ꞋEt yakꞌuz whutsꞌun khuni huduztsꞌai, “ꞋUdaꞌ sooziꞌ dastiꞌ ꞌinkꞌez doo cha za ꞌon ꞌun dutástiꞌ,” whutni.

Romans 9:18

ꞋEt huwa tꞌeoonóhzin hukwaꞌ nuszun, mbene la Yakꞌusda ꞌutahábanlane, ꞌenne bugha teꞌuntazilh. ꞋEt mbene la ꞌutsꞌun úninzunne, ꞌenne cha whuz unꞌa ꞌuhintꞌoh ubilhꞌi.

Ephesians 1:11

Yakꞌusda dichꞌoh dudeni lhaídinla, ꞌet whuz unꞌa ꞌuwhutꞌen ꞌet huwa. ꞋEt ꞌudaꞌ neba lhaoodinla whe Jesus Christ ꞌen be netsꞌó tikulh-un nechꞌeꞌ whuzdliꞌ.

Ephesians 1:9

Ndet la Yakꞌusda didutchꞌoh hukwaꞌ ninzun-i, neba wheꞌ hoontꞌoh hooyoh-un, ꞌet cha whunénilhtan. Dichꞌoh dudeni lhadínla, ꞌet whe hoontꞌiꞌ, ꞌet whuz unꞌa ꞌuhóoja.

Ephesians 3:11

ꞋUdechoo whutsꞌun neBá ꞌuninzun-un, whuz unꞌa Christ Jesus neMoodihti, ꞌen gha ꞌuhóonla.

2 Timothy 1:9

ꞋEn ꞌuja neulhyih. Nedzi lubeshi ooghu hootáloh ꞌet whuz unꞌa nekaꞌ ninzun. ꞋAw neye ꞌutꞌen kꞌoh gha iloh nekaꞌ daniꞌ. Dichꞌoh ye unzoo-i, ꞌi gha ꞌuzdutijih ha nekaꞌ daniꞌ, ꞌet whuz unꞌa hukwaꞌ ninzun. ꞋInkꞌez ye unzoo-i, ꞌi Christ Jesus ꞌen ootsꞌu ha yíltsꞌut whe neghaltsꞌut. ꞋEt ꞌudechoo wheꞌ whudutátꞌelh, ꞌet whutsodaꞌ ꞌuhoonla.