Matthew 11:20 - Yak'usda Ooghuni

²⁰ ꞋEt hukwꞌelhꞌaz keyoh whuti totsuk ꞌutꞌen ncha-i oobaꞌ yílya-i, ndutꞌenne hukwa budániꞌ. ꞋAw dudeni nahándunoolelh hukwa lheꞌhunízun.

Matthew 11:20 Iomraidhean Croise

Matthew 12:41

ꞋInkꞌez ꞌoh whuya hoozulh-un dzin dune ba nahutideh de, Nineveh whutꞌenne ꞌenne dahutádulh ꞌinkꞌez ꞌanditne ꞌinkꞌez buba nahotiyeh. ꞋOh daꞌ Jonah bubulh yailhduk daꞌ, dudeni nahondunizdla. ꞋInkꞌez ꞌilhoghun Jonah anus diztiꞌ-un nohtoh usyin.

Mark 16:14

ꞋEt hukwꞌelhꞌaz Jesus yugha hodulꞌehne whunizyane ꞌon ꞌat ꞌilhoghun naꞌhutꞌalh whe bunalhtsꞌet hainya. ꞋEt ꞌaw be ꞌalha ꞌuhoontꞌoh-i lhuhítꞌiꞌ ꞌinkꞌez ꞌutsꞌun ꞌoninzun. ꞋEt huwa yanꞌenne ꞌaw buba ꞌalhaꞌ lheꞌhudusnih, ꞌet Jesus hukwaꞌ budániꞌ

Mark 9:19

ꞋInkꞌez Jesus uyúlhni, “ꞋAw nohni dune nohba ꞌalhaꞌ hotꞌeꞌ ꞌaítꞌoh! Dáwhuldzoh nohzih tisdalh? Dawhuldzoh nohtoh tisdalh sudutáhtsꞌo whutsꞌun ꞌinkꞌez nohba ꞌalhaꞌ tistꞌelh? Tsꞌoodun ndiz stsꞌun túlhtih!” ubúlhni.

Acts 17:20

Ndi ooghu yailhduk-i whulukhi uzditsꞌo hoontsꞌi ꞌaw tꞌeznuszun, ꞌet huwa soo cho tꞌetsꞌonoozeh hukwa ꞌuzninzun.”

2 Corinthians 12:21

ꞋInka whesaz whe doo cha za nohtsꞌu natisdalh. Kꞌus lhane nohtoh lubeshi ꞌuhínla tilah. Lheꞌhóozooꞌ tuneꞌ hutꞌen. Dune tsꞌeke bulh nintaꞌutꞌi ꞌet whe lubeshi ꞌulhꞌen. ꞋInkꞌez lubeshi dutsun-i ꞌuhulhꞌen. ꞋEt ꞌawhuz tilah budzi kꞌoh nalheꞌhuyilel. ꞋEt whuz unꞌa ꞌet ndúhoontꞌoh de, ꞌet howa sdzi yo ꞌútinelh ꞌinkꞌez howu ni tisdleh. ꞋEnne bugha Yakꞌusda ꞌet yo úsutilelh.

James 1:5

ꞋEt nohni whulohne Yakꞌusda be whútnih-i ꞌaw lhahtꞌih de, ꞌet de Yakꞌusda hika huyoodolhkut. ꞋEt de ye dánzoo whe bugha ítaꞌalh. ꞋInkꞌez ꞌaw yooya uboolhtselh ꞌaitꞌoh.

Revelation 16:11

ꞋInkꞌez Yakꞌusda yakꞌuz usda-un, ꞌen hidulhyoh yalhduk. Stabe buka whunduda ꞌi be bubulh ꞌúltsꞌulh ꞌet huwa. ꞋInkꞌez dahútꞌen-un ꞌaw whuchꞌa nalhehídulh.

Revelation 16:9

ꞋInkꞌez kwun tube núlwus-i be buka nódizkꞌan. ꞋInkꞌez Yakꞌusda booziꞌ hidulhyoh yalhduk. ꞋEn ye úlhtus-i be ndowhi dune ye dzoh nudeh-i hoonli ꞌet huwa. ꞋInkꞌez ꞌaw lhtꞌanalhonídulh ꞌinkꞌez ꞌaw lhuhidílhtiꞌ.

Revelation 2:21

Ndun tsꞌeke ꞌuyoonne dune bulh nintaꞌutꞌih-un, ꞌet ꞌetsul ooneh dúsnih, ꞌet ꞌaw dudzi kꞌoh nalheꞌyilel.