Matthew 11:25 - Yak'usda Ooghuni

²⁵ Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 11:25 Iomraidhean Croise

Genesis 14:19

Soo hoonzoo-un ubulh yalhduk whe ꞌutni “Yakꞌusda ꞌukꞌenus diztiꞌ-un (El Elyon) yakꞌuz ꞌinkꞌez ndi yun kꞌut cha oochꞌeꞌ hoonli-un ꞌen gha Abram soo hoonzoo-un oogha hootaltsꞌulh.

Genesis 14:22

ꞋEt hoontsꞌi Abram Sodom whulerwe yulhni, “Ndi sla ꞌuntꞌoh Moodihti (Yahweh) Yakꞌusda ꞌukꞌenus yoo do ꞌuntꞌoh (El Elyon) ꞌen ootsꞌun duduzni, ꞌen yakꞌuz cha ndi yun kꞌut cha oochꞌeꞌ hoonli.

Matthew 16:17

Jesus ꞌuyulhni, “Simon Jonah ooyeꞌ, ꞌukꞌenus hoonzoo-un nghá whultsꞌut! ꞋAw ndi yun kꞌut dune iloh nyunalhtsꞌet ha húhonꞌai. ꞋUBá yakꞌuz usda-un, nyunalhtsꞌet ha honꞌai.

Matthew 21:16

ꞋInkꞌez Jesus nduhúyulhni, “Daja hutni la uboozílhtsꞌai eh?” ꞋEt ꞌubulhni, “A, ꞌinkꞌez dahúja-un ꞌaw hukwꞌu yalhuzusduk whe eh dahni? ꞋUkꞌehonguz whe njan nduwhutni, ‘Tsꞌoodunne ꞌinkꞌez tsꞌoodunne nulhyehne cha, bughuni ꞌi beꞌ hutni, tsꞌihꞌun unꞌa sba hodilhtiꞌ ꞌubulhtsi.’”

Luke 22:42

ꞋEt ndutni, “ꞋUBá hukwaꞌ ninzun de, ndi be dzoh nutiszut-i sghu nahoolhchoot. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun kꞌunꞌa ꞌuhóneh!”

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

John 11:41

ꞋEt nyo tsꞌun kꞌut dune ꞌadilhtí-un, tse ꞌudun hidutizꞌai. ꞋEt Jesus ndo yútanꞌen ꞌinkꞌez ꞌutni, “SBá sudántsꞌo ꞌinka musi nyudúsni.

John 12:27

“ꞋAndit tube szul ba ndo haꞌ hootꞌen, ꞌinkꞌez daja doosniꞌ suba? SBá njan stsꞌun whudiltsꞌulh-un whuchꞌa sla ꞌineh doosniꞌ eh? ꞋAwundooh! Njan stsꞌun whudiltsꞌulh-un, ꞌet wheni whusásya.

John 12:28

‘SBá nyooziꞌ ꞌon nus diztiꞌ ílhtsi.’” ꞋEt yakꞌuz whutsꞌun khuni huduztsꞌai, “ꞋUdaꞌ sooziꞌ dastiꞌ ꞌinkꞌez doo cha za ꞌon ꞌun dutástiꞌ,” whutni.

Acts 17:24

Ndun Yakꞌusda tꞌénuzuhzun-un, ꞌen ꞌuntꞌoh, ndi yun kꞌut ꞌinkꞌez ndai ookꞌut ꞌuyintꞌoh-i tsꞌiyawh ꞌuyínla. Ndo yakꞌuz ꞌinkꞌez ndi yun kꞌut tsꞌiyawh whuMoodih unli, ꞌet huwa lugliz whucho dune ꞌuhoonla-un ꞌet lhídoh wheꞌ hoontꞌoh.

1 Corinthians 2:10

ꞋEt hoontsꞌi Yakꞌusda ooyughi ꞌi be whunenilhtan. ꞋEt Yakꞌusda ghun Ndoni neba nahoole-un tsꞌiyawh whunenulhtun, ndai la yoo yoh ꞌuntꞌoh-i, ꞌi hoontsꞌi ꞌi yunenulhtun.

2 Corinthians 3:14

ꞋEt hoontsꞌi bubeni dutsꞌo suliꞌ. ꞋEt ꞌandit dzin whutsꞌun ndi ndai la ꞌudaꞌ butsꞌu hoozi-un hikꞌu yalhduk-i, ꞌi ootsꞌoh yuzbal-i, ꞌahoolhyiz ꞌet nduntꞌoh. ꞋAw whusanálhuhuyulhchooz. Christ ꞌen za whusanaítilhchus.